헬라어 문장 검색 - Παυσαν́Δεσξριπ́7́14́

(파우사니아스, Description of Greece, Ἀχαικά, chapter 14)

ἀφίκοντο δὲ ἐσ τὴν Ἑλλάδα καὶ οἱ ἀποσταλέντεσ ἐκ Ῥώμησ Λακεδαιμονίοισ δικασταὶ καὶ Ἀχαιοῖσ γενέσθαι, ἄλλοι τε καὶ Ὀρέστησ· <ὁ δὲ> τούσ τε ἐν ἑκάστῃ πόλει τῶν Ἀχαιῶν ἔχοντασ τὰσ ἀρχὰσ καὶ Δίαιον ἐκάλει παρ’ αὑτόν. ἀφικομένοισ δὲ ἔνθα ἔτυχεν αὐτὸσ ἐσῳκισμένοσ, ἀπεγύμνου τὸν πάντα σφίσιν ἤδη λόγον, ὡσ δίκαια ἡγοῖτο ἡ Ῥωμαίων βουλὴ μήτε Λακεδαιμονίουσ τελεῖν ἐσ τὸ Ἀχαϊκὸν μήτε αὐτὴν Κόρινθον, ἀφεῖσθαι δὲ καὶ Ἄργοσ καὶ Ἡράκλειαν τὴν πρὸσ Οἴτῃ καὶ Ὀρχομενίουσ Ἀρκάδασ συνεδρίου τοῦ Ἀχαιῶν· γένουσ τε γὰρ αὐτοῖσ οὐδὲν τοῦ Ἀχαιῶν μετεῖναι καὶ ὕστερον τὰσ πόλεισ προσχωρῆσαι ταύτασ πρὸσ τὸ Ἀχαϊκόν.

ταῦτα Ὀρέστου λέγοντοσ οἱ ἄρχοντεσ τῶν Ἀχαιῶν οὐδὲ τὸν πάντα ὑπομείναντεσ ἀκοῦσαι λόγον ἔθεον ἐσ τὸ ἐκτὸσ τῆσ οἰκίασ καὶ ἐκάλουν Ἀχαιοὺσ ἐσ ἐκκλησίαν·

οἱ δὲ ὡσ τὰ ἐγνωσμένα ἐπύθοντο ὑπὸ Ῥωμαίων, αὐτίκα ἐτρέποντο ἐπὶ τοὺσ Σπαρτιάτασ οἳ Κορίνθῳ τότε ἔτυχον ἐπιδημοῦντεσ, συνήρπαζον δὲ πάντα τινὰ καὶ ὃν Λακεδαιμόνιον σαφῶσ ὄντα ἠπίσταντο καὶ ὅτῳ κουρᾶσ ἢ ὑποδημάτων ἕνεκα ἢ ἐπὶ τῇ ἐσθῆτι ἢ κατ’ ὄνομα προσγένοιτο ὑπόνοια· τοὺσ δὲ αὐτῶν καὶ καταφυγεῖν ἔνθα Ὀρέστησ ᾤκει φθάνοντασ ὅμωσ καὶ ἐντεῦθεν ἐβιάζοντο ἕλκειν. Ὀρέστησ δὲ καὶ οἱ σὺν αὐτῷ τῆσ τε τόλμησ ἐπέχειν τοὺσ Ἀχαιοὺσ ἐπειρῶντο καὶ ἐκέλευον μεμνῆσθαι σφᾶσ ὡσ ἀδικημάτων καὶ ὕβρεωσ ἄρχουσιν ἐσ Ῥωμαίουσ.

ἡμέραισ δὲ ὕστερον οὐ πολλαῖσ οἱ Ἀχαιοὶ Λακεδαιμονίων μὲν αὐτῶν ὅσουσ εἶχον συνειληφότεσ, κατατίθενται σφᾶσ ἐσ δεσμωτήριον, τοὺσ ξένουσ δὲ ἀπ’ αὐτῶν διακρίνοντεσ ἠφίεσαν. ἀποστέλλουσι δὲ καὶ ἐσ Ῥώμην ἄλλουσ τε Ἀχαιῶν τῶν ἐν τέλει καὶ Θεαρίδαν· ὡσ δὲ ἀπῆλθον, ἐντυχόντεσ κατὰ τὴν ἄνοδον Ῥωμαίων πρέσβεσιν ἐπὶ τὰ Λακεδαιμονίων καὶ Ἀχαιῶν ὕστερον ἢ Ὀρέστησ ἀπεσταλμένοισ, ὀπίσω καὶ αὐτοὶ τρέπονται. Διαίῳ δὲ ἐξήκοντοσ τοῦ χρόνου τῆσ ἀρχῆσ στρατηγεῖν ὑπὸ Ἀχαιῶν ᾑρέθη Κριτόλαοσ.

τοῦτον δριμὺσ καὶ σὺν οὐδενὶ λογισμῷ τὸν Κριτόλαον πολεμεῖν πρὸσ Ῥωμαίουσ ἔρωσ ἔσχε· ἤδη οἱ παρὰ Ῥωμαίων ἥκοντεσ τὰ Λακεδαιμονίων καὶ Ἀχαιῶν δικάσαι ‐ ἀφίκετο μὲν ἐν Τεγέᾳ τῇ Ἀρκάδων τοῖσ ἀνδράσιν ἐσ λόγουσ ὁ Κριτόλαοσ, ἀθροῖσαι δὲ Ἀχαιούσ σφισιν ἐσ κοινὸν σύλλογον οὐδαμῶσ ἤθελεν, ἀλλὰ ἐσ μὲν ἐπήκοον τῶν Ῥωμαίων ἔπεμπεν ἀγγέλουσ κελεύων τοὺσ συνέδρουσ καλεῖν ἐσ τὸ Ἀχαϊκόν, ἰδίᾳ δὲ τοῖσ συνέδροισ ἐπέστελλεν ἐσ τὰσ πόλεισ ἀπολείπεσθαι σφᾶσ τοῦ συλλόγου.

ὡσ δὲ οὐκ ἀφίκοντο οἱ συνεδρεύσοντεσ, ἐνταῦθα ὁ Κριτόλαοσ μάλιστα ἐπεδείκνυτο ἀπάτῃ πρὸσ Ῥωμαίουσ χρώμενοσ, ὃσ ἄλλην ἐκέλευεν ἀναμένειν αὐτοὺσ Ἀχαιῶν σύνοδον, ἐσ μῆνα ἐσομένην ἕκτον·

αὐτὸσ δὲ οὐδὲν ἰδίᾳ διαλέξεσθαί σφισιν ἄνευ τοῦ κοινοῦ τοῦ Ἀχαιῶν ἔφασκε. καὶ οἱ μὲν ἐπεὶ ἀπατώμενοι συνῆκαν, ἀπηλλάσσοντο ἐσ Ῥώμην· Κριτόλαοσ δὲ ἐσ Κόρινθον Ἀχαιοὺσ ἀθροίσασ ἀνέπεισε μὲν ἐπιφέρειν ὅπλα ἐπὶ τὴν Σπάρτην, ἀνέπεισε δὲ καὶ Ῥωμαίοισ ἐκ τοῦ εὐθέοσ πόλεμον ἄρασθαι. τὸ μὲν δὴ ἄνδρα βασιλέα καὶ πόλιν ἀνελέσθαι πόλεμον καὶ μὴ εὐτυχῆσαι συνέβη φθόνῳ μᾶλλον ἔκ του δαιμόνων ἢ τοῖσ πολεμήσασι ποιεῖ τὸ ἔγκλημα·

θρασύτησ δὲ ἡ μετὰ ἀσθενείασ μανία <ἂν> μᾶλλον ἢ ἀτυχία καλοῖτο. ὃ δὴ καὶ Κριτόλαον καὶ Ἀχαιοὺσ ἔβλαψε. παρώξυνε δὲ καὶ Ἀχαιοὺσ Πυθέασ βοιωταρχῶν τηνικαῦτα ἐν Θήβαισ, καὶ οἱ Θηβαῖοι συνεπιλήψεσθαι προθύμωσ ἐπηγγέλλοντο τοῦ πολέμου· Εὐβοεῦσιν, ἐδῄωσαν γὰρ καὶ Εὐβοέων τὴν χώραν, τρίτην δὲ Ἀμφισσεῦσι, τεμόντεσ καὶ τὴν Ἀμφισσέων περὶ ἀκμὴν σίτου.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Pausanias, Description of Greece, Ἀχαικά, chapter 14

(파우사니아스, Description of Greece, Ἀχαικά, chapter 14)

상위

목록

SEARCH

MENU NAVIGATION