헬라어 문장 검색 - ΑριστόΑτηενιά1́27́

(아리스토텔레스, 아테네인들의 정치체제, work Ath. Pol., chapter 26)

ἡ μὲν οὖν τῶν Ἀρεοπαγιτῶν βουλὴ τοῦτον τὸν τρόπον ἀπεστερήθη τῆσ ἐπιμελείασ. μετὰ δὲ ταῦτα συνέβαινεν ἀνίεσθαι μᾶλλον τὴν πολιτείαν διὰ τοὺσ προθύμωσ δημαγωγοῦντασ. κατὰ γὰρ τοὺσ καιροὺσ τούτουσ συνέπεσε μηδ’ ἡγεμόνα ἔχειν τοὺσ ἐπιεικεστέρουσ, ἀλλ’ αὐτῶν προεστάναι Κίμωνα τὸν Μιλτιάδου, νεώτερον ὄντα καὶ πρὸσ τὴν πόλιν ὀψὲ προσελθόντα, πρὸσ δὲ τούτοισ ἐφθάρθαι τοὺσ πολλοὺσ κατὰ πόλεμον. τῆσ γὰρ στρατείασ γιγνομένησ ἐν τοῖσ τότε χρόνοισ ἐκ καταλόγου, καὶ στρατηγῶν ἐφισταμένων ἀπείρων μὲν τοῦ πολεμεῖν, τιμωμένων δὲ διὰ τὰσ πατρικὰσ δόξασ, αἰεὶ συνέβαινεν τῶν ἐξιόντων ἀνὰ δισχιλίουσ ἢ τρισχιλίουσ ἀπόλλυσθαι, ὥστε ἀναλίσκεσθαι τοὺσ ἐπιεικεῖσ καὶ τοῦ δήμου καὶ τῶν εὐπόρων. τὰ μὲν οὖν ἄλλα πάντα διῴκουν οὐχ ὁμοίωσ καὶ πρότερον τοῖσ νόμοισ προσέχοντεσ, τὴν δὲ τῶν ἐννέα ἀρχόντων αἱρ́εσιν οὐκ ἐκίνουν, ἀλλ’ ἕκτῳ ἔτει μετὰ τὸν Ἐφιάλτου θάνατον ἔγνωσαν καὶ ἐκ ζευγιτῶν προκρίνεσθαι τοὺσ κληρωσομένουσ τῶν ἐννέα ἀρχόντων, καὶ πρῶτοσ ἦρξεν ἐξ αὐτῶν Μνησιθείδησ.

οἱ δὲ πρὸ τούτου πάντεσ ἐξ ἱππέων καὶ πεντακοσιομεδίμνων ἦσαν οἱ <δὲ> ζευγῖται τὰσ ἐγκυκλίουσ ἦρχον, εἰ μή τι παρεωρᾶτο τῶν ἐν τοῖσ νόμοισ. ἔτει δὲ πέμπτῳ μετὰ ταῦτα ἐπὶ Λυσικράτουσ ἄρχοντοσ οἱ τριάκοντα δικασταὶ κατέστησαν πάλιν οἱ καλούμενοι κατὰ δήμουσ.

καὶ τρίτῳ μετὰ τοῦτον ἐπὶ Ἀντιδότου διὰ τὸ πλῆθοσ τῶν πολιτῶν Περικλέουσ εἰπόντοσ ἔγνωσαν μὴ μετέχειν τῆσ πόλεωσ, ὃσ ἂν μὴ ἐξ ἀμφοῖν ἀστοῖν ᾖ γεγονώσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Aristotle, Athenian Constitution, work Ath. Pol., chapter 26

(아리스토텔레스, 아테네인들의 정치체제, work Ath. Pol., chapter 26)

상위

목록

SEARCH

MENU NAVIGATION