헬라어 문장 검색 - Πλυταρ́Ρομυλυσ́13́

(플루타르코스, chapter 13)

κτισθείσησ δὲ τῆσ πόλεωσ, πρῶτον μὲν ὅσον ἦν ἐν ἡλικίᾳ πλῆθοσ εἰσ συντάγματα στρατιωτικὰ διεῖλεν. ἕκαστον δὲ σύνταγμα πεζῶν τρισχιλίων ἦν καὶ τριακοσίων ἱππέων. ἐκλήθη δὲ λεγεὼν τῷ λογάδασ εἶναι τοὺσ μαχίμουσ ἐκ πάντων. ἔπειτα τοῖσ μὲν ἄλλοισ ἐχρῆτο δήμῳ, καὶ ποπούλουσ ὠνομάσθη τὸ πλῆθοσ· ἑκατὸν δὲ τοὺσ ἀρίστουσ ἀπέδειξε βουλευτάσ, καὶ αὐτοὺσ μὲν πατρικίουσ, τὸ δὲ σύστημα σενᾶτον προσηγόρευσεν. ὁ μὲν οὖν σενᾶτοσ ἀτρεκῶσ γερουσίαν σημαίνει·

πατρικίουσ δὲ τοὺσ βουλευτὰσ κληθῆναι λέγουσιν οἱ μὲν ὅτι παίδων γνησίων πατέρεσ ἦσαν, οἱ δὲ μᾶλλον ὡσ αὐτοὺσ ἔχοντασ ἑαυτῶν ἀποδεῖξαι πατέρασ, ὅπερ οὐ πολλοῖσ ὑπῆρξε τῶν πρώτων εἰσ τὴν πόλιν συρρεόντων· οἱ δ’ ἀπὸ τῆσ πατρωνείασ· οὕτω γὰρ ἐκάλουν τὴν προστασίαν καὶ καλοῦσιν ἄχρι νῦν, οἰόμενοι Πάτρωνά τινα τῶν σὺν Εὐάνδρῳ παραγενομένων, κηδεμονικὸν τῶν ὑποδεεστέρων ὄντα καὶ βοηθητικόν, ἀφ’ αὑτοῦ τῷ πράγματι ταύτην τὴν προσηγορίαν ἀπολιπεῖν. μάλιστα δ’ ἄν τισ τυγχάνοι τοῦ εἰκότοσ, εἰ νομίζοι τὸν Ῥωμύλον ἀξιοῦντα τοὺσ πρώτουσ καὶ δυνατωτάτουσ πατρικῇ κηδεμονίᾳ καὶ φροντίδι προσήκειν ἐπιμελεῖσθαι τῶν ταπεινοτέρων, ἅμα δὲ τοὺσ ἄλλουσ διδάσκοντα μὴ δεδιέναι μηδ’ ἄχθεσθαι ταῖσ τῶν κρειττόνων τιμαῖσ, ἀλλὰ χρῆσθαι μετ’ εὐνοίασ καὶ νομίζοντασ καὶ προσαγορεύοντασ πατέρασ, οὕτωσ ὀνομάσαι.

καὶ γὰρ ἄχρι νῦν τοὺσ ἐν συγκλήτῳ τελοῦντασ οἱ μὲν ἔξωθεν ἄνδρασ ἡγεμόνασ καλοῦσιν, αὐτοὶ δὲ Ῥωμαῖοι πατέρασ συγγεγραμμένουσ, τῷ μέγιστον μὲν ἀξίωμα καὶ τιμήν, ἥκιστα δὲ φθόνον ἔχοντι χρώμενοι τῶν ὀνομάτων.

ἐν ἀρχῇ μὲν οὖν πατέρασ αὐτοὺσ μόνον, ὕστερον δὲ πλειόνων προσαναλαμβανομένων πατέρασ συγγεγραμμένουσ προσηγόρευσαν. καὶ τοῦτο μὲν ἦν ὄνομα σεμνότερον αὐτῷ τῆσ πρὸσ τὸ δημοτικὸν τοῦ βουλευτικοῦ διαφορᾶσ·

ἑτέροισ δὲ τοὺσ δυνατοὺσ ἀπὸ τῶν πολλῶν διῄρει, πάτρωνασ ὀνομάζων, ὅπερ ἐστὶ προστάτασ, ἐκείνουσ δὲ κλίεντασ, ὅπερ ἐστὶ πελάτασ· ἅμα δὲ πρὸσ ἀλλήλουσ θαυμαστὴν εὔνοιαν αὐτοῖσ καὶ μεγάλων δικαίων ὑπάρξουσαν ἐνεποίησεν. οὗτοι μὲν γὰρ ἐξηγητάσ τε τῶν νομίμων καὶ προστάτασ δικαζομένοισ συμβούλουσ τε πάντων καὶ κηδεμόνασ ἑαυτοὺσ παρεῖχον, ἐκεῖνοι δὲ τούτουσ ἐθεράπευον, οὐ μόνον τιμῶντεσ, ἀλλὰ καὶ πενομένοισ θυγατέρασ συνεκδιδόντεσ καὶ χρέα συνεκτίνοντεσ, καταμαρτυρεῖν τε πελάτου προστάτην ἢ προστάτου πελάτην οὔτε νόμοσ οὐδεὶσ οὔτ’ ἄρχων ἠνάγκαζεν. ὕστερον δὲ τῶν ἄλλων δικαίων μενόντων, τὸ λαμβάνειν χρήματα τοὺσ δυνατοὺσ παρὰ τῶν ταπεινοτέρων αἰσχρὸν ἐνομίσθη καὶ ἀγεννέσ.

ταῦτα μὲν οὖν περὶ τούτων.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, chapter 13

(플루타르코스, chapter 13)

상위

목록

SEARCH

MENU NAVIGATION