Aristotle, Athenian Constitution, work Ath. Pol., chapter 40 2:

καὶ δοκεῖ τοῦτό τε πολιτεύσασθαι καλῶσ Ἀρχῖνοσ, καὶ μετὰ ταῦτα γραψάμενοσ τὸ ψήφισμα τὸ Θρασυβούλου παρανόμων, ἐν ᾧ μετεδίδου τῆσ πολιτείασ πᾶσι τοῖσ ἐκ Πειραιέωσ συγκατελθοῦσι, ὧν ἔνιοι φανερῶσ ἦσαν δοῦλοι, καὶ τρίτον, ἐπεί τισ ἤρξατο τῶν κατεληλυθότων μνησικακεῖν, ἀπαγαγὼν τοῦτον ἐπὶ τὴν βουλὴν καὶ πείσασ ἄκριτον ἀποκτεῖναι, λέγων ὅτι νῦν δείξουσιν, εἰ βούλονται τὴν δημοκρατίαν σῴζειν καὶ τοῖσ ὁρ́κοισ ἐμμένειν· ἀφέντασ μὲν γὰρ τοῦτον προτρέψειν καὶ τοὺσ ἄλλουσ, ἐὰν δ’ ἀνέλωσιν, παράδειγμα ποιήσειν ἅπασιν. ὅπερ καὶ συνέπεσεν· ἀποθανόντοσ γὰρ οὐδεὶσ πώποτε ὕστερον ἐμνησικάκησεν, ἀλλὰ δοκοῦσιν κάλλιστα δὴ καὶ πολιτικώτατα ἁπάντων καὶ ἰδίᾳ καὶ κοινῇ χρήσασθαι ταῖσ προγεγενημέναισ συμφοραῖσ·