헬라어 문장 검색 - Πλυταρ́Ρομυλυσ́22́

(플루타르코스, chapter 22)

λέγεται δὲ καὶ τὴν περὶ τὸ πῦρ ἁγιστείαν Ῥωμύλον καταστῆσαι πρῶτον, ἀποδείξαντα παρθένουσ ἱερὰσ Ἑστιάδασ προσαγορευομένασ. οἱ δὲ τοῦτο μὲν εἰσ Νομᾶν ἀναφέρουσι, τὰ δ’ ἄλλα τὸν Ῥωμύλον θεοσεβῆ διαφερόντωσ, ἔτι δὲ μαντικὸν ἱστοροῦσι γενέσθαι, καὶ φορεῖν ἐπὶ μαντικῇ τὸ καλούμενον λίτυον· ἔστι δὲ καμπύλη ῥάβδοσ, ᾗ τὰ πλινθία καθεζομένουσ ἐπ’ οἰωνῶν διαγράφειν. τοῦτο δ’ ἐν Παλατίῳ φυλαττόμενον ἀφανισθῆναι, περὶ τὰ Κελτικὰ τῆσ πόλεωσ ἁλούσησ·

εἶτα μέντοι τῶν βαρβάρων ἐκπεσόντων εὑρεθῆναι κατὰ τέφρασ βαθείασ, ἀπαθὲσ ὑπὸ τοῦ πυρὸσ ἐν πᾶσι τοῖσ ἄλλοισ ἀπολωλόσι καὶ διεφθαρμένοισ. ἔθηκε δὲ καὶ νόμουσ τινάσ, ὧν σφοδρὸσ μέν ἐστιν ὁ γυναικὶ μὴ διδοὺσ ἀπολείπειν ἄνδρα, γυναῖκα δὲ διδοὺσ ἐκβάλλειν ἐπὶ φαρμακείᾳ τέκνων ἢ κλειδῶν ὑποβολῇ καὶ μοιχευθεῖσαν·

εἰ δ’ ἄλλωσ τισ ἀποπέμψαιτο, τῆσ οὐσίασ αὐτοῦ τὸ μὲν τῆσ γυναικὸσ εἶναι, τὸ δὲ τῆσ Δήμητροσ ἱερὸν κελεύων· τὸν δ’ ἀποδόμενον γυναῖκα θύεσθαι χθονίοισ θεοῖσ. ἴδιον δὲ τὸ μηδεμίαν δίκην κατὰ πατροκτόνων ὁρίσαντα, πᾶσαν ἀνδροφονίαν πατροκτονίαν προσειπεῖν, ὡσ τούτου μὲν ὄντοσ ἐναγοῦσ, ἐκείνου δ’ ἀδυνάτου.

καὶ μέχρι χρόνων πολλῶν ἔδοξεν ὀρθῶσ ἀπογνῶναι τὴν τοιαύτην ἀδικίαν· οὐδεὶσ γὰρ ἔδρασε τοιοῦτον οὐδὲν ἐν Ῥώμῃ σχεδὸν ἐτῶν ἑξακοσίων διαγενομένων, ἀλλὰ πρῶτοσ μετὰ τὸν Ἀννιβιακὸν πόλεμον ἱστορεῖται Λεύκιοσ Ὅστιοσ πατροκτόνοσ γενέσθαι. ταῦτα μὲν οὖν ἱκανὰ περὶ τούτων.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, chapter 22

(플루타르코스, chapter 22)

상위

목록

SEARCH

MENU NAVIGATION