헬라어 문장 검색 - Πλυταρ́Ρομυλυσ́25́

(플루타르코스, chapter 25)

οὕτω δὲ ῥωννυμένοισ τοῖσ πράγμασιν οἱ μὲν ἀσθενέστεροι τῶν προσοίκων ὑπεδύοντο καὶ τυγχάνοντεσ ἀδείασ ἠγάπων, οἱ δὲ δυνατοὶ δεδιότεσ καὶ φθονοῦντεσ, οὐκ ᾤοντο δεῖν περιορᾶν, ἀλλ’ ἐνίστασθαι τῇ αὐξήσει καὶ κολούειν τὸν Ῥωμύλον. πρῶτοι δὲ Τυρρηνῶν Οὐήϊοι, χώραν κεκτημένοι πολλὴν καὶ πόλιν μεγάλην οἰκοῦντεσ, ἀρχὴν ἐποιήσαντο πολέμου Φιδήνην ἀπαιτεῖν ὡσ προσήκουσαν αὐτοῖσ. τὸ δ’ οὐκ ἄδικον ἦν μόνον, ἀλλὰ καὶ γελοῖον, ὅτι κινδυνεύουσι τότε καὶ πολεμουμένοισ οὐ προσαμύναντεσ, ἀλλ’ ἐάσαντεσ ἀπολέσθαι τοὺσ ἄνδρασ, οἰκίασ καὶ γῆν ἀπαιτοῖεν ἄλλων ἐχόντων.

καθυβρισθέντεσ οὖν ὑπὸ τοῦ Ῥωμύλου [ἐν] ταῖσ ἀποκρίσεσι, δίχα διεῖλον ἑαυτούσ, καὶ τῷ μὲν ἐπέκειντο τῷ Φιδηνατῶν στρατεύματι, τῷ δὲ πρὸσ Ῥωμύλον ἀπήντων. πρὸσ μὲν οὖν Φιδήναισ δισχιλίουσ Ῥωμαίων κρατήσαντεσ ἀπέκτειναν, ὑπὸ Ῥωμύλου δὲ νικηθέντεσ ὑπὲρ ὀκτακισχιλίουσ ἀπέβαλον. αὖθισ δὲ περὶ Φιδήνην ἐμαχέσαντο, καὶ τὸ μὲν πλεῖστον ἔργον αὐτοῦ Ῥωμύλου γενέσθαι, τέχνην τε μετὰ τόλμησ πᾶσαν ἐπιδειξαμένου, ῥώμῃ τε καὶ ποδωκείᾳ πολὺ δόξαντοσ ἀνθρωπίνησ κρείττονι κεχρῆσθαι, πάντεσ ὁμολογοῦσι, τὸ δ’ ὑπ’ ἐνίων λεγόμενον κομιδῇ μυθῶδέσ ἐστι, μᾶλλον δ’ ὅλωσ ἄπιστον, ὅτι μυρίων καὶ τετρακισχιλίων πεσόντων ὑπερημίσεισ ἦσαν οὓσ αὐτὸσ ἰδίᾳ χειρὶ Ῥωμύλοσ ἔκτεινεν, ὅπου καὶ Μεσσήνιοι κόμπῳ χρήσασθαι δοκοῦσι περὶ Ἀριστομένουσ λέγοντεσ, ὡσ τρὶσ ἑκατομφόνια θύσειεν ἀπὸ Λακεδαιμονίων.

γενομένησ δὲ τῆσ τροπῆσ, ἀφεὶσ φεύγειν τοὺσ περιόντασ ὁ Ῥωμύλοσ ἐπ’ αὐτὴν ἐχώρει τὴν πόλιν·

οἱ δ’ οὐκ ἠνέσχοντο μεγάλησ συμφορᾶσ γενομένησ, ἀλλὰ δεηθέντεσ ὁμολογίαν ἐποιήσαντο καὶ φιλίαν εἰσ ἔτη ἑκατόν, χώραν τε πολλὴν προέμενοι τῆσ ἑαυτῶν, ἣν Σεπτεμπάγιον καλοῦσιν, ὅπερ ἐστὶν ἑπταμόριον, καὶ τῶν παρὰ τὸν ποταμὸν ἐκστάντεσ ἁλοπηγίων, καὶ πεντήκοντα τῶν ἀρίστων ὁμήρουσ ἐγχειρίσαντεσ. ἐθριάμβευσε δὲ καὶ ἀπὸ τούτων εἰδοῖσ Ὀκτωβρίαισ, ἄλλουσ τε πολλοὺσ αἰχμαλώτουσ ἔχων καὶ τὸν ἡγεμόνα τῶν Βηίων, ἄνδρα πρεσβύτην, ἀφρόνωσ δόξαντα καὶ παρ’ ἡλικίαν ἀπείρωσ τοῖσ πράγμασι κεχρῆσθαι.

διὸ καὶ νῦν ἔτι θύοντεσ ἐπινίκια, γέροντα μὲν ἄγουσι δι’ ἀγορᾶσ εἰσ Καπιτώλιον ἐν περιπορφύρῳ, βοῦλλαν αὐτῷ παιδικὴν άψαντεσ, κηρύττει δ’ ὁ κῆρυξ Σαρδιανοὺσ ὠνίουσ. Τυρρηνοὶ γὰρ ἄποικοι Σαρδιανῶν λέγονται, Τυρρηνικὴ δὲ πόλισ οἱ Οὐήϊοι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, chapter 25

(플루타르코스, chapter 25)

상위

목록

SEARCH

MENU NAVIGATION