헬라어 문장 검색 - ΑριστόΑτηενιά1́09́

(아리스토텔레스, 아테네인들의 정치체제, work Ath. Pol., chapter 8)

τὰσ δ’ ἀρχὰσ ἐποίησε κληρωτὰσ ἐκ προκρίτων, οὓσ ἑκάστη προκρίνειε τῶν φυλῶν. προύκρινεν δ’ εἰσ τοὺσ ἐννέα ἄρχοντασ ἑκάστη δέκα, καὶ τούτων ἐκλήρουν· ὅθεν ἔτι διαμένει ταῖσ φυλαῖσ τὸ δέκα κληροῦν ἑκάστην, εἶτ’ ἐκ τούτων κυαμεύειν. σημεῖον δ’ ὅτι κληρωτὰσ ἐποίησεν ἐκ τῶν τιμημάτων ὁ περὶ τῶν ταμιῶν νόμοσ, ᾧ χρώμενοι διατελοῦσιν ἔτι καὶ νῦν· κελεύει γὰρ κληροῦν τοὺσ ταμίασ ἐκ πεντακοσιομεδίμνων. Σόλων μὲν οὖν οὕτωσ ἐνομοθέτησεν περὶ τῶν ἐννέα ἀρχόντων·

τὸ γὰρ ἀρχαῖον ἡ ἐν Ἀρείῳ πάγῳ βουλή, ἀνακαλεσαμένη καὶ κρίνασα καθ’ αὑτήν, τὸν ἐπιτήδειον ἐφ’ ἑκάστῃ τῶν ἀρχῶν ἐπ’ ἐνιαυτὸν διατάξασα ἀπέστελλεν. φυλαὶ δ’ ἦσαν δ καθάπερ πρότερον, καὶ φυλοβασιλεῖσ τέτταρεσ.

ἐκ δὲ τῆσ φυλῆσ ἑκάστησ ἦσαν νενεμημέναι τριττύεσ μὲν τρεῖσ, ναυκραρίαι δὲ δώδεκα καθ’ ἑκάστην· ἦν δ’ ἐπὶ τῶν ναυκραριῶν ἀρχὴ καθεστηκυῖα ναύκραροι, τεταγμένη πρόσ τε τὰσ εἰσφορὰσ καὶ τὰσ δαπάνασ τὰσ γιγνομένασ· διὸ καὶ ἐν τοῖσ νόμοισ τοῖσ Σόλωνοσ οἷσ οὐκέτι χρῶνται πολλαχοῦ γέγραπται, "τοὺσ ναυκράρουσ εἰσπράττειν, καὶ "ἀναλίσκειν ἐκ τοῦ ναυκραρικοῦ ἀργυρίου. βουλὴν δ’ ἐποίησε τετρακοσίουσ, ἑκατὸν ἐξ ἑκάστησ φυλῆσ, τὴν δὲ τῶν Ἀρεοπαγιτῶν ἔταξεν ἐπὶ τὸ νομοφυλακεῖν, ὥσπερ ὑπῆρχεν καὶ πρότερον ἐπίσκοποσ οὖσα τῆσ πολιτείασ, καὶ τά τε ἄλλα τὰ πλεῖστα καὶ τὰ μέγιστα τῶν πολιτ<ικ>ῶν διετήρει, καὶ τοὺσ ἁμαρτάνοντασ ηὔθυνεν κυρία οὖσα καὶ ζημιοῦν καὶ κολάζειν, καὶ τὰσ ἐκτίσεισ ἀνέφερεν εἰσ πόλιν, οὐκ ἐπιγράφουσα τὴν πρόφασιν δι’ ὃ τὸ ἐκτίνεσθαι, καὶ τοὺσ ἐπὶ καταλύσει τοῦ δήμου συνισταμένουσ ἔκρινεν, Σόλωνοσ θέντοσ νόμον εἰσαγγελίασ περὶ αὐτῶν.

ὁρῶν δὲ τὴν μὲν πόλιν πολλάκισ στασιάζουσαν, τῶν δὲ πολιτῶν ἐνίουσ διὰ τὴν ῥᾳθυμίαν ἀγαπῶντασ τὸ αὐτόματον, νόμον ἔθηκεν πρὸσ αὐτοὺσ ἴδιον, ὃσ ἂν στασιαζούσησ τῆσ πόλεωσ μὴ θῆται τὰ ὅπλα μηδὲ μεθ’ ἑτέρων, ἄτιμον εἶναι καὶ τῆσ πόλεωσ μὴ μετέχειν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Aristotle, Athenian Constitution, work Ath. Pol., chapter 8

(아리스토텔레스, 아테네인들의 정치체제, work Ath. Pol., chapter 8)

상위

목록

SEARCH

MENU NAVIGATION