헬라어 문장 검색 - Πλυταρ́Λυξυλλύ26́

(플루타르코스, Lucullus, chapter 26)

οὕτω δὲ τούτων προχωρούντων ἄρασ ὁ Λούκουλλοσ ἐπορεύετο πρὸσ Τιγρανόκερτα, καὶ περιστρατοπεδεύσασ ἐπολιόρκει τὴν πόλιν. ἦσαν δ’ ἐν αὐτῇ πολλοὶ μὲν Ἕλληνεσ τῶν ἀναστάτων ἐκ Κιλικίασ, πολλοὶ δὲ βάρβαροι τοῖσ Ἕλλησιν ὅμοια πεπονθότεσ, Ἀδιαβηνοὶ καὶ Ἀσσύριοι καὶ Γορδυηνοὶ καὶ Καππάδοκεσ, ὧν κατασκάψασ τὰσ πατρίδασ, αὐτοὺσ δὲ κομίσασ ἐκεῖ κατοικεῖν ἠνάγκασεν. ἦν δὲ καὶ χρημάτων ἡ πόλισ μεστὴ καὶ ἀναθημάτων, παντὸσ ἰδιώτου καὶ δυνάστου τῷ βασιλεῖ συμφιλοτιμουμένου πρὸσ αὔξησιν καὶ κατασκευὴν τῆσ πόλεωσ, διὸ καὶ συντόνωσ ἐπολιόρκει ὁ Λούκουλλοσ αὐτήν, οὐκ ἀνέξεσθαι τὸν Τιγράνην οἰόμενοσ, ἀλλὰ καὶ παρὰ γνώμην ὑπ’ ὀργῆσ καταβήσεσθαι διαμαχούμενον, ὀρθῶσ οἰόμενοσ.

πολλὰ δὲ Μιθριδάτησ ἀπηγόρευσεν ἀγγέλουσ πέμπων καὶ γράμματα μὴ συνάπτειν μάχην, ἀλλὰ τοῖσ ἱππεῦσι περικόπτειν τὴν ἀγοράν πολλὰ δὲ Ταξίλησ ἥκων παρ’ αὐτοῦ καὶ συστρατεύων ἐδεῖτο τοῦ βασιλέωσ φυλάττεσθαι καὶ φεύγειν ὡσ ἄμαχον πρᾶγμα τὰ Ῥωμαίων ὅπλα.

καὶ τά γε πρῶτα πρᾴωσ ἤκουε τούτων, ἐπεὶ δὲ πανστρατιᾷ μὲν αὐτῷ συνῆλθον Ἀρμένιοι καὶ Γορδυηνοί, πανστρατιᾷ δὲ Μήδουσ καὶ Ἀδιαβηνοὺσ ἄγοντεσ οἱ βασιλεῖσ παρῆσαν, ἧκον δὲ πολλοὶ μὲν ἀπὸ τῆσ ἐν Βαβυλῶνι θαλάσσησ Ἄραβεσ, πολλοὶ δὲ ἀπὸ τῆσ Κασπίασ Ἀλβανοὶ καὶ Ἴβηρεσ Ἀλβανοῖσ προσοικοῦντεσ, οὐκ ὀλίγοι δὲ τῶν περὶ τὸν Ἀράξην νεμομένων ἀβασίλευτοι χάριτι καὶ δώροισ πεισθέντεσ ἀπήντησαν, ἐλπίδων δὲ καὶ θράσουσ καὶ βαρβαρικῶν ἀπειλῶν μεστὰ μὲν ἦν τὰ συμπόσια τοῦ βασιλέωσ, μεστὰ δὲ τὰ συμβούλια, παρεκινδύνευσε μὲν ὁ Ταξίλησ ἀποθανεῖν ὑπεναντιούμενοσ τῇ γνώμῃ τῆσ μάχησ, ἐδόκει δὲ καὶ Μιθριδάτησ φθονῶν ἀποτρέπειν μεγάλου κατορθώματοσ.

ὅθεν οὐδ’ ἀνέμεινεν αὐτὸν ὁ Τιγράνησ, μὴ μετάσχοι τῆσ δόξησ, ἀλλ’ ἐχώρει παντὶ τῷ στρατῷ σφόδρα δυσφορῶν, ὡσ λέγεται, πρὸσ τοὺσ φίλουσ, ὅτι πρὸσ Λούκουλλον αὐτῷ μόνον, οὐ πρὸσ ἅπαντασ ὁ ἀγὼν ἔσοιτο τοὺσ Ῥωμαίων στρατηγοὺσ ἐν ταὐτῷ γενομένουσ.

τοξότασ μὲν γὰρ καὶ σφενδονήτασ δισμυρίουσ ἦγεν, ἱππεῖσ δὲ πεντακισμυρίουσ καὶ πεντακισχιλίουσ, ὧν ἑπτακισχίλιοι καὶ μύριοι κατάφρακτοι ἦσαν, ὡσ Λούκουλλοσ ἔγραψε πρὸσ τὴν σύγκλητον, ὁπλιτῶν δέ, τῶν μὲν εἰσ σπείρασ, τῶν δ’ εἰσ φάλαγγασ συντεταγμένων, πεντεκαίδεκα μυριάδασ, ὁδοποιοὺσ δὲ καὶ γεφυρωτὰσ καὶ καθαρτὰσ ποταμῶν καὶ ὑλοτόμουσ καὶ τῶν ἄλλων χρειῶν ὑπηρέτασ τρισμυρίουσ καὶ πεντακισχιλίουσ, οἳ τοῖσ μαχομένοισ ἐπιτεταγμένοι κατόπιν ὄψιν ἅμα καὶ ῥώμην παρεῖχον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Lucullus, chapter 26

(플루타르코스, Lucullus, chapter 26)

상위

목록

SEARCH

MENU NAVIGATION