헬라어 문장 검색 - ΑριστόΑτηενιά1́42́

(아리스토텔레스, 아테네인들의 정치체제, work Ath. Pol., chapter 41)

ταῦτα μὲν οὖν ἐν τοῖσ ὕστερον συνέβη γενέσθαι καιροῖσ, τότε δὲ κύριοσ ὁ δῆμοσ γενόμενοσ τῶν πραγμάτων, ἐνεστήσατο τὴν νῦν οὖσαν πολιτείαν, ἐπὶ Πυθοδώρου μὲν ἄρχοντοσ δοκοῦντοσ δὲ δικαίωσ τοῦ δήμου λαβεῖν τὴν πολιτείαν, διὰ τὸ ποιήσασθαι τὴν κάθοδον δι’ αὑτοῦ τὸν δῆμον. ἦν δὲ τῶν μεταβολῶν ἑνδεκάτη τὸν ἀριθμὸν αὕτη.

πρώτη μὲν γὰρ ἐγένετο μετάστασισ τῶν ἐξ ἀρχῆσ Ιὤνοσ καὶ τῶν μετ’ αὐτοῦ συνοικησάντων· τότε γὰρ πρῶτον εἰσ τὰσ τέτταρασ συνενεμήθησαν φυλάσ, καὶ τοὺσ φυλοβασιλέασ κατέστησαν. δευτέρα δὲ καὶ πρώτη μετὰ ταύτην ἔχουσά τι πολιτείασ τάξισ ἡ ἐπὶ Θησέωσ γενομένη, μικρὸν παρεγκλίνουσα τῆσ βασιλικῆσ. μετὰ δὲ ταύτην ἡ ἐπὶ Δράκοντοσ, ἐν ᾗ καὶ νόμουσ ἀνέγραψαν πρῶτον. τρίτη δ’ ἡ μετὰ τὴν στάσιν ἡ ἐπὶ Σόλωνοσ, ἀφ’ ἧσ ἀρχὴ δημοκρατίασ ἐγένετο. τετάρτη δ’ ἡ ἐπὶ Πεισιστράτου τυραννίσ. πέμπτη δ’ ἡ μετὰ <τὴν> τῶν τυράννων κατάλυσιν ἡ Κλεισθένουσ, δημοτικωτέρα τῆσ Σόλωνοσ. ἕκτη δ’ ἡ μετὰ τὰ Μηδικά, τῆσ ἐξ Ἀρείου πάγου βουλῆσ ἐπιστατούσησ. ἑβδόμη δὲ ἡ μετὰ ταύτην, ἣν Ἀριστείδησ μὲν ὑπέδειξεν, Ἐφιάλτησ δ’ ἐπετέλεσεν, καταλύσασ τὴν Ἀρεοπαγῖτιν βουλήν· ἐν ᾗ πλεῖστα συνέβη τὴν πόλιν διὰ τοὺσ δημαγωγοὺσ ἁμαρτάνειν διὰ τὴν τῆσ θαλάττησ ἀρχήν. ὀγδόη δ’ ἡ τῶν τετρακοσίων κατάστασισ, καὶ <ἡ> μετὰ ταύτην, ἐνάτη δέ, ἡ δημοκρατία πάλιν. δεκάτη δ’ ἡ τῶν τριάκοντα καὶ ἡ τῶν δέκα τυραννίσ. ἑνδεκάτη δ’ ἡ μετὰ τὴν ἀπὸ Φυλῆσ καὶ ἐκ Πειραιέωσ κάθοδον, ἀφ’ ἧσ διαγεγένηται μέχρι τῆσ νῦν, ἀεὶ προσεπιλαμβάνουσα τῷ πλήθει τὴν ἐξουσίαν. ἁπάντων γὰρ αὐτὸσ αὑτὸν πεποίηκεν ὁ δῆμοσ κύριον, καὶ πάντα διοικεῖται ψηφίσμασιν καὶ δικαστηρίοισ, ἐν οἷσ ὁ δῆμόσ ἐστιν ὁ κρατῶν. καὶ γὰρ αἱ τῆσ βουλῆσ κρίσεισ εἰσ τὸν δῆμον ἐληλύθασιν. καὶ τοῦτο δοκοῦσι ποιεῖν ὀρθῶσ· εὐδιαφθορώτεροι γὰρ ὀλίγοι τῶν πολλῶν εἰσιν καὶ κέρδει καὶ χάρισιν. μισθοφόρον δ’ ἐκκλησίαν τὸ μὲν πρῶτον ἀπέγνωσαν ποιεῖν·

οὐ συλλεγομένων δ’ εἰσ τὴν ἐκκλησίαν, ἀλλὰ πολλὰ σοφιζομένων τῶν πρυτάνεων, ὅπωσ προσιστῆται τὸ πλῆθοσ πρὸσ τὴν ἐπικύρωσιν τῆσ χειροτονίασ, πρῶτον μὲν Ἀγύρριοσ ὀβολὸν ἐπόρισεν, μετὰ δὲ τοῦτον Ἡρακλείδησ ὁ Κλαζομένιοσ ὁ βασιλεὺσ ἐπικαλούμενοσ διώβολον, πάλιν δ’ Ἀγύρριοσ τριώβολον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Aristotle, Athenian Constitution, work Ath. Pol., chapter 41

(아리스토텔레스, 아테네인들의 정치체제, work Ath. Pol., chapter 41)

상위

목록

SEARCH

MENU NAVIGATION