헬라어 문장 검색 - ΑριστόΑτηενιά1́28́

(아리스토텔레스, 아테네인들의 정치체제, work Ath. Pol., chapter 27)

μετὰ δὲ ταῦτα πρὸσ τὸ δημαγωγεῖν ἐλθόντοσ Περικλέουσ, καὶ πρῶτον εὐδοκιμήσαντοσ, ὅτε κατηγόρησε τὰσ εὐθύνασ Κίμωνοσ στρατηγοῦντοσ νέοσ ὤν, δημοτικωτέραν ἔτι συνέβη γενέσθαι τὴν πολιτείαν. καὶ γὰρ τῶν Ἀρεοπαγιτῶν ἔνια παρείλετο, καὶ μάλιστα προύτρεψεν τὴν πόλιν ἐπὶ τὴν ναυτικὴν δύναμιν, ἐξ ἧσ συνέβη θαρρήσαντασ τοὺσ πολλοὺσ ἅπασαν τὴν πολιτείαν μᾶλλον ἄγειν εἰσ αὑτούσ. μετὰ δὲ τὴν ἐν Σαλαμῖνι ναυμαχίαν ἑνὸσ δεῖ πεντηκοστῷ ἔτει, ἐπὶ Πυθοδώρου ἄρχοντοσ, ὁ πρὸσ Πελοποννησίουσ ἐνέστη πόλεμοσ, ἐν ᾧ κατακλεισθεὶσ ὁ δῆμοσ ἐν τῷ ἄστει, καὶ συνεθισθεὶσ ἐν ταῖσ στρατείαισ μισθοφορεῖν, τὰ μὲν ἑκὼν τὰ δὲ ἄκων προῃρεῖτο τὴν πολιτείαν διοικεῖν αὐτόσ.

ἐποίησε δὲ καὶ μισθοφόρα τὰ δικαστήρια Περικλῆσ πρῶτοσ, ἀντιδημαγωγῶν πρὸσ τὴν Κίμωνοσ εὐπορίαν.

ὁ γὰρ Κίμων ἅτε τυραννικὴν ἔχων οὐσίαν, πρῶτον μὲν τὰσ κοινὰσ λῃτουργίασ ἐλῃτούργει λαμπρῶσ, ἔπειτα τῶν δημοτῶν ἔτρεφε πολλούσ. ἐξῆν γὰρ τῷ βουλομένῳ Λακιαδῶν, καθ’ ἑκάστην τὴν ἡμέραν ἐλθόντι παρ’ αὐτὸν ἔχειν τὰ μέτρια. ἔτι δὲ τὰ χωρία πάντα ἄφρακτα ἦν, ὅπωσ ἐξῇ τῷ βουλομένῳ τῆσ ὀπώρασ ἀπολαύειν. πρὸσ δὴ ταύτην τὴν χορηγίαν ἐπιλειπόμενοσ ὁ Περικλῆσ τῇ οὐσίᾳ, συμβουλεύσαντοσ αὐτῷ Δαμωνίδου τοῦ Οἰήθεν ὃσ ἐδόκει τῶν πολλῶν εἰσηγητὴσ εἶναι τῷ Περικλεῖ·

διὸ καὶ ὠστράκισαν αὐτὸν ὕστερον, ἐπεὶ τοῖσ ἰδίοισ ἡττᾶτο, διδόναι τοῖσ πολλοῖσ τὰ αὑτῶν, κατεσκεύασε μισθοφορὰν τοῖσ δικαστηρίοισ· ἀφ’ ὧν αἰτιῶνταί τινεσ χείρω γενέσθαι, κληρουμένων ἐπιμελῶσ ἀεὶ μᾶλλον τῶν τυχόντων ἢ τῶν ἐπιεικῶν ἀνθρώπων. ἤρξατο δὲ μετὰ ταῦτα καὶ τὸ δεκάζειν, πρώτου καταδείξαντοσ Ἀνύτου μετὰ τὴν ἐν Πύλῳ στρατηγίαν. κρινόμενοσ γὰρ ὑπό τινων διὰ τὸ ἀποβαλεῖν Πύλον, δεκάσασ τὸ δικαστήριον ἀπέφυγεν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Aristotle, Athenian Constitution, work Ath. Pol., chapter 27

(아리스토텔레스, 아테네인들의 정치체제, work Ath. Pol., chapter 27)

상위

목록

SEARCH

MENU NAVIGATION