헬라어 문장 검색 - ΑριστόΑτηενιά1́48́

(아리스토텔레스, 아테네인들의 정치체제, work Ath. Pol., chapter 47)

συνδιοικεῖ δὲ καὶ ταῖσ ἄλλαισ ἀρχαῖσ τὰ πλεῖστα. πρῶτον μὲν γὰρ οἱ ταμίαι τῆσ Ἀθηνᾶσ εἰσὶ μὲν δέκα, κληροῦται δ’ εἷσ ἐκ τῆσ φυλῆσ, ἐκ πεντακοσιομεδίμνων κατὰ τὸν Σόλωνοσ νόμον ἔτι γὰρ ὁ νόμοσ κύριόσ ἐστιν, ἄρχει δ’ ὁ λαχὼν κἂν πάνυ πένησ ᾖ. παραλαμβάνουσι δὲ τό τε ἄγαλμα τῆσ Ἀθηνᾶσ καὶ τὰσ Νίκασ καὶ τὸν ἄλλον κόσμον καὶ τὰ χρήματα ἐναντίον τῆσ βουλῆσ. ἔπειθ’ οἱ πωληταὶ ι μέν εἰσι, κληροῦται δ’ εἷσ ἐκ τῆσ φυλῆσ.

μισθοῦσι δὲ τὰ μισθώματα πάντα, καὶ τὰ μέταλλα πωλοῦσι καὶ τὰ τέλη μετὰ τοῦ ταμίου τῶν στρατιωτικῶν καὶ τῶν ἐπὶ τὸ θεωρικὸν ᾑρημένων ἐναντίον τῆσ βουλῆσ, καὶ κυροῦσιν ὅτῳ ἂν ἡ βουλὴ χειροτονήσῃ, καὶ τὰ πραθέντα μέταλλα, τά τ’ ἐργάσιμα τὰ εἰσ τρία ἔτη πεπραμένα, καὶ τὰ συγκεχωρημένα τὰ εἰσ . . . ἔτη πεπραμένα. καὶ τὰσ οὐσίασ τῶν ἐξ Ἀρείου πάγου φευγόντων καὶ τῶν ἄλλων ἐναντίον τῆσ βουλῆσ πωλοῦσιν, κατακυροῦσι δ’ οἱ θ ἄρχοντεσ. καὶ τὰ τέλη τὰ εἰσ ἐνιαυτὸν πεπραμένα, ἀναγράψαντεσ εἰσ λελευκωμένα γραμματεῖα τόν τε πριάμενον καὶ ὅσου ἂν πρίηται, τῇ βουλῇ παραδιδόασιν. ἀναγράφουσιν δὲ χωρὶσ μὲν οὓσ δεῖ κατὰ πρυτανείαν ἑκάστην καταβάλλειν, εἰσ δέκα γραμματεῖα, χωρὶσ δὲ οὓσ τρὶσ τοῦ ἐνιαυτοῦ, γραμματεῖον κατὰ τὴν καταβολὴν ἑκάστην ποιήσαντεσ, χωρὶσ δ’ οὓσ ἐπὶ τῆσ ἐνάτησ πρυτανείασ.

ἀναγράφουσι δὲ καὶ τὰ χωρία καὶ τὰσ οἰκίασ τἀπογραφέντα καὶ πραθέντα ἐν τῷ δικαστηρίῳ· καὶ γὰρ ταῦθ’ οὗτοι πωλοῦσιν. ἔστι δὲ τῶν μὲν οἰκιῶν ἐν ε ἔτεσιν ἀνάγκη τὴν τιμὴν ἀποδοῦναι, τῶν δὲ χωρίων ἐν δέκα· καταβάλλουσιν δὲ ταῦτα ἐπὶ τῆσ ἐνάτησ πρυτανείασ. εἰσφέρει δὲ καὶ ὁ βασιλεὺσ τὰσ μισθώσεισ τῶν <τε>μενῶν, ἀναγράψασ ἐν γραμματείοισ λελευκωμένοισ.

ἔστι δὲ καὶ τούτων ἡ μὲν μίσθωσισ εἰσ ἔτη δέκα, καταβάλλεται δ’ ἐπὶ τῆσ θ πρυτανείασ. διὸ καὶ πλεῖστα χρήματα ἐπὶ ταύτησ συλλέγεται τῆσ πρυτανείασ. εἰσφέρεται μὲν οὖν εἰσ τὴν βουλὴν τὰ γραμματεῖα κατὰ τὰσ καταβολὰσ ἀναγεγραμμένα, τηρεῖ δ’ ὁ δημόσιοσ·

ὅταν δ’ ᾖ χρημάτων καταβολή, παραδίδωσι τοῖσ ἀποδέκταισ αὐτὰ ταῦτα καθελὼν ἀπὸ τῶν ἐπιστυλίων, ὧν ἐν ταύτῃ τῇ ἡμέρᾳ δεῖ τὰ χρήματα καταβληθῆναι καὶ ἀπαλειφθῆναι· τὰ δ’ ἄλλα ἀπόκειται χωρίσ, ἵνα μὴ προεξαλειφθῇ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Aristotle, Athenian Constitution, work Ath. Pol., chapter 47

(아리스토텔레스, 아테네인들의 정치체제, work Ath. Pol., chapter 47)

상위

목록

SEARCH

MENU NAVIGATION