헬라어 문장 검색 - Πλυταρ́Αλξιβιά26́

(플루타르코스, Ἀλκιβιάδης, chapter 26)

ἐν δὲ τῇ Σάμῳ τότε κρατήσαντεσ οἱ Ἀλκιβιάδου φίλοι πέμπουσι Πείσανδρον εἰσ ἄστυ κινήσοντα τὴν πολιτείαν καὶ παραθαρρυνοῦντα τοὺσ δυνατοὺσ τῶν πραγμάτων ἀντιλαμβάνεσθαι καὶ καταλύειν τὸν δῆμον, ὡσ ἐπὶ τούτοισ τοῦ Ἀλκιβιάδου Τισαφέρνην αὐτοῖσ φίλον καὶ σύμμαχον παρέξοντοσ. αὕτη γὰρ ἦν πρόφασισ καὶ τοῦτο πρόσχημα τοῖσ καθιστᾶσι τὴν ὀλιγαρχίαν. ἐπεὶ δ’ ἴσχυσαν καὶ παρέλαβον τὰ πράγματα οἱ πεντακισχίλιοι λεγόμενοι, τετρακόσιοι δὲ ὄντεσ, ἐλάχιστα τῷ Ἀλκιβιάδῃ προσεῖχον ἤδη καὶ μαλακώτερον ἥπτοντο τοῦ πολέμου, τὰ μὲν ἀπιστοῦντεσ ἔτι πρὸσ τὴν μεταβολὴν ξενοπαθοῦσι τοῖσ πολίταισ, τὰ δ’ οἰόμενοι μᾶλλον ἐνδώσειν αὐτοῖσ Λακεδαιμονίουσ ἀεὶ πρὸσ ὀλιγαρχίαν ἐπιτηδείωσ ἔχοντασ.

ὁ μὲν οὖν κατὰ τὴν πόλιν δῆμοσ ἄκων ὑπὸ δέουσ ἡσυχίαν ἦγε·

καὶ γὰρ ἀπεσφάγησαν οὐκ ὀλίγοι τῶν ἐναντιουμένων φανερῶσ τοῖσ τετρακοσίοισ· οἱ δ’ ἐν Σάμῳ ταῦτα πυνθανόμενοι καὶ ἀγανακτοῦντεσ ὡρ́μηντο πλεῖν εὐθὺσ ἐπὶ τὸν Πειραιᾶ, καὶ μεταπεμψάμενοι τὸν Ἀλκιβιάδην καὶ στρατηγὸν ἀποδείξαντεσ ἐκέλευον ἡγεῖσθαι καὶ καταλύειν τοὺσ τυράννουσ. ὁ δ’ οὐχ οἱο͂ν ἄν τισ ἐξαίφνησ χάριτι τῶν πολλῶν μέγασ γεγονὼσ ἔπαθε καὶ ἠγάπησε, πάντα δεῖν εὐθὺσ οἰόμενοσ χαρίζεσθαι καὶ μηδὲν ἀντιλέγειν τοῖσ ἐκ πλάνητοσ καὶ φυγάδοσ αὐτὸν νεῶν τοσούτων καὶ στρατοπέδου καὶ δυνάμεωσ τηλικαύτησ ἀποδείξασιν ἡγεμόνα καὶ στρατηγόν, ἀλλ’ ὅπερ ἦν ἄρχοντι μεγάλῳ προσῆκον, ἀνθίστασθαι φερομένοισ ὑπ’ ὀργῆσ, κωλύσασ ἐξαμαρτεῖν, τότε γοῦν τὰ πράγματα τῇ πόλει περιφανῶσ ἔσωσεν.

εἰ γὰρ ἄραντεσ ἀπέπλευσαν οἴκαδε, τοῖσ μὲν πολεμίοισ εὐθὺσ ἔχειν ὑπῆρχεν Ιὠνίαν ἅπασαν, καὶ τὸν Ἑλλήσποντον ἀμαχεί, καὶ τὰσ νήσουσ, Ἀθηναίοισ δὲ πρὸσ Ἀθηναίουσ μάχεσθαι τὸν πόλεμον εἰσ τὴν πόλιν ἐμβαλόντασ·

ὃν μόνοσ μάλιστα μὴ γενέσθαι διεκώλυσεν ὁ Ἀλκιβιάδησ, οὐ μόνον πείθων καὶ διδάσκων τὸ πλῆθοσ, ἀλλὰ καὶ καθ’ ἕνα τοὺσ μὲν ἀντιβολῶν, τῶν δ’ ἐπιλαμβανόμενοσ. συνέπραττε δ’ αὐτῷ καὶ Θρασύβουλοσ ὁ Στειριεὺσ ἅμα παρὼν καὶ κεκραγώσ·

ἦν γάρ, ὡσ λέγεται, μεγαλοφωνότατοσ Ἀθηναίων. ἐκεῖνό τε δὴ καλὸν τοῦ Ἀλκιβιάδου καὶ δεύτερον, ὅτι ὑποσχόμενοσ τὰσ Φοινίσσασ ναῦσ, ἃσ προσεδέχοντο Λακεδαιμόνιοι βασιλέωσ πέμψαντοσ, ἢ μεταστήσειν πρὸσ αὐτοὺσ ἢ διαπράξεσθαι μηδὲ πρὸσ ἐκείνουσ κομισθῆναι, διὰ ταχέων ἐξέπλευσε. καὶ τὰσ μὲν ναῦσ ἐκφανείσασ περὶ Ἄσπενδον οὐκ ἤγαγεν ὁ Τισαφέρνησ, ἀλλ’ ἐψεύσατο τοὺσ Λακεδαιμονίουσ, τὴν δ’ αἰτίαν τοῦ ἀποτρέψαι παρ’ ἀμφοτέροισ ὁ Ἀλκιβιάδησ εἶχε, καὶ μᾶλλον ἔτι παρὰ τοῖσ Λακεδαιμονίοισ, ὡσ διδάσκων τὸν βάρβαρον αὐτοὺσ ὑφ’ αὑτῶν περιορᾶν ἀπολλυμένουσ τοὺσ Ἕλληνασ.

οὐ γὰρ ἦν ἄδηλον ὅτι τοῖσ ἑτέροισ δύναμισ τοσαύτη προσγενομένη τοὺσ ἑτέρουσ ἀφῃρεῖτο κομιδῇ τὸ κράτοσ τῆσ θαλάττησ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Ἀλκιβιάδης, chapter 26

(플루타르코스, Ἀλκιβιάδης, chapter 26)

상위

목록

SEARCH

MENU NAVIGATION