헬라어 문장 검색 - ΑριστόΑτηενιά1́23́

(아리스토텔레스, 아테네인들의 정치체제, work Ath. Pol., chapter 22)

τούτων δὲ γενομένων δημοτικωτέρα πολὺ τῆσ Σόλωνοσ ἐγένετο ἡ πολιτεία. καὶ γὰρ συνέβη τοὺσ μὲν Σόλωνοσ νόμουσ ἀφανίσαι τὴν τυραννίδα διὰ τὸ μὴ χρῆσθαι, καινοὺσ δ’ ἄλλουσ θεῖναι τὸν Κλεισθένη στοχαζόμενον τοῦ πλήθουσ, ἐν οἷσ ἐτέθη καὶ ὁ περὶ τοῦ ὀστρακισμοῦ νόμοσ. πρῶτον μὲν οὖν ἔτει πέμπτῳ μετὰ ταύτην τὴν κατάστασιν, ἐφ’ Ἑρμοκρέοντοσ ἄρχοντοσ, τῇ βουλῇ τοῖσ πεντακοσίοισ τὸν ὁρ́κον ἐποίησαν, ὃν ἔτι καὶ νῦν ὀμνύουσιν.

ἔπειτα τοὺσ στρατηγοὺσ ᾑροῦντο κατὰ φυλάσ, ἐξ ἑκάστησ φυλῆσ ἕνα, τῆσ δὲ ἁπάσησ στρατιᾶσ ἡγεμὼν ἦν ὁ πολέμαρχοσ. ἔτει δὲ μετὰ ταῦτα δωδεκάτῳ νικήσαντεσ τὴν ἐν Μαραθῶνι μάχην, ἐπὶ Φαινίππου ἄρχοντοσ, διαλιπόντεσ ἔτη δύο μετὰ τὴν νίκην, θαρροῦντοσ ἤδη τοῦ δήμου, τότε πρῶτον ἐχρήσαντο τῷ νόμῳ τῷ περὶ τὸν ὀστρακισμόν, ὃσ ἐτέθη διὰ τὴν ὑποψίαν τῶν ἐν ταῖσ δυνάμεσιν, ὅτι Πεισίστρατοσ δημαγωγὸσ καὶ στρατηγὸσ ὢν τύραννοσ κατέστη.

καὶ πρῶτοσ ὠστρακίσθη τῶν ἐκείνου συγγενῶν Ἵππαρχοσ Χάρμου Κολλυτεύσ, δι’ ὃν καὶ μάλιστα τὸν νόμον ἔθηκεν ὁ Κλεισθένησ, ἐξελάσαι βουλόμενοσ αὐτόν.

οἱ γὰρ Ἀθηναῖοι τοὺσ τῶν τυράννων φίλουσ, ὅσοι μὴ συνεξαμαρτάνοιεν ἐν ταῖσ ταραχαῖσ, εἰών οἰκεῖν τὴν πόλιν, χρώμενοι τῇ εἰωθυίᾳ τοῦ δήμου πρᾳότητι· ὧν ἡγεμὼν καὶ προστάτησ ἦν Ἵππαρχοσ. εὐθὺσ δὲ τῷ ὑστέρῳ ἔτει, ἐπὶ Τελεσίνου ἄρχοντοσ, ἐκυάμευσαν τοὺσ ἐννέα ἄρχοντασ κατὰ φυλὰσ ἐκ τῶν προκριθέντων ὑπὸ τῶν δήμων πεντακοσίων, τότε μετὰ τὴν τυραννίδα πρῶτον.

οἱ δὲ πρότεροι πάντεσ ἦσαν αἱρετοί. καὶ ὠστρακίσθη Μεγακλῆσ Ἱπποκράτουσ Ἀλωπεκῆθεν. ἐπὶ μὲν οὖν ἔτη γ τοὺσ τῶν τυράννων φίλουσ ὠστράκιζον, ὧν χάριν ὁ νόμοσ ἐτέθη, μετὰ δὲ ταῦτα τῷ τετάρτῳ ἔτει καὶ τῶν ἄλλων εἴ τισ δοκοίη μείζων εἶναι μεθίσταντο·

καὶ πρῶτοσ ὠστρακίσθη τῶν ἄπωθεν τῆσ τυραννίδοσ Ξάνθιπποσ ὁ Ἀρίφρονοσ. ἔτει δὲ τρίτῳ μετὰ ταῦτα Νικοδήμου ἄρχοντοσ, ὡσ ἐφάνη τὰ μέταλλα τὰ ἐν Μαρωνείᾳ, καὶ περιεγένετο τῇ πόλει τάλαντα ἑκατὸν ἐκ τῶν ἔργων, συμβουλευόντων τινῶν τῷ δήμῳ διανείμασθαι τὸ ἀργύριον, Θεμιστοκλῆσ ἐκώλυσεν, οὐ λέγων ὅ τι χρήσεται τοῖσ χρήμασιν, ἀλλὰ δανεῖσαι κελεύων τοῖσ πλουσιωτάτοισ Ἀθηναίων ἑκατὸν ἑκάστῳ τάλαντον, εἶτ’ ἐὰν μὲν ἀρέσκῃ τὸ ἀνάλωμα, τῆσ πόλεωσ εἶναι τὴν δαπάνην, εἰ δὲ μή, κομίσασθαι τὰ χρήματα παρὰ τῶν δανεισαμένων.

λαβὼν δ’ ἐπὶ τούτοισ ἐναυπηγήσατο τριήρεισ ἑκατόν, ἑκάστου ναυπηγουμένου τῶν ἑκατὸν μίαν, αἷσ ἐναυμάχησαν ἐν Σαλαμῖνι πρὸσ τοὺσ βαρβάρουσ. ὠστρακίσθη δ’ ἐν τούτοισ τοῖσ καιροῖσ Ἀριστείδησ ὁ Λυσιμάχου. τετάρτῳ δ’ ἔτει κατεδέξαντο πάντασ τοὺσ ὠστρακισμένουσ ἄρχοντοσ Ὑψηχίδου, διὰ τὴν Ξέρξου στρατείαν·

καὶ τὸ λοιπὸν ὡρ́ισαν τοῖσ ὀστρακιζομένοισ, ἐντὸσ Γεραιστοῦ καὶ Σκυλλαίου κατοικεῖν, ἢ ἀτίμουσ εἶναι καθάπαξ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Aristotle, Athenian Constitution, work Ath. Pol., chapter 22

(아리스토텔레스, 아테네인들의 정치체제, work Ath. Pol., chapter 22)

상위

목록

SEARCH

MENU NAVIGATION