헬라어 문장 검색 - Πλυταρ́Ρομυλυσ́02́

(플루타르코스, chapter 2)

ἄλλοι δὲ Ῥώμην, Ἰταλοῦ θυγατέρα καὶ Λευκαρίασ οἱ δὲ Τηλέφου τοῦ Ἡρακλέουσ, Αἰνείᾳ γαμηθεῖσαν οἱ δ’ Ἀσκανίῳ τῷ Αἰνείου, λέγουσι τοὔνομα θέσθαι τῇ πόλει· οἱ δὲ Ῥωμανόν, Ὀδυσσέωσ παῖδα καὶ Κίρκησ, οἰκίσαι τὴν πόλιν· οἱ δὲ Ῥῶμον ἐκ Τροίασ ὑπὸ Διομήδουσ ἀποσταλέντα τὸν Ἠμαθίωνοσ, οἱ δὲ Ῥῶμιν Λατίνων τύραννον, ἐκβαλόντα Τυρρηνοὺσ τοὺσ εἰσ Λυδίαν μὲν ἐκ Θετταλίασ, ἐκ δὲ Λυδίασ εἰσ Ἰταλίαν παραγενομένουσ. οὐ μὴν οὐδ’ οἱ Ῥωμύλον τῷ δικαιοτάτῳ τῶν λόγων ἀποφαίνοντεσ ἐπώνυμον τῆσ πόλεωσ ὁμολογοῦσι περὶ τοῦ γένουσ [αὐτοῦ]. οἱ μὲν γὰρ Αἰνείου καὶ Δεξιθέασ τῆσ Φόρβαντοσ υἱὸν ὄντα νήπιον εἰσ Ἰταλίαν κομισθῆναι καὶ τὸν ἀδελφὸν αὐτοῦ Ῥῶμον·

ἐν δὲ τῷ ποταμῷ πλημμύραντι τῶν ἄλλων σκαφῶν διαφθαρέντων, ἐν ᾧ δ’ ἦσαν οἱ παῖδεσ εἰσ μαλακὴν ἀποκλινθέντοσ ὄχθην ἀτρέμα, σωθέντασ ἀπροσδοκήτωσ ὄνομα θεῖναι Ῥώμην. οἱ δὲ Ῥώμην, θυγατέρα τῆσ Τρωάδοσ ἐκείνησ, Λατίνῳ τῷ Τηλεμάχου γαμηθεῖσαν τεκεῖν τὸν Ῥωμύλον·

οἱ δ’ Αἰμυλίαν τὴν Αἰνείου καὶ Λαβινίασ, Ἄρει συγγενομένην. οἱ δὲ μυθώδη παντάπασι περὶ τῆσ γενέσεωσ διεξίασι. Ταρχετίῳ γάρ, Ἀλβανῶν βασιλεῖ παρανομωτάτῳ καὶ ὠμοτάτῳ, φάσμα δαιμόνιον οἴκοι γενέσθαι· φαλλὸν γὰρ ἐκ τῆσ ἑστίασ ἀνασχεῖν καὶ διαμένειν ἐπὶ πολλὰσ ἡμέρασ. εἶναι δὲ Τηθύοσ ἐν Τυρρηνίᾳ χρηστήριον, ἀφ’ οὗ κομισθῆναι τῷ Ταρχετίῳ χρησμόν, ὥστε συμμεῖξαι τῷ φάσματι παρθένον·

ἔσεσθαι γὰρ ἐξ αὐτῆσ παῖδα κλεινότατον, ἀρετῇ καὶ τύχη καὶ ῥώμῃ διαφέροντα. φράσαντοσ οὖν τὸ μάντευμα τοῦ Ταρχετίου μιᾷ τῶν θυγατέρων καὶ συγγενέσθαι τῷ φαλλῷ προστάξαντοσ, αὐτὴν μὲν ἀπαξιῶσαι, θεράπαιναν δ’ εἰσπέμψαι. τὸν δὲ Ταρχέτιον ὡσ ἔγνω χαλεπῶσ φέροντα συλλαβεῖν μὲν ἀμφοτέρασ ἐπὶ θανάτῳ, τὴν δ’ Ἑστίαν ἰδόντα κατὰ τοὺσ ὕπνουσ ἀπαγορεύουσαν αὐτῷ τὸν φόνον, ἱστόν τινα παρεγγυῆσαι ταῖσ κόραισ ὑφαίνειν δεδεμέναισ, ὡσ ὅταν ἐξυφήνωσι, τότε δοθησομένασ πρὸσ γάμον.

ἐκείνασ μὲν οὖν δι’ ἡμέρασ ὑφαίνειν, ἑτέρασ δὲ νύκτωρ τοῦ Ταρχετίου κελεύοντοσ ἀναλύειν τὸν ἱστόν. ἐκ δὲ τοῦ φαλλοῦ τῆσ θεραπαινίδοσ τεκούσησ δίδυμα, δοῦναί τινι Τερατίῳ τὸν Ταρχέτιον, ἀνελεῖν κελεύσαντα. τὸν δὲ θεῖναι φέροντα τοῦ ποταμοῦ πλησίον, εἶτα λύκαιναν μὲν ἐπιφοιτᾶν μαστὸν ἐνδιδοῦσαν, ὄρνιθασ δὲ παντοδαποὺσ ψωμίσματα κομίζοντασ ἐντιθέναι τοῖσ βρέφεσιν, ἄχρι οὗ βουκόλον ἰδόντα καὶ θαυμάσαντα τολμῆσαι προσελθεῖν καὶ ἀνελέσθαι τὰ παιδία.

τοιαύτησ δὲ τῆσ σωτηρίασ αὐτοῖσ γενομένησ, ἐκτραφέντασ ἐπιθέσθαι τῷ Ταρχετίῳ καὶ κρατῆσαι. ταῦτα μὲν οὖν Προμαθίων τισ, ἱστορίαν Ἰταλικὴν συντεταγμένοσ, εἴρηκε.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, chapter 2

(플루타르코스, chapter 2)

상위

목록

SEARCH

MENU NAVIGATION