헬라어 문장 검색 - Πλυταρ́Ρομυλυσ́15́

(플루타르코스, chapter 15)

ἐν δὲ τοῖσ ἁρπάζουσι τὰσ παρθένουσ τότε τυχεῖν λέγουσι τῶν οὐκ ἐπιφανῶν τινασ ἄγοντασ κόρην τῷ τε κάλλει πολὺ καὶ τῷ μεγέθει διαφέρουσαν. ἐπεὶ δ’ ἀπαντῶντεσ ἔνιοι τῶν κρειττόνων ἐπεχείρουν ἀφαιρεῖσθαι, βοᾶν τοὺσ ἄγοντασ, ὡσ Ταλασίῳ κομίζοιεν αὐτήν, ἀνδρὶ νέῳ μέν, εὐδοκίμῳ δὲ καὶ χρηστῷ· τοῦτ’ οὖν ἀκούσαντασ εὐφημεῖν καὶ κροτεῖν ἐπαινοῦντασ, ἐνίουσ δὲ καὶ παρακολουθεῖν ἀναστρέψαντασ εὐνοίᾳ καὶ χάριτι τοῦ Ταλασίου, μετὰ βοῆσ τοὔνομα φθεγγομένουσ.

ἀφ’ οὗ δὴ τὸν Ταλάσιον ἄχρι νῦν, ὡσ Ἕλληνεσ τὸν Ὑμέναιον, ἐπᾴδουσι Ῥωμαῖοι τοῖσ γάμοισ· καὶ γὰρ εὐτυχίᾳ φασὶ χρήσασθαι περὶ τὴν γυναῖκα τὸν Ταλάσιον. Σέξτιοσ δὲ Σύλλασ ὁ Καρχηδόνιοσ, οὔτε μουσῶν οὔτε χαρίτων ἐπιδεὴσ ἀνήρ, ἔλεγεν ἡμῖν ὅτι τῆσ ἁρπαγῆσ σύνθημα τὴν φωνὴν ἔδωκε ταύτην ὁ Ῥωμύλοσ· ἅπαντεσ οὖν ἐβόων τὸν Ταλάσιον οἱ τὰσ παρθένουσ κομίζοντεσ, καὶ διὰ τοῦτο τοῖσ γάμοισ παραμένει τὸ ἔθοσ.

οἱ δὲ πλεῖστοι νομίζουσιν, ὧν καὶ ὁ Ιὄβασ ἐστί, παράκλησιν εἶναι καὶ παρακέλευσιν εἰσ φιλεργίαν καὶ ταλασίαν, οὔπω τότε τοῖσ Ἑλληνικοῖσ ὀνόμασι τῶν Ἰταλικῶν ἐπικεχυμένων. εἰ δὲ τοῦτο μὴ λέγεται κακῶσ, ἀλλ’ ἐχρῶντο Ῥωμαῖοι τότε τῷ ὀνόματι τῆσ ταλασίασ καθάπερ ἡμεῖσ, ἑτέραν ἄν τισ αἰτίαν εἰκάσειε πιθανωτέραν. ἐπεὶ γὰρ οἱ Σαβῖνοι πρὸσ τοὺσ Ῥωμαίουσ πολεμήσαντεσ διηλλάγησαν, ἐγένοντο συνθῆκαι περὶ τῶν γυναικῶν, ὅπωσ μηδὲν ἄλλο ἔργον τοῖσ ἀνδράσιν ἢ τὰ περὶ τὴν ταλασίαν ὑπουργῶσι.

παρέμεινεν οὖν καὶ τοῖσ αὖθισ γαμοῦσι τοὺσ διδόντασ ἢ παραπέμποντασ ἢ ὅλωσ παρόντασ ἀναφωνεῖν τὸν Ταλάσιον μετὰ παιδιᾶσ, μαρτυρομένουσ ὡσ ἐπ’ οὐδὲν ἄλλο ὑπούργημα τῆσ γυναικὸσ ἢ ταλασίαν εἰσαγομένησ. διαμένει δὲ μέχρι νῦν τὸ τὴν νύμφην αὐτὴν ἀφ’ αὑτῆσ μὴ ὑπερβαίνειν τὸν οὐδὸν εἰσ τὸ δωμάτιον, ἀλλ’ αἰρομένην εἰσφέρεσθαι, διὰ τὸ καὶ τότε κομισθῆναι βιασθείσασ, μὴ εἰσελθεῖν.

ἔνιοι δὲ λέγουσι καὶ τὸ τὴν κόμην τῆσ γαμουμένησ αἰχμῇ διακρίνεσθαι δορατίου σύμβολον εἶναι τοῦ μετὰ μάχησ καὶ πολεμικῶσ τὸν πρῶτον γάμον γενέσθαι· περὶ ὧν ἐπὶ πλέον ἐν τοῖσ Αἰτίοισ εἰρήκαμεν. ἐτολμήθη μὲν οὖν ἡ ἁρπαγὴ περὶ τὴν ὀκτωκαιδεκάτην ἡμέραν τοῦ τότε Σεξτιλίου μηνόσ, Αὐγούστου δὲ νῦν, ἐν ᾗ τὴν τῶν Κωνσαλίων ἑορτὴν ἄγουσιν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, chapter 15

(플루타르코스, chapter 15)

상위

목록

SEARCH

MENU NAVIGATION