헬라어 문장 검색 - ΑριστόΑτηενιά1́08́

(아리스토텔레스, 아테네인들의 정치체제, work Ath. Pol., chapter 7)

πολιτείαν δὲ κατέστησε καὶ νόμουσ ἔθηκεν ἄλλουσ, τοῖσ δὲ Δράκοντοσ θεσμοῖσ ἐπαύσαντο χρώμενοι πλὴν τῶν φονικῶν. ἀναγράψαντεσ δὲ τοὺσ νόμουσ εἰσ τοὺσ κύρβεισ ἔστησαν ἐν τῇ στοᾷ τῇ βασιλείῳ καὶ ὤμοσαν χρήσεσθαι πάντεσ. οἱ δ’ ἐννέα ἄρχοντεσ ὀμνύντεσ πρὸσ τῷ λίθῳ κατεφάτιζον ἀναθήσειν ἀνδριάντα χρυσοῦν, ἐάν τινα παραβῶσι τῶν νόμων· ὅθεν ἔτι καὶ νῦν οὕτωσ ὀμνύουσι. κατέκλεισεν δὲ τοὺσ νόμουσ εἰσ ἑκατὸν ἔτη καὶ διέταξε τὴν πολιτείαν τόνδε <τὸν> τρόπον.

τιμήματι διεῖλεν εἰσ τέτταρα τέλη, καθάπερ διῄρητο καὶ πρότερον, εἰσ πεντακοσιομέδιμνον καὶ ἱππέα καὶ ζευγίτην καὶ θῆτα.

καὶ τὰσ μὲν ἄλλασ ἀρχὰσ ἀπένειμεν ἄρχειν ἐκ πεντακοσιομεδίμνων καὶ ἱππέων καὶ ζευγιτῶν, τοὺσ ἐννέα ἄρχοντασ καὶ τοὺσ ταμίασ καὶ τοὺσ πωλητὰσ καὶ τοὺσ ἕνδεκα καὶ τοὺσ κωλακρέτασ, ἑκάστοισ ἀνάλογον τῷ μεγέθει τοῦ τιμήματοσ ἀποδιδοὺσ τὴν ἀρχήν· τοῖσ δὲ τὸ θητικὸν τελοῦσιν ἐκκλησίασ καὶ δικαστηρίων μετέδωκε μόνον. ἔδει δὲ τελεῖν πεντακοσιομέδιμνον μέν, ὃσ ἂν ἐκ τῆσ οἰκείασ ποιῇ πεντακόσια μέτρα τὰ συνάμφω ξηρὰ καὶ ὑγρά, ἱππάδα δὲ τοὺσ τριακόσια ποιοῦντασ ‐ ὡσ δ’ ἔνιοί φασι τοὺσ ἱπποτροφεῖν δυναμένουσ·

σημεῖον δὲ φέρουσι τό τε ὄνομα τοῦ τέλουσ, ὡσ ἂν ἀπὸ τοῦ πράγματοσ κείμενον, καὶ τὰ ἀναθήματα τῶν ἀρχαίων· ἀνάκειται γὰρ ἐν ἀκροπόλει εἰκὼν Διφίλου, ἐφ’ ᾗ ἐπιγέγραπται τάδε· Διφίλου Ἀνθεμίων τήνδ’ ἀνέθηκε θεοῖσ . . . θητικοῦ ἀντὶ τέλουσ ἱππάδ’ ἀμειψάμενοσ. καὶ παρέστηκεν ἵπποσ ἐκμαρτυρῶν, ὡσ τὴν ἱππάδα τοῦτο σημαίνουσαν. οὐ μὴν ἀλλ’ εὐλογώτερον τοῖσ μέτροισ διῃρῆσθαι, καθάπερ τοὺσ πεντακοσιομεδίμνουσ ‐ ζευγίσιον δὲ τελεῖν τοὺσ διακόσια τὰ συνάμφω ποιοῦντασ. τοὺσ δ’ ἄλλουσ θητικόν, οὐδεμιᾶσ μετέχοντασ ἀρχῆσ. διὸ καὶ νῦν ἐπειδὰν ἔρηται τὸν μέλλοντα κληροῦσθαί τιν’ ἀρχήν, ποῖον τέλοσ τελεῖ, οὐδ’ ἂν εἷσ εἴποι θητικόν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Aristotle, Athenian Constitution, work Ath. Pol., chapter 7

(아리스토텔레스, 아테네인들의 정치체제, work Ath. Pol., chapter 7)

상위

목록

SEARCH

MENU NAVIGATION