헬라어 문장 검색 - ΑριστόΑτηενιά1́16́

(아리스토텔레스, 아테네인들의 정치체제, work Ath. Pol., chapter 15)

ἡ μὲν οὖν πρώτη κάθοδοσ ἐγένετο τοιαύτη. μετὰ δὲ ταῦτα ὡσ ἐξέπεσε τὸ δεύτερον, ἔτει μάλιστα ἑβδόμῳ μετὰ τὴν κάθοδον, οὐ γὰρ πολὺν χρόνον κατέσχεν, ἀλλὰ διὰ τὸ μὴ βούλεσθαι τῇ τοῦ Μεγακλέουσ θυγατρὶ συγγίγνεσθαι, φοβηθεὶσ ἀμφοτέρασ τὰσ στάσεισ ὑπεξῆλθεν. καὶ πρῶτον μὲν συνῴκισε περὶ τὸν Θερμαῖον κόλπον χωρίον ὃ καλεῖται Ῥαίκηλοσ, ἐκεῖθεν δὲ παρῆλθεν εἰσ τοὺσ περὶ Πάγγαιον τόπουσ, ὅθεν χρηματισάμενοσ καὶ στρατιώτασ μισθωσάμενοσ, ἐλθὼν εἰσ Ἐρέτριαν ἑνδεκάτῳ πάλιν ἔτει τό<τε> πρῶτον ἀνασώσασθαι βίᾳ τὴν ἀρχὴν ἐπεχείρει, συμπροθυμουμένων αὐτῷ πολλῶν μὲν καὶ ἄλλων, μάλιστα δὲ Θηβαίων καὶ Λυγδάμιοσ τοῦ Ναξίου, ἔτι δὲ τῶν ἱππέων τῶν ἐχόντων ἐν Ἐρετρίᾳ τὴν πολιτείαν.

νικήσασ δὲ τὴν ἐπὶ Παλληνίδι μάχην καὶ λαβὼν τὴν πόλιν καὶ παρελόμενοσ τοῦ δήμου τὰ ὅπλα, κατεῖχεν ἤδη τὴν τυρρανίδα βεβαίωσ·

καὶ Νάξον ἑλὼν ἄρχοντα κατέστησε Λύγδαμιν. παρεῖλε δὲ τοῦ δήμου τὰ ὅπλα τόνδε τὸν τρόπον.

ἐξοπλασίαν ἐν τῷ Θησείῳ ποιησάμενοσ ἐκκλησιάζειν ἐπεχείρει, καὶ χρόνον προσηγόρευεν μικρόν, οὐ φασκόντων δὲ κατακούειν, ἐκέλευσεν αὐτοὺσ προσαναβῆναι πρὸσ τὸ πρόπυλον τῆσ ἀκροπόλεωσ, ἵνα γεγωνῇ μᾶλλον. ἐν ᾧ δ’ ἐκεῖνοσ διέτριβε δημηγορῶν, ἀνελόντεσ οἱ ἐπὶ τούτῳ τεταγμένοι τὰ ὅπλα, καὶ κατακλείσαντεσ εἰσ τὰ πλησίον οἰκήματα τοῦ Θησείου, διεσήμηναν ἐλθόντεσ πρὸσ τὸν Πεισίστρατον. ὁ δὲ ἐπεὶ τὸν ἄλλον λόγον ἐπετέλεσεν, εἶπε καὶ περὶ τῶν ὅπλων τὸ γεγονόσ, ὡσ οὐ χρὴ θαυμάζειν οὐδ’ ἀθυμεῖν, ἀλλ’ ἀπελθόντασ ἐπὶ τῶν ἰδίων εἶναι, τῶν δὲ κοινῶν αὐτὸσ ἐπιμελήσεσθαι πάντων.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Aristotle, Athenian Constitution, work Ath. Pol., chapter 15

(아리스토텔레스, 아테네인들의 정치체제, work Ath. Pol., chapter 15)

상위

목록

SEARCH

MENU NAVIGATION