헬라어 문장 검색 - Πλυταρ́Ρομυλυσ́03́

(플루타르코스, chapter 3)

τοῦ δὲ πίστιν ἔχοντοσ λόγου μάλιστα καὶ πλείστουσ μάρτυρασ τὰ μὲν κυριώτατα πρῶτοσ εἰσ τοὺσ Ἕλληνασ ἐξέδωκε Διοκλῆσ Πεπαρήθιοσ, ᾧ καὶ Φάβιοσ ὁ Πίκτωρ ἐν τοῖσ πλείστοισ ἐπηκολούθηκε. γεγόνασι δὲ καὶ περὶ τούτων ἕτεραι διαφοραί· τύπῳ δ’ εἰπεῖν τοιοῦτόσ ἐστι. τῶν ἀπ’ Αἰνείου γεγονότων ἐν Ἄλβῃ βασιλέων εἰσ ἀδελφοὺσ δύο, Νομήτορα καὶ Ἀμούλιον, ἡ διαδοχὴ καθῆκεν.

Ἀμουλίου δὲ νείμαντοσ τὰ πάντα δίχα, τῇ δὲ βασιλείᾳ τὰ χρήματα καὶ τὸν ἐκ Τροίασ κομισθέντα χρυσὸν ἀντιθέντοσ, εἵλετο τὴν βασιλείαν ὁ Νομήτωρ. ἔχων οὖν ὁ Ἀμούλιοσ τὰ χρήματα καὶ πλέον ἀπ’ αὐτῶν δυνάμενοσ τοῦ Νομήτοροσ, τήν τε βασιλείαν ἀφείλετο ῥᾳδίωσ, καὶ φοβούμενοσ ἐκ τῆσ θυγατρὸσ αὐτοῦ γενέσθαι παῖδασ, ἱέρειαν τῆσ Ἑστίασ ἀπέδειξεν, ἄγαμον καὶ παρθένον ἀεὶ βιωσομένην. ταύτην οἱ μὲν Ἰλίαν, οἱ δὲ Ῥέαν, οἱ δὲ Σιλουίαν ὀνομάζουσι.

φωρᾶται δὲ μετ’ οὐ πολὺν χρόνον κυοῦσα παρὰ τὸν καθεστῶτα ταῖσ Ἑστιάσι νόμον, καὶ τὸ μὲν ἀνήκεστα μὴ παθεῖν αὐτὴν ἡ τοῦ βασιλέωσ θυγάτηρ Ἀνθὼ παρῃτήσατο, δεηθεῖσα τοῦ πατρόσ, εἱρ́χθη δὲ καὶ δίαιταν εἶχεν ἀνεπίμεικτον, ὅπωσ μὴ λάθοι τεκοῦσα τὸν Ἀμούλιον. ἔτεκε δὲ δύο παῖδασ ὑπερφυεῖσ μεγέθει καὶ κάλλει. δι’ ὃ καὶ μᾶλλον ὁ Ἀμούλιοσ φοβηθείσ, ἐκέλευσεν αὐτοὺσ ὑπηρέτην λαβόντα ῥῖψαι.

τοῦτον ἔνιοι Φαιστύλον ὀνομάζεσθαι λέγουσιν, οἱ δ’ οὐ τοῦτον, ἀλλὰ τὸν ἀνελόμενον. ἐνθέμενοσ οὖν εἰσ σκάφην τὰ βρέφη, κατέβη μὲν ἐπὶ τὸν ποταμὸν ὡσ ῥίψων, ἰδὼν δὲ κατιόντα πολλῷ ῥεύματι καὶ τραχυνόμενον, ἔδεισε προσελθεῖν, ἐγγὺσ δὲ τῆσ ὄχθησ καταθεὶσ ἀπηλλάσσετο. τοῦ δὲ ποταμοῦ κατακλύζοντοσ ἡ πλημμύρα τὴν σκάφην ὑπολαβοῦσα καὶ μετεωρίσασα πρᾴωσ κατήνεγκεν εἰσ χωρίον ἐπιεικῶσ μαλθακόν, ὃ νῦν Κερμαλὸν καλοῦσι, πάλαι δὲ Γερμανόν, ὡσ ἐοίκεν ὅτι καὶ τοὺσ ἀδελφοὺσ γερμανοὺσ ὀνομάζουσιν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, chapter 3

(플루타르코스, chapter 3)

상위

목록

SEARCH

MENU NAVIGATION