헬라어 문장 검색 - ΑριστόΑτηενιά1́35́

(아리스토텔레스, 아테네인들의 정치체제, work Ath. Pol., chapter 34)

τούτουσ μὲν οὖν ἀφείλετο τὴν πολιτείαν ὁ δῆμοσ διὰ τάχουσ. ἔτει δ’ ἕκτῳ μετὰ τὴν τῶν τετρακοσίων κατάλυσιν, ἐπὶ Καλλίου τοῦ Ἀγγελῆθεν ἄρχοντοσ, γενομένησ τῆσ ἐν Ἀργινούσσαισ ναυμαχίασ, πρῶτον μὲν τοὺσ δέκα στρατηγοὺσ τοὺσ τῇ ναυμαχίᾳ νικῶντασ συνέβη κριθῆναι μιᾷ χειροτονίᾳ πάντασ, τοὺσ μὲν οὐδὲ συνναυμαχήσαντασ, τοὺσ δ’ ἐπ’ ἀλλοτρίασ νεὼσ σωθέντασ, ἐξαπατηθέντοσ τοῦ δήμου διὰ τοὺσ παροργίσαντασ· ἔπειτα βουλομένων Λακεδαιμονίων ἐκ Δεκελείασ ἀπιέναι καὶ ἐφ’ οἷσ ἔχουσιν ἑκάτεροι εἰρήνην ἄγειν, ἔνιοι μὲν ἐσπούδαζον, τὸ δὲ πλῆθοσ οὐχ ὑπήκουσεν ἐξαπατηθέντεσ ὑπὸ Κλεοφῶντοσ, ὃσ ἐκώλυσε γενέσθαι τὴν εἰρήνην, ἐλθὼν εἰσ τὴν ἐκκλησίαν μεθύων καὶ θώρακα ἐνδεδυκώσ, οὐ φάσκων ἐπιτρέψειν ἐὰν μὴ πάσασ ἀφῶσι Λακεδαιμόνιοι τὰσ πόλεισ. οὐ χρησάμενοι δὲ καλῶσ τότε τοῖσ πράγμασι, μετ’ οὐ πολὺν χρόνον ἔγνωσαν τὴν ἁμαρτίαν.

τῷ γὰρ ὕστερον ἔτει, ἐπ’ Ἀλεξίου ἄρχοντοσ, ἠτύχησαν τὴν ἐν Αἰγὸσ ποταμοῖσ ναυμαχίαν, ἐξ ἧσ συνέβη κύριον γενόμενον τῆσ πόλεωσ Λύσανδρον καταστῆσαι τοὺσ τριάκοντα τρόπῳ τοιῷδε. τῆσ εἰρήνησ γενομένησ αὐτοῖσ ἐφ’ ᾧ τε πολιτεύσονται τὴν πάτριον πολιτείαν, οἱ μὲν δημοτικοὶ διασῴζειν ἐπειρῶντο τὸν δῆμον, τῶν δὲ γνωρίμων οἱ μὲν ἐν ταῖσ ἑταιρείαισ ὄντεσ, καὶ τῶν φυγάδων οἱ μετὰ τὴν εἰρήνην κατελθόντεσ ὀλιγαρχίασ ἐπεθύμουν, οἱ δ’ ἐν ἑταιρείᾳ μὲν οὐδεμιᾷ συγκαθεστῶτεσ, ἄλλωσ δὲ δοκοῦντεσ οὐδενὸσ ἐπιλείπεσθαι τῶν πολιτῶν, τὴν πάτριον πολιτείαν ἐζήτουν·

ὧν ἦν μὲν καὶ Ἀρχῖνοσ καὶ Ἄνυτοσ καὶ Κλειτοφῶν καὶ Φορμίσιοσ καὶ ἕτεροι πολλοί, προειστήκει δὲ μάλιστα Θηραμένησ. Λυσάνδρου δὲ προσθεμένου τοῖσ ὀλιγαρχικοῖσ, καταπλαγεὶσ ὁ δῆμοσ ἠναγκάσθη χειροτονεῖν τὴν ὀλιγαρχίαν. ἔγραψε δὲ τὸ ψήφισμα Δρακοντίδησ Ἀφιδναῖοσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Aristotle, Athenian Constitution, work Ath. Pol., chapter 34

(아리스토텔레스, 아테네인들의 정치체제, work Ath. Pol., chapter 34)

상위

목록

SEARCH

MENU NAVIGATION