헬라어 문장 검색 - Παυσαν́Δεσξριπ́7́11́

(파우사니아스, Description of Greece, Ἀχαικά, chapter 11)

Ῥωμαῖοι δὲ αὖθισ ἄνδρα ἐκ τῆσ βουλῆσ καταπέμπουσιν ἐσ τὴν Ἑλλάδα· ὄνομα μὲν τῷ ἀνδρὶ ἦν Γάλλοσ, ἀπέσταλτο δὲ Λακεδαιμονίοισ καὶ Ἀργείοισ ὑπὲρ γῆσ ἀμφισβητουμένησ γενέσθαι δικαστήσ. οὗτοσ ὁ Γάλλοσ ἐσ τὸ Ἑλληνικὸν πολλὰ μὲν εἶπε, πολλὰ δὲ καὶ ἔπραξεν ὑπερήφανα, Λακεδαιμονίουσ δὲ καὶ Ἀργείουσ τὸ παράπαν ἔθετο ἐν χλευασίᾳ· πόλεσι γὰρ ἐσ τοσοῦτο ἡκούσαισ ἀξιώματοσ καὶ ὑπὲρ τῶν ὁρ́ων τῆσ χώρασ τὰ μὲν παλαιότερα ἐσ οὐκ ἀφανῆ πόλεμον καὶ ἔργα οὕτωσ ἀφειδῆ προαχθείσαισ, κριθείσαισ δὲ καὶ ὕστερον παρὰ δικαστῇ κοινῷ Φιλίππῳ τῷ Ἀμύντου, αὐτὸσ μέν σφισιν ὁ Γάλλοσ ἀπηξίωσε δικαστὴσ καταστῆναι, Καλλικράτει δὲ ἁπάσησ τῆσ Ἑλλάδοσ ἀνδρὶ ἀλάστορι ἐπιτρέπει τὴν κρίσιν.

ἀφίκοντο δὲ ὡσ τὸν Γάλλον καὶ Αἰτωλῶν οἱ Πλευρῶνα οἰκοῦντεσ, συντελείασ τῆσ ἐσ Ἀχαιοὺσ ἐθέλοντεσ ἄφεσιν εὑρ́ασθαι·

καὶ αὐτοῖσ ἐπετράπη μὲν ὑπὸ τοῦ Γάλλου πρεσβείαν ἐπὶ σφῶν αὐτῶν ἰδίᾳ παρὰ Ῥωμαίουσ ἀποστεῖλαι, ἐπετράπη δὲ ὑπὸ Ῥωμαίων συνεδρίου <τοῦ> Ἀχαιῶν ἀποστῆναι. ὁπόσασ ἐστὶν οἱο͂́σ τε ὡσ πλείστασ ἀφεῖναι συλλόγου τοῦ Ἀχαιῶν.

ὁ μὲν δὴ τὰ ἐντεταλμένα ἐποίει, Ἀθηναίων δὲ ὁ δῆμοσ ἀνάγκῃ πλέον ἢ ἑκουσίωσ διαρπάζουσιν Ὠρωπὸν ὑπήκοόν σφισιν οὖσαν·

πενίασ γὰρ ἐσ τὸ ἔσχατον Ἀθηναῖοι τηνικαῦτα ἧκον ἅτε ὑπὸ Μακεδόνων πολέμῳ πιεσθέντεσ μάλιστα Ἑλλήνων. καταφεύγουσιν οὖν ἐπὶ τὴν Ῥωμαίων βουλὴν οἱ Ὠρώπιοι· καὶ δόξαντεσ παθεῖν οὐ δίκαια, καὶ ἐπεστάλη Σικυωνίοισ ὑπὸ τῆσ βουλῆσ ἐπιβάλλειν σφᾶσ Ἀθηναίοισ ἐσ Ὠρωπίουσ ζημίαν κατὰ τῆσ βλάβησ ἧσ ἦρξαν τὴν ἀξίαν. Σικυώνιοι μὲν οὖν οὐκ ἀφικομένοισ ἐσ καιρὸν τῆσ κρίσεωσ Ἀθηναίοισ ζημίαν πεντακόσια τάλαντα ἐπιβάλλουσι, Ῥωμαίων δὲ ἡ βουλὴ δεηθεῖσιν Ἀθηναίοισ ἀφίησι πλὴν ταλάντων ἑκατὸν τὴν ἄλλην ζημίαν·

ἐξέτισαν δὲ οὐδὲ ταῦτα οἱ Ἀθηναῖοι, ἀλλὰ ὑποσχέσεσι καὶ δώροισ ὑπελθόντεσ Ὠρωπίουσ ὑπάγονται σφᾶσ ἐσ ὁμολογίαν φρουράν τε Ἀθηναίων ἐσελθεῖν ἐσ Ὠρωπὸν καὶ ὁμήρουσ λαβεῖν παρὰ Ὠρωπίων Ἀθηναίουσ· ἢν δὲ αὖθισ ἐσ Ἀθηναίουσ γένηται ἔγκλημα Ὠρωπίοισ, τὴν φρουρὰν τότε ἀπάγειν παρ’ αὐτῶν Ἀθηναίουσ, ἀποδοῦναι δὲ καὶ ὀπίσω τοὺσ ὁμήρουσ. χρόνοσ τε δὴ οὐ πολὺσ ὁ μεταξὺ ἤνυστο, καὶ τῶν φρουρῶν ἀδικοῦσιν ἄνδρεσ Ὠρωπίουσ.

οἱ μὲν δὴ ἐσ τὰσ Ἀθήνασ ἀπέστελλον ὁμήρουσ τε ἀπαιτήσοντασ καὶ φρουράν σφισιν ἐξάγειν κατὰ τὰ συγκείμενα ἐροῦντασ· Ἀθηναῖοι δὲ οὐδέτερα ἔφασαν ποιήσειν, ἀνθρώπων γὰρ <τῶν> ἐπὶ τῇ φρουρᾷ καὶ οὐ τοῦ Ἀθηναίων δήμου τὸ ἁμάρτημα εἶναι· τοὺσ μέντοι αὐτὰ εἰργασμένουσ ἐπηγγέλλοντο ὑφέξειν δίκην.

οἱ δὲ Ὠρώπιοι καταφεύγοντεσ ἐπὶ Ἀχαιοὺσ <ἐδέοντο> τιμωρῆσαί σφισιν·

Ἀχαιοῖσ δὲ ἤρεσκε μὴ τιμωρεῖν φιλίᾳ τε καὶ αἰδοῖ τῇ Ἀθηναίων. ἐνταῦθα οἱ Ὠρώπιοι Μεναλκίδᾳ, Λακεδαιμονίῳ μὲν γένοσ, στρατηγοῦντι δὲ ἐν τῷ τότε Ἀχαιῶν, ὑπισχνοῦνται δέκα ταλάντων δόσιν, ἤν σφισιν ἐπικουρεῖν Ἀχαιοὺσ ἄγῃ· ὁ δὲ ἀπὸ τῶν χρημάτων μεταδώσειν Καλλικράτει τὸ ἥμισυ ὑπισχνεῖτο, ἰσχύοντι διὰ φιλίαν τὴν Ρωμαίων ἐν Ἀχαιοῖσ μέγιστον. προσγενομένου δὲ τοῦ Καλλικράτουσ πρὸσ τὴν Μεναλκίδου γνώμην ἐκεκύρωτο κατὰ Ἀθηναίων ἀμύνειν Ὠρωπίοισ.

καί τισ ἐξαγγέλλει ταῦτα ἐσ τοὺσ Ἀθηναίουσ· οἱ δὲ ὡσ ἕκαστοσ τάχουσ εἶχεν ἐσ τὸν Ὠρωπὸν ἐλθόντεσ καὶ αὖθισ κατασύραντεσ εἴ τι ἐν ταῖσ προτέραισ παρεῖτό σφισιν ἁρπαγαῖσ, ἀπάγουσι τὴν φρουράν. Ἀχαιοὺσ δὲ ὑστερήσαντασ τῆσ βοηθείασ Μεναλκίδασ μὲν καὶ Καλλικράτησ ἐσβάλλειν ἐσ τὴν Ἀττικὴν ἔπειθον· ἀνθισταμένων δὲ ἄλλων τε αὐτοῖσ καὶ οὐχ ἥκιστα τῶν ἐκ Λακεδαίμονοσ, ἀνεχώρησεν ὀπίσω τὸ στράτευμα.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Pausanias, Description of Greece, Ἀχαικά, chapter 11

(파우사니아스, Description of Greece, Ἀχαικά, chapter 11)

상위

목록

SEARCH

MENU NAVIGATION