헬라어 문장 검색 - ΑριστόΑτηενιά1́54́

(아리스토텔레스, 아테네인들의 정치체제, work Ath. Pol., chapter 53)

κληροῦσι δὲ καὶ <τοὺσ> τετταράκοντα, τέτταρασ ἐκ τῆσ φυλῆσ ἑκάστησ, πρὸσ οὓσ τὰσ ἄλλασ δίκασ λαγχάνουσιν. οἳ πρότερον μὲν ἦσαν τριάκοντα καὶ κατὰ δήμουσ περιιόντεσ ἐδίκαζον, μετὰ δὲ τὴν ἐπὶ τῶν τριάκοντα ὀλιγαρχίαν τετταράκοντα γεγόνασιν. καὶ τὰ μὲν μέχρι δέκα δραχμῶν αὐτοτελεῖσ εἰσι δικάζειν, τὰ δ’ ὑπὲρ τοῦτο τὸ τίμημα τοῖσ διαιτηταῖσ παραδιδόασιν· οἱ δὲ παραλαβόντεσ, ἐὰν μὴ δύνωνται διαλῦσαι, γιγνώσκουσι, κἂν μὲν ἀμφοτέροισ ἀρέσκῃ τὰ γνωσθέντα καὶ ἐμμένωσιν, ἔχει τέλοσ ἡ δίκη. ἂν δ’ ὁ ἕτεροσ ἐφῇ τῶν ἀντιδίκων εἰσ τὸ δικαστήριον, ἐμβαλόντεσ τὰσ μαρτυρίασ καὶ τὰσ προκλήσεισ καὶ τοὺσ νόμουσ εἰσ ἐχίνουσ, χωρὶσ μὲν τὰσ τοῦ διώκοντοσ, χωρὶσ δὲ τὰσ τοῦ φεύγοντοσ, καὶ τούτουσ κατασημηνάμενοι, καὶ τὴν γνῶσιν τοῦ διαιτητοῦ γεγραμμένην ἐν γραμματείῳ προσαρτήσαντεσ, παραδιδόασι τοῖσ δ τοῖσ τὴν φυλὴν τοῦ φεύγοντοσ δικάζουσιν.

οἱ δὲ παραλαβόντεσ εἰσάγουσιν εἰσ τὸ δικαστήριον, τὰ μὲν ἐντὸσ χιλίων εἰσ ἕνα καὶ διακοσίουσ, τὰ δ’ ὑπὲρ χιλίασ εἰσ ἕνα καὶ τετρακοσίουσ.

οὐκ ἔξεστι δ’ οὔτε νόμοισ οὔτε προκλήσεσι οὔτε μαρτυρίαισ ἀλλ’ ἢ ταῖσ παρὰ τοῦ διαιτητοῦ χρῆσθαι ταῖσ εἰσ τοὺσ ἐχίνουσ ἐμβεβλημέναισ. διαιτηταὶ δ’ εἰσὶν οἷσ ἂν ἑξηκοστὸν ἔτοσ ᾖ.

τοῦτο δὲ δῆλον ἐκ τῶν ἀρχόντων καὶ τῶν ἐπωνύμων. εἰσὶ γὰρ ἐπώνυμοι δέκα μὲν οἱ τῶν φυλῶν, δύο δὲ καὶ τετταράκοντα οἱ τῶν ἡλικιῶν· οἱ δὲ ἔφηβοι ἐγγραφόμενοι πρότερον μὲν εἰσ λελευκωμένα γραμματεῖα ἐνεγράφοντο, καὶ ἐπεγράφοντο αὐτοῖσ ὅ τ’ ἄρχων ἐφ’ οὗ ἐνεγράφησαν, καὶ ὁ ἐπώνυμοσ ὁ τῷ προτέρῳ ἔτει δεδιαιτηκώσ, νῦν δ’ εἰσ στήλην χαλκῆν ἀναγράφονται, καὶ ἵσταται ἡ στήλη πρὸ τοῦ βουλευτηρίου παρὰ τοὺσ ἐπωνύμουσ. τὸν δὲ τελευταῖον τῶν ἐπωνύμων λαβόντεσ οἱ τετταράκοντα διανέμουσιν αὐτοῖσ τὰσ διαίτασ καὶ ἐπικληροῦσιν ἃσ ἕκαστοσ διαιτήσει·

καὶ ἀναγκαῖον ἃσ ἂν ἕκαστοσ λάχῃ διαίτασ ἐκδιαιτᾶν. ὁ γὰρ νόμοσ, ἄν τισ μὴ γένηται διαιτητὴσ τῆσ ἡλικίασ αὐτῷ καθηκούσησ, ἄτιμον εἶναι κελεύει, πλὴν ἐὰν τύχῃ ἀρχὴν ἄρχων τινὰ ἐν ἐκείνῳ τῷ ἐνιαυτῷ ἢ ἀποδημῶν· οὗτοι δ’ ἀτελεῖσ εἰσὶ μόνοι. ἔστιν δὲ καὶ εἰσαγγέλλειν εἰσ τοὺσ διαιτητάσ, ἐάν τισ ἀδικηθῇ ὑπὸ τοῦ διαιτητοῦ, κἄν τινοσ καταγνῶσιν, ἀτιμοῦσθαι κελεύουσιν οἱ νόμοι.

ἔφεσισ δ’ ἔστι καὶ τούτοισ.

χρῶνται δὲ τοῖσ ἐπωνύμοισ καὶ πρὸσ τὰσ στρατείασ, καὶ ὅταν ἡλικίαν ἐκπέμπωσι, προγράφουσιν, ἀπὸ τίνοσ ἄρχοντοσ καὶ ἐπωνύμου μέχρι τίνων δεῖ στρατεύεσθαι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Aristotle, Athenian Constitution, work Ath. Pol., chapter 53

(아리스토텔레스, 아테네인들의 정치체제, work Ath. Pol., chapter 53)

상위

목록

SEARCH

MENU NAVIGATION