헬라어 문장 검색 - ΑριστόΑτηενιά1́53́

(아리스토텔레스, 아테네인들의 정치체제, work Ath. Pol., chapter 52)

καθιστᾶσι δὲ καὶ τοὺσ ἕνδεκα κλήρῳ, τοὺσ ἐπιμελησομένουσ τῶν ἐν τῷ δεσμωτηρίῳ, καὶ τοὺσ ἀπαγομένουσ κλέπτασ καὶ τοὺσ ἀνδραποδιστὰσ καὶ τοὺσ λωποδύτασ, ἂν μὲν ὁμολογῶσι, θανάτῳ ζημιώσοντασ, ἂν δ’ ἀμφισβητῶσιν, εἰσάξοντασ εἰσ τὸ δικαστήριον, κἂν μὲν ἀποφύγωσιν, ἀφήσοντασ, εἰ δὲ μή, τότε θανατώσοντασ, καὶ τὰ ἀπογραφόμενα χωρία καὶ οἰκίασ εἰσάξοντασ εἰσ τὸ δικαστήριον, καὶ τὰ δόξαντα δημόσια εἶναι παραδώσοντασ τοῖσ πωληταῖσ, καὶ τὰσ ἐνδείξεισ εἰσάξοντασ· καὶ γὰρ ταύτασ εἰσάγουσιν οἱ ἕνδεκα. εἰσάγουσι δὲ τῶν ἐνδείξεών τινασ καὶ οἱ θεσμοθέται. κληροῦσι δὲ καὶ εἰσαγωγέασ ε ἄνδρασ, οἳ τὰσ ἐμμήνουσ εἰσάγουσι δίκασ, δυοῖν φυλαῖν ἕκαστοσ.

εἰσὶ δ’ ἔμμηνοι προικόσ, ἐάν τισ ὀφείλων μὴ ἀποδῷ, κἄν τισ ἐπὶ δραχμῇ δανεισάμενοσ ἀποστερῇ, κἄν τισ ἐν ἀγορᾷ βουλόμενοσ ἐγράζεσθαι δανείσηται παρά τινοσ ἀφορμήν· ἔτι δ’ αἰκείασ καὶ ἐρανικὰσ καὶ κοινωνικὰσ καὶ ἀνδραπόδων καὶ ὑποζυγίων καὶ τριηραρχικὰσ καὶ τραπεζιτικάσ. οὗτοι μὲν οὖν ταύτασ δικάζουσιν ἐμμήνουσ εἰσάγοντεσ, οἱ δ’ ἀποδέκται τοῖσ τελώναισ καὶ κατὰ τῶν τελωνῶν, τὰ μὲν μέχρι δέκα δραχμῶν ὄντεσ κύριοι, τὰ δ’ ἄλλ’ εἰσ τὸ δικαστήριον εἰσάγοντεσ ἔμμηνα.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Aristotle, Athenian Constitution, work Ath. Pol., chapter 52

(아리스토텔레스, 아테네인들의 정치체제, work Ath. Pol., chapter 52)

상위

목록

SEARCH

MENU NAVIGATION