헬라어 문장 검색 - ΑριστόΑτηενιά1́55́

(아리스토텔레스, 아테네인들의 정치체제, work Ath. Pol., chapter 54)

κληροῦσι δὲ καὶ τάσδε τὰσ ἀρχάσ· ὁδοποιοὺσ πέντε, οἷσ προστέτακται δημοσίουσ ἐργάτασ ἔχουσι τὰσ ὁδοὺσ ἐπισκευάζειν· καὶ λογιστὰσ δέκα καὶ συνηγόρουσ τούτοισ δέκα, πρὸσ οὓσ ἅπαντασ ἀνάγκη τοὺσ τὰσ ἀρχὰσ ἄρξαντασ λόγον ἀπενεγκεῖν.

οὗτοι γάρ εἰσι μόνοι <οἱ> τοῖσ ὑπευθύνοισ λογιζόμενοι καὶ τὰσ εὐθύνασ εἰσ τὸ δικαστήριον εἰσάγοντεσ. κἂν μέν τινα κλέπτοντ’ ἐξελέγξωσι, κλοπὴν οἱ δικασταὶ καταγιγνώσκουσι, καὶ τὸ γνωσθὲν ἀποτίνεται δεκαπλοῦν. ἐὰν δέ τινα δῶρα λαβόντα ἐπιδείξωσιν καὶ καταγνῶσιν οἱ δικασταί, δώρων τιμῶσιν, ἀποτίνεται δὲ καὶ τοῦτο δεκαπλοῦν. ἂν δ’ ἀδικεῖν καταγνῶσιν, ἀδικίου τιμῶσιν, ἀποτίνεται δὲ τοῦθ’ ἁπλοῦν, ἐὰν πρὸ τῆσ θ πρυτανείασ ἐκτείσῃ τισ, εἰ δὲ μή, διπλοῦται. τὸ <δὲ> δεκαπλοῦν οὐ διπλοῦται. κληροῦσι δὲ καὶ γραμματέα τὸν κατὰ πρυτανείαν καλούμενον, ὃσ τῶν γραμμάτων ἐστὶ κύριοσ, καὶ τὰ ψηφίσματα τὰ γιγνόμενα φυλάττει, καὶ τἆλλα πάντα ἀντιγράφεται καὶ παρακάθηται τῇ βουλῇ.

πρότερον μὲν οὖν οὗτοσ ἦν χειροτονητόσ, καὶ τοὺσ ἐνδοξοτάτουσ καὶ πιστοτάτουσ ἐχειροτόνουν. καὶ γὰρ ἐν ταῖσ στήλαισ πρὸσ ταῖσ συμμαχίαισ καὶ προξενίαισ καὶ πολιτείαισ οὗτοσ ἀναγράφεται. νῦν δὲ γέγονε κληρωτόσ. κληροῦσι δὲ καὶ ἐπὶ τοὺσ νόμουσ ἕτερον, ὃσ παρακάθηται τῇ βουλῇ, καὶ ἀντιγράφεται καὶ οὗτοσ πάντασ.

χειροτονεῖ δὲ καὶ ὁ δῆμοσ γραμματέα, τὸν ἀναγνωσόμενον αὐτῷ καὶ τῇ βουλῇ, καὶ οὗτοσ οὐδενόσ ἐστι κύριοσ ἀλλ’ ἢ τοῦ ἀναγνῶναι.

κληροῖ δὲ καὶ ἱεροποιοὺσ δέκα, τοὺσ ἐπὶ τὰ ἐκθύματα καλουμένουσ, οἳ τά τε μαντευτὰ ἱερὰ θύουσιν, κἄν τι καλλιερῆσαι δέῃ, καλλιεροῦσι μετὰ τῶν μάντεων.

κληροῖ δὲ καὶ ἑτέρουσ δέκα, τοὺσ κατ’ ἐνιαυτὸν καλουμένουσ, οἳ θυσίασ τέ τινασ θύουσι, καὶ τὰσ πεντετηρίδασ ἁπάσασ διοικοῦσιν πλὴν Παναθηναίων.

εἰσὶ δὲ πεντετηρίδεσ μία μὲν ἡ εἰσ Δῆλον ἔστι δὲ καὶ ἑπτετηρὶσ ἐνταῦθα, δευτέρα δὲ Βραυρώνια, τρίτη δ’ Ἡράκλεια, τετάρτη δ’ Ἐλευσίνια· ε δὲ Παναθήναια, καὶ τούτων οὐδεμία ἐν τῷ αὐτῷ ἐγγίγνεται. νῦν δὲ πρόσκειται καὶ Ἡφαίστια, ἐπὶ Κηφισοφῶντοσ ἄρχοντοσ. κληροῦσι δὲ καὶ εἰσ Σαλαμῖνα ἄρχοντα, καὶ εἰσ Πειραιέα δήμαρχον, οἳ τά τε Διονύσια ποιοῦσιν ἑκατέρωθι καὶ χορηγοὺσ καθιστᾶσιν.

ἐν Σαλαμῖνι δὲ καὶ τοὔνομα τοῦ ἄρχοντοσ ἀναγράφεται.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Aristotle, Athenian Constitution, work Ath. Pol., chapter 54

(아리스토텔레스, 아테네인들의 정치체제, work Ath. Pol., chapter 54)

상위

목록

SEARCH

MENU NAVIGATION