헬라어 문장 검색 - Πλυταρ́Ρομυλυσ́20́

(플루타르코스, chapter 20)

Διπλασιασθείσησ δὲ τῆσ πόλεωσ, ἑκατὸν μὲν ἐκ Σαβίνων πατρίκιοι προσκατελέχθησαν, αἱ δὲ λεγεῶνεσ ἐγένοντο πεζῶν μὲν ἑξακισχιλίων, ἱππέων δ’ ἑξακοσίων. φυλὰσ δὲ τρεῖσ καταστήσαντεσ, ὠνόμασαν τοὺσ μὲν ἀπὸ Ῥωμύλου Ῥαμνήνσησ, τοὺσ δ’ ἀπὸ Τατίου Τατιήνσησ, τρίτουσ δὲ Λουκερήνσησ διὰ τὸ ἄλσοσ εἰσ ὃ πολλοὶ καταφυγόντεσ ἀσυλίασ δεδομένησ τοῦ πολιτεύματοσ μετέσχον· τὰ δ’ ἄλση λούκουσ ὀνομάζουσιν.

ὅτι δ’ ἦσαν αἱ φυλαὶ τοσαῦται, τοὔνομα μαρτυρεῖ· τρίβουσ γὰρ ἔτι νῦν τὰσ φυλὰσ καλοῦσι καὶ τριβούνουσ τοὺσ φυλάρχουσ. ἑκάστη δὲ φυλὴ δέκα φρατρίασ εἶχεν, ἃσ ἔνιοι λέγουσιν ἐπωνύμουσ ἐκείνων εἶναι τῶν γυναικῶν. τοῦτο δὲ δοκεῖ ψεῦδοσ εἶναι· πολλαὶ γὰρ ἔχουσιν ἀπὸ χωρίων τὰσ προσηγορίασ. ἄλλα μέντοι πολλὰ ταῖσ γυναιξὶν εἰσ τιμὴν ἀπέδωκαν, ὧν καὶ ταῦτ’ ἐστιν·

ἐξίστασθαι μὲν ὁδοῦ βαδιζούσαισ, αἰσχρὸν δὲ μηδένα μηδὲν εἰπεῖν παρούσησ γυναικόσ, μηδ’ ὀφθῆναι γυμνόν, ἢ δίκην φεύγειν παρὰ τοῖσ ἐπὶ τῶν φονικῶν καθεστῶσι, φορεῖν δὲ καὶ τοὺσ παῖδασ αὐτῶν τὴν καλουμένην βοῦλλαν ἀπὸ τοῦ σχήματοσ, ὅμοιον πομφόλυγι περιδέραιόν τι, καὶ περιπόρφυρον. ἐβουλεύοντο δ’ οἱ βασιλεῖσ οὐκ εὐθὺσ ἐν κοινῷ μετ’ ἀλλήλων, ἀλλ’ ἑκάτεροσ πρότερον ἰδίᾳ μετὰ τῶν ἑκατόν, εἶθ’ οὕτωσ εἰσ ταὐτὸν ἅπαντασ συνῆγον.

ᾤκει δὲ Τάτιοσ μὲν ὅπου νῦν ὁ τῆσ Μονήτησ ναόσ ἐστι, Ῥωμύλοσ δὲ παρὰ τοὺσ λεγομένουσ βαθμοὺσ καλῆσ ἀκτῆσ. οὗτοι δ’ εἰσὶ περὶ τὴν εἰσ τὸν ἱππόδρομον τὸν μέγαν ἐκ Παλατίου κατάβασιν. ἐνταῦθα δὲ καὶ τὴν κράνειαν ἔφασαν τὴν ἱερὰν γεγονέναι, μυθολογοῦντεσ ὅτι πειρώμενοσ ὁ Ῥωμύλοσ αὑτοῦ λόγχην ἀκοντίσειεν ἀπὸ τοῦ Αουἐντίνου, τὸ ξυστὸν ἔχουσαν κρανείασ·

καταδύσησ δὲ τῆσ αἰχμῆσ εἰσ βάθοσ, ἀνασπάσαι μὲν οὐδεὶσ πειρωμένων πολλῶν ἴσχυσε, τὸ δὲ ξύλον ἔστεξεν ἡ γῆ ζώφυτοσ οὖσα, καὶ βλαστοὺσ ἀνῆκε καὶ στέλεχοσ εὐμέγεθεσ κρανείασ ἔθρεψε. τοῦτο δ’ οἱ μετὰ Ῥωμύλον ὡσ ἕν τι τῶν ἁγιωτάτων ἱερῶν φυλάττοντεσ καὶ σεβόμενοι περιετείχισαν. ὅτῳ δὲ προσιόντι δόξειε μὴ θαλερὸν εἶναι μηδὲ χλωρόν, ἀλλ’ οἱο͂ν ἀτροφεῖν καὶ φθίνειν, ὁ μὲν εὐθὺσ ἔφραζε κραυγῇ τοῖσ προστυγχάνουσιν, οἱ δ’ ὥσπερ ἐμπρησμῷ βοηθοῦντεσ ἐβόων ὕδωρ, ὕδωρ, καὶ συνέτρεχον πανταχόθεν ἀγγεῖα πλήρη κομίζοντεσ ἐπὶ τὸν τόπον.

Γαί̈ου δὲ Καίσαροσ ὥσ φασι τὰσ ἀναβάσεισ ἐπισκευάζοντοσ, καὶ τῶν τεχνιτῶν περιορυττόντων τὰ πλησίον, ἔλαθον αἱ ῥίζαι κακωθεῖσαι παντάπασι, καὶ τὸ φυτὸν ἐμαράνθη.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, chapter 20

(플루타르코스, chapter 20)

상위

목록

SEARCH

MENU NAVIGATION