헬라어 문장 검색 - Πλυταρ́Αλξιβιά35́

(플루타르코스, Ἀλκιβιάδης, chapter 35)

αὐτὸσ μὲν οὖν ἐκεῖνοσ ἣν εἶχε διάνοιαν περὶ τῆσ τυραννίδοσ ἄδηλόν ἐστιν· οἱ δὲ δυνατώτατοι τῶν πολιτῶν φοβηθέντεσ ἐσπούδασαν αὐτὸν ἐκπλεῦσαι τὴν ταχίστην, τά τ’ ἄλλα ψηφισάμενοι καὶ συνάρχοντασ οὓσ ἐκεῖνοσ ἠθέλησεν. ἐκπλεύσασ δὲ ταῖσ ἑκατὸν ναυσὶ καὶ προσβαλὼν Ἄνδρῳ, μάχῃ μὲν ἐκράτησεν αὐτῶν καὶ Λακεδαιμονίων ὅσοι παρῆσαν, οὐχ εἷλε δὲ τὴν πόλιν, ἀλλὰ τοῦτο τῶν καινῶν ἐγκλημάτων πρῶτον ὑπῆρξε κατ’ αὐτοῦ τοῖσ ἐχθροῖσ. ἐοίκε δ’, εἴ τισ ἄλλοσ, ὑπὸ τῆσ αὑτοῦ δόξησ καταλυθῆναι καὶ Ἀλκιβιάδησ. μεγάλη γὰρ οὖσα καὶ τόλμησ καὶ συνέσεωσ γέμουσα ἀφ’ ὧν κατώρθωσεν, ὕποπτον αὐτοῦ τὸ ἐλλεῖπον, ὡσ οὐ σπουδάσαντοσ, ἀπιστίᾳ τοῦ μὴ δυνηθῆναι παρεῖχε·

σπουδάσαντα γὰρ οὐδὲν ἂν διαφυγεῖν. ἤλπιζον δὲ καὶ Χίουσ ἑαλωκότασ ἀκούσεσθαι καὶ τὴν ἄλλην Ιὠνίαν. ὅθεν ἠγανάκτουν μὴ ταχὺ πάντα μηδ’ εὐθέωσ, ὡσ ἐβούλοντο, πυνθανόμενοι διαπεπραγμένον, οὐχ ὑπολογιζόμενοι τὴν ἀχρηματίαν, ἀφ’ ἧσ πολεμῶν πρὸσ ἀνθρώπουσ βασιλέα μέγαν χορηγὸν ἔχοντασ ἠναγκάζετο πολλάκισ ἐκπλέων καὶ ἀπολείπων τὸ στρατόπεδον μισθοὺσ καὶ τροφὰσ πορίζειν.

καὶ γὰρ τὸ τελευταῖον ἔγκλημα διὰ ταύτην ἔλαβε τὴν αἰτίαν. Λυσάνδρου γὰρ ἐπὶ τὴν ναυαρχίαν ἀποσταλέντοσ ὑπὸ Λακεδαιμονίων, καὶ τετρώβολον ἀντὶ τριωβόλου τῷ ναύτῃ διδόντοσ ἐξ ὧν ἔλαβε παρὰ Κύρου χρημάτων, αὐτὸσ ἤδη γλίσχρωσ χορηγῶν καὶ τὸ τριώβολον ἀπῆρεν ἀργυρολογήσων ἐπὶ Καρίασ.

ὁ δ’ ἀπολειφθεὶσ ἐπὶ τῶν νεῶν ἐπιμελητὴσ Ἀντίοχοσ ἀγαθὸσ μὲν ἦν κυβερνήτησ, ἀνόητοσ δὲ τἆλλα καὶ φορτικόσ· ἔχων δὲ πρόσταγμα παρὰ τοῦ Ἀλκιβιάδου μηδ’ ἂν ἐπιπλέωσιν οἱ πολέμιοι διαναυμαχεῖν, οὕτωσ ἐξύβρισε καὶ κατεφρόνησεν ὥστε τὴν αὑτοῦ πληρωσάμενοσ τριήρη καὶ τῶν ἄλλων μίαν ἐπιπλεῦσαι τῇ Ἐφέσῳ καὶ παρὰ τὰσ πρῴρασ τῶν πολεμίων νεῶν πολλὰ καὶ πράττων καὶ φθεγγόμενοσ ἀκόλαστα καὶ βωμολόχα παρεξελαύνειν.

τὸ μὲν οὖν πρῶτον Λύσανδροσ ὀλίγαισ ναυσὶν ἐπαναχθεὶσ ἐδίωκεν αὐτόν, τῶν δ’ Ἀθηναίων ἐπιβοηθούντων πάσαισ ἀναχθεὶσ καὶ κρατήσασ αὐτόν τε διέφθειρε τὸν Ἀντίοχον καὶ ναῦσ ἔλαβε πολλὰσ καὶ ἀνθρώπουσ καὶ τρόπαιον ἔστησεν.

ὡσ δὲ ταῦτ’ ἤκουσεν ὁ Ἀλκιβιάδησ ἐπανελθὼν εἰσ Σάμον, ἀνήχθη παντὶ τῷ στόλῳ καὶ προὐκαλεῖτο τὸν Λύσανδρον. ὁ δ’ ἠγάπα νενικηκὼσ καὶ οὐκ ἀντανήγετο.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Ἀλκιβιάδης, chapter 35

(플루타르코스, Ἀλκιβιάδης, chapter 35)

상위

목록

SEARCH

MENU NAVIGATION