헬라어 문장 검색 - ΑριστόΑτηενιά1́19́

(아리스토텔레스, 아테네인들의 정치체제, work Ath. Pol., chapter 18)

ἦσαν δὲ κύριοι μὲν τῶν πραγμάτων διὰ τὰ ἀξιώματα καὶ διὰ τὰσ ἡλικίασ Ἵππαρχοσ καὶ Ἱππίασ, πρεσβύτεροσ δὲ ὢν ὁ Ἱππίασ καὶ τῇ φύσει πολιτικὸσ καὶ ἔμφρων ἐπεστάται τῆσ ἀρχῆσ. Θέτταλοσ δὲ νεώτεροσ πολὺ καὶ τῷ βίῳ θρασὺσ καὶ ὑβριστήσ, ἀφ’ οὗ καὶ συνέβη τὴν ἀρχὴν αὐτοῖσ γενέσθαι πάντων τῶν κακῶν.

ἐρασθεὶσ γὰρ τοῦ Ἁρμοδίου καὶ διαμαρτάνων τῆσ πρὸσ αὐτὸν φιλίασ, οὐ κατεῖχε τὴν ὀργήν, ἀλλ’ ἔν τε τοῖσ ἄλλοισ ἐνεσημαίνετο πικρῶσ, καὶ τὸ τελευταῖον μέλλουσαν αὐτοῦ τὴν ἀδελφὴν κανηφορεῖν Παναθηναίοισ ἐκώλυσεν, λοιδορήσασ τι τὸν Ἁρμόδιον ὡσ μαλακὸν ὄντα, ὅθεν συνέβη παροξυνθέντα τὸν Ἁρμόδιον καὶ τὸν Ἀριστογείτονα πράττειν τὴν πρᾶξιν μετεχόντων πολλῶν. ἤδη δὲ παρατηροῦντεσ ἐν ἀκροπόλει τοῖσ Παναθηναίοισ Ἱππίαν ἐτύγχανεν γὰρ οὗτοσ μὲν δεχόμενοσ, ὁ δ’ Ἵππαρχοσ ἀποστέλλων τὴν πομπήν, ἰδόντεσ τινὰ τῶν κοινωνούντων τῆσ πράξεωσ φιλανθρώπωσ ἐντυγχάνοντα τῷ Ἱππίᾳ, καὶ νομίσαντεσ μηνύειν, βουλόμενοί τι δρᾶσαι πρὸ τῆσ συλλήψεωσ, καταβάντεσ καὶ προεξαναστάντεσ τῶν ἄλλων, τὸν μὲν Ἵππαρχον διακοσμοῦντα τὴν πομπὴν παρὰ τὸ Λεωκόρειον ἀπέκτειναν, τὴν δ’ ὅλην ἐλυμήναντο πρᾶξιν.

αὐτῶν δ’ ὁ μὲν Ἁρμόδιοσ εὐθέωσ ἐτελεύτησεν ὑπὸ τῶν δορυφόρων, ὁ δ’ Ἀριστογείτων ὕστερον, συλληφθεὶσ καὶ πολὺν χρόνον αἰκισθείσ.

κατηγόρησεν δ’ ἐν ταῖσ ἀνάγκαισ πολλῶν, οἳ καὶ τῇ φύσει τῶν ἐπιφανῶν καὶ φίλοι τοῖσ τυράννοισ ἦσαν. οὐ γὰρ ἐδύναντο παραχρῆμα λαβεῖν οὐδὲν ἴχνοσ τῆσ πράξεωσ, ἀλλ’ ὁ λεγόμενοσ λόγοσ, ὡσ ὁ Ἱππίασ ἀποστήσασ ἀπὸ τῶν ὅπλων τοὺσ πομπεύοντασ, ἐφώρασε τοὺσ τὰ ἐγχειρίδια ἔχοντασ, οὐκ ἀληθήσ ἐστιν· οὐ γὰρ ἔπεμπον τό<τε> μεθ’ ὅπλων, ἀλλ’ ὕστερον τοῦτο κατεσκεύασεν ὁ δῆμοσ. κατηγόρει δὲ τῶν τοῦ τυράννου φίλων, ὡσ μὲν οἱ δημοτικοί φασιν ἐπίτηδεσ, ἵνα ἀσεβήσαιεν ἅμα καὶ γένοιντο ἀσθενεῖσ, ἀνελόντεσ τοὺσ ἀναιτίουσ καὶ φίλουσ ἑαυτῶν, ὡσ δ’ ἔνιοι λέγουσιν οὐχὶ πλαττόμενοσ, ἀλλὰ τοὺσ συνειδότασ ἐμήνυεν.

καὶ τέλοσ ὡσ οὐκ ἐδύνατο πάντα ποιῶν ἀποθανεῖν, ἐπαγγειλάμενοσ ὡσ ἄλλουσ μηνύσων πολλούσ, καὶ πείσασ αὑτῷ τὸν Ἱππίαν δοῦναι τὴν δεξιὰν πίστεωσ χάριν, ὡσ ἔλαβεν ὀνειδίσασ ὅτι τῷ φονεῖ τἀδελφοῦ τὴν δεξιὰν δέδωκε, οὕτω παρώξυνε τὸν Ἱππίαν, ὥσθ’ ὑπὸ τῆσ ὀργῆσ οὐ κατέσχεν ἑαυτόν, ἀλλὰ σπασάμενοσ τὴν μάχαιραν διέφθειρεν αὐτόν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Aristotle, Athenian Constitution, work Ath. Pol., chapter 18

(아리스토텔레스, 아테네인들의 정치체제, work Ath. Pol., chapter 18)

상위

목록

SEARCH

MENU NAVIGATION