헬라어 문장 검색 - Πλυταρ́Ρομυλυσ́29́

(플루타르코스, chapter 29)

τὴν δὲ γενομένην ἐπωνυμίαν τῷ Ῥωμύλῳ τὸν Κυρῖνον οἱ μὲν Ἐνυάλιον προσαγορεύουσιν, οἱ δὲ πολίτην, ὅτι καὶ τοὺσ πολίτασ Κυρίτασ ὠνόμαζον, οἱ δὲ τὴν αἰχμὴν ἢ τὸ δόρυ τοὺσ παλαιοὺσ κύριν ὀνομάζειν, καὶ Κυρίτιδοσ Ἥρασ ἄγαλμα καλεῖν ἐπ’ αἰχμῆσ ἱδρυμένον, ἐν δὲ τῇ Ῥηγίᾳ δόρυ καθιδρυμένον Ἄρεα προσαγορεύειν καὶ δόρατι τοὺσ ἐν πολέμοισ ἀριστεύοντασ γεραίρειν· ὡσ οὖν ἀρήιόν τινα τὸν Ῥωμύλον ἢ αἰχμητὴν θεὸν ὀνομασθῆναι Κυρῖνον. ἱερὸν μὲν οὖν αὐτοῦ κατεσκευασμένον ἐστὶν ἐν τῷ λόφῳ τῷ Κυρίνᾳ προσαγορευομένῳ δι’ ἐκεῖνον·

ᾗ δ’ ἡμέρᾳ μετήλλαξεν, ὄχλου φυγὴ καλεῖται καὶ νῶναι Καπρατῖναι διὰ τὸ θύειν εἰσ τὸ τῆσ αἰγὸσ ἕλοσ ἐκ πόλεωσ κατιόντασ· τὴν γὰρ αἶγα κάπραν ὀνομάζουσιν. ἐξιόντεσ δὲ πρὸσ τὴν θυσίαν πολλὰ τῶν ἐπιχωρίων ὀνομάτων φθέγγονται μετὰ βοῆσ, οἱο͂ν Μάρκου, Λουκίου, Γαί̈ου, μιμούμενοι τὴν τότε τροπὴν καὶ ἀνάκλησιν ἀλλήλων μετὰ δέουσ καὶ ταραχῆσ. ἔνιοι μέντοι τὸ μίμημα τοῦτό φασι μὴ φυγῆσ, ἀλλ’ ἐπείξεωσ εἶναι καὶ σπουδῆσ, εἰσ αἰτίαν τοιαύτην ἀναφέροντεσ τὸν λόγον.

ἐπεὶ Κελτοὶ τὴν Ῥώμην καταλαβόντεσ ἐξεκρούσθησαν ὑπὸ Καμίλλου, καὶ δι’ ἀσθένειαν ἡ πόλισ οὐκέτι ῥᾳδίωσ ἑαυτὴν ἀνελάμβανεν, ἐστράτευσαν ἐπ’ αὐτὴν πολλοὶ τῶν Λατίνων, ἄρχοντα Λίβιον Ποστούμιον ἔχοντεσ. οὗτοσ δὲ καθίσασ τὸν στρατὸν οὐ πρόσω τῆσ Ῥώμησ ἔπεμπε κήρυκα, βούλεσθαι λέγων τοὺσ Λατίνουσ ἐκλιποῦσαν ἤδη τὴν παλαιὰν οἰκειότητα καὶ συγγένειαν ἐκζωπυρῆσαι, καιναῖσ αὖθισ ἀνακραθέντων ἐπιγαμίαισ τῶν γενῶν. ἂν οὖν πέμψωσι παρθένουσ τε συχνὰσ καὶ γυναικῶν τὰσ ἀνάνδρουσ, εἰρήνην ἔσεσθαι καὶ φιλίαν αὐτοῖσ, ὡσ ὑπῆρξε πρὸσ Σαβίνουσ πρότερον ἐκ τῶν ὁμοίων.

ταῦτ’ ἀκούσαντεσ οἱ Ῥωμαῖοι τόν τε πόλεμον ἐφοβοῦντο, καὶ τὴν παράδοσιν τῶν γυναικῶν οὐδὲν αἰχμαλωσίασ ἐπιεικέστερον ἔχειν ἐνόμιζον. ἀποροῦσι δ’ αὐτοῖσ θεράπαινα Φιλωτίσ, ὡσ δ’ ἔνιοι λέγουσι Τουτόλα καλουμένη, συνεβούλευσε μηδέτερα ποιεῖν, ἀλλὰ χρησαμένουσ δόλῳ διαφυγεῖν ἅμα τὸν πόλεμον καὶ τὴν ἐξομήρευσιν. ἦν δ’ ὁ δόλοσ, αὐτήν τε τὴν Φιλωτίδα καὶ σὺν αὐτῇ θεραπαινίδασ εὐπρεπεῖσ κοσμήσαντασ ὡσ ἐλευθέρασ ἀποστεῖλαι πρὸσ τοὺσ πολεμίουσ·

εἶτα νύκτωρ τὴν Φιλωτίδα πυρσὸν ἆραι, τοὺσ δὲ Ῥωμαίουσ ἐπελθεῖν μετὰ τῶν ὅπλων καὶ χρήσασθαι κοιμωμένοισ τοῖσ πολεμίοισ. ταῦτα δ’ ἐδρᾶτο πεισθέντων τῶν Λατίνων, καὶ τὸν πυρσὸν ἀνέσχεν ἡ Φιλωτὶσ ἔκ τινοσ ἐρινεοῦ, περισχοῦσα προκαλύμμασι καὶ παραπετάσμασιν ὄπισθεν, ὥστε τοῖσ πολεμίοισ ἀόρατον εἶναι τὸ φῶσ, τοῖσ δὲ Ῥωμαίοισ κατάδηλον. ὡσ οὖν ἐπεῖδον, εὐθὺσ ἐξῄεσαν ἐπειγόμενοι καὶ διὰ τὴν ἔπειξιν ἀλλήλουσ περὶ τὰσ πύλασ ἀνακαλοῦντεσ πολλάκισ.

ἐμπεσόντεσ δὲ τοῖσ πολεμίοισ ἀπροσδοκήτωσ καὶ κρατήσαντεσ, ἐπινίκιον ἄγουσι τὴν ἑορτήν. καὶ Καπρατῖναι μὲν αἱ νῶναι καλοῦνται διὰ τὸν ἐρινεόν, καπρίφικον ὑπὸ Ῥωμαίων ὀνομαζόμενον. ἑστιῶσι δὲ τὰσ γυναῖκασ ἔξω συκῆσ κλάδοισ σκιαζομένασ· αἱ δὲ θεραπαινίδεσ ἀγείρουσι περιιοῦσαι καὶ παίζουσιν, εἶτα πληγαῖσ καὶ βολαῖσ λίθων χρῶνται πρὸσ ἀλλήλασ, ὡσ καὶ τότε τοῖσ Ῥωμαίοισ παραγενόμεναι καὶ συναγωνισάμεναι μαχομένοισ. ταῦτ’ οὐν πολλοὶ προσίενται τῶν συγγραφέων, ἀλλὰ καὶ τὸ μεθ’ ἡμέραν χρῆσθαι τῇ ἀνακλήσει τῶν ὀνομάτων καὶ τὸ πρὸσ τὸ ἕλοσ τὸ τῆσ αἰγὸσ ὡσ ἐπὶ θυσίαν βαδίζοντασ ἐοίκε τῷ προτέρῳ λόγῳ προστίθεσθαι μᾶλλον, εἰ μὴ νὴ Δία τῆσ αὐτῆσ ἡμέρασ ἐν χρόνοισ ἑτέροισ ἀμφότερα τὰ πάθη συνέτυχε γενέσθαι.

λέγεται δὲ Ῥωμύλοσ τέσσαρα μὲν ἔτη καὶ πεντήκοντα γεγονώσ, ὄγδοον δὲ βασιλεύων ἐκεῖνο καὶ τριακοστόν, ἐξ ἀνθρώπων ἀφανισθῆναι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, chapter 29

(플루타르코스, chapter 29)

상위

목록

SEARCH

MENU NAVIGATION