헬라어 문장 검색 - Παυσαν́Δεσξριπ́6́26́

(파우사니아스, Description of Greece, Ἠλιακῶν Β, chapter 26)

θέατρον δὲ ἀρχαῖον, μεταξὺ τῆσ ἀγορᾶσ καὶ τοῦ Μηνίου τὸ θέατρόν τε καὶ ἱερόν ἐστι Διονύσου· τέχνη τὸ ἄγαλμα Πραξιτέλουσ, θεῶν δὲ ἐν τοῖσ μάλιστα Διόνυσον σέβουσιν Ἠλεῖοι καὶ τὸν θεόν σφισιν ἐπιφοιτᾶν ἐσ τῶν Θυίων τὴν ἑορτὴν λέγουσιν. ἀπέχει μέν γε τῆσ πόλεωσ ὅσον τε ὀκτὼ στάδια ἔνθα τὴν ἑορτὴν ἄγουσι Θυῖα ὀνομάζοντεσ· λέβητασ δὲ ἀριθμὸν τρεῖσ ἐσ οἴκημα ἐσκομίσαντεσ οἱ ἱερεῖσ κατατίθενται κενούσ, παρόντων καὶ τῶν ἀστῶν καὶ ξένων, εἰ τύχοιεν ἐπιδημοῦντεσ· σφραγῖδασ δὲ αὐτοί τε οἱ ἱερεῖσ καὶ τῶν ἄλλων ὅσοισ ἂν κατὰ γνώμην ᾖ ταῖσ θύραισ τοῦ οἰκήματοσ ἐπιβάλλουσιν, ἐσ δὲ τὴν ἐπιοῦσαν τά τε σημεῖα ἐπιγνῶναι πάρεστί σφισι καὶ ἐσελθόντεσ ἐσ τὸ οἴκημα εὑρίσκουσιν οἴνου πεπλησμένουσ τοὺσ λέβητασ. ταῦτα Ἠλείων τε οἱ δοκιμώτατοι ἄνδρεσ, σὺν αὐτοῖσ δὲ καὶ ξένοι κατώμνυντο ἔχειν κατὰ τὰ εἰρημένα, ἐπεὶ αὐτόσ γε οὐκ ἐσ καιρὸν ἀφικόμην τῆσ ἑορτῆσ·

δὲ καὶ Ἄνδριοι παρὰ ἔτοσ σφίσιν ἐσ τοῦ Διονύσου τὴν ἑορτὴν ῥεῖν οἶνον αὐτόματον ἐκ τοῦ ἱεροῦ.

<εἰ> πιστεύειν χρὴ ταῦτα Ἕλλησιν, εἰ ἀποδέχοιτο ἄν τισ τῷ λόγῳ γε τῷ αὐτῷ καὶ ὅσα Αἰθίοπεσ οἱ ὑπὲρ Συήνησ ἐσ τοῦ ἡλίου τὴν τράπεζαν λέγουσιν. ἐν ἀκροπόλει δὲ τῇ Ἠλείων ἐστὶν ἱερὸν Ἀθηνᾶσ·

ἐλέφαντοσ δὲ τὸ ἄγαλμα καὶ χρυσοῦ. εἶναι μὲν δὴ Φειδίου φασὶν αὐτήν, πεποίηται δὲ ἀλεκτρυὼν ἐπὶ τῷ κράνει, ὅτι οὗτοι προχειρότατα ἔχουσιν ἐσ μάχασ οἱ ἀλεκτρυόνεσ· δύναιτο δ’ ἂν καὶ Ἀθηνᾶσ τῆσ Ἐργάνησ ἱερὸσ ὁ ὄρνισ νομίζεσθαι. Κυλλήνη δὲ σταδίουσ μὲν εἴκοσιν Ἤλιδοσ καὶ ἑκατὸν ἀφέστηκε, κεῖται δὲ τετραμμένη τε πρὸσ Σικελίαν καὶ ὁρ́μον παρεχομένη ναυσὶν ἐπιτήδειον·

ἐπίνειον δὲ οὖσα Ἠλείων ἀπὸ ἀνδρὸσ Ἀρκάδοσ τὸ ὄνομα εἴληφε. Κυλλήνησ δὲ ἐν μὲν Ἠλείων καταλόγῳ λόγον οὐδένα Ὅμηροσ ἐποιήσατο, ἐν δὲ ἔπεσι τοῖσ ὕστερον δεδήλωκεν ὡσ πόλισμα οὖσαν καὶ τὴν Κυλλήνην ἐπίσταται· Πουλυδάμασ δ’ Ὦτον Κυλλήνιον ἐξενάριξεν, Φυλείδεω ἕταρον, μεγαθύμων ἀρχὸν Ἐπειῶν.

θεῶν δὲ ἱερὰ ἐν Κυλλήνῃ Ἀσκληπιοῦ, τὸ δὲ Ἀφροδίτησ ἐστί· τοῦ Ἑρμοῦ δὲ τὸ ἄγαλμα, ὃν οἱ ταύτῃ περισσῶσ σέβουσιν, ὀρθόν ἐστιν αἰδοῖον ἐπὶ τοῦ βάθρου.

ἡ δὲ Ἠλεία χώρα τά τε ἄλλα ἐστὶν ἐσ καρποὺσ καὶ τὴν βύσσον οὐχ ἥκιστα ἐκτρέφειν ἀγαθή.

τὴν μὲν δὴ κανναβίδα καὶ λίνον καὶ τὴν βύσσον σπείρουσιν ὅσοισ ἡ γῆ τρέφειν ἐστὶν ἐπιτήδειοσ· οἱ μίτοι δέ, ἀφ’ ὧν τὰσ ἐσθῆτασ ποιοῦσιν οἱ Σῆρεσ, ἀπὸ οὐδενὸσ φλοιοῦ, τρόπον δὲ ἕτερον γίνονται τοιόνδε. ἔστιν ἐν τῇ γῇ ζωύφιόν σφισιν, ὃν σῆρα καλοῦσιν Ἕλληνεσ, ὑπὸ δὲ αὐτῶν Σηρῶν ἄλλο πού τι καὶ οὐ σὴρ ὀνομάζεται·

μέγεθοσ μέν ἐστιν αὐτοῦ διπλάσιον ἢ κανθάρων ὁ μέγιστοσ, τὰ δὲ ἄλλα εἴκασται τοῖσ ἀράχναισ, οἳ ὑπὸ τοῖσ δένδρεσιν ὑφαίνουσι, καὶ δὴ καὶ πόδασ ἀριθμὸν ὀκτὼ κατὰ ταὐτὰ ἔχει τοῖσ ἀράχναισ.

ταῦτα τὰ ζῷα τρέφουσιν οἱ Σῆρεσ οἴκουσ κατασκευασάμενοι χειμῶνόσ τε καὶ θέρουσ ὡρ́ᾳ ἐπιτηδείουσ· τὸ δὲ ἔργον τῶν ζῴων κλῶσμα εὑρίσκεται λεπτὸν τοῖσ ποσὶν αὐτῶν περιειλιγμένον. τρέφουσι δὲ αὐτὰ ἐπὶ μὲν τέσσαρα ἔτη παρέχοντεσ τροφήν σφισιν ἔλυμον, πέμπτῳ δὲ ‐ οὐ γὰρ πρόσω βιωσόμενα ἴσασι ‐ κάλαμον διδόασιν ἐσθίειν χλωρόν·

ἡ δέ ἐστιν ἡδίστη τροφὴ πασῶν τῷ ζῴῳ, καὶ ἐμφορηθὲν τοῦ καλάμου ῥήγνυταί τε ὑπὸ πλησμονῆσ καὶ ἀποθανόντοσ οὕτω τὸ πολὺ τῆσ ἁρπεδόνησ εὑρίσκουσιν ἔνδον. γινώσκεται δὲ ἡ Σηρία νῆσοσ ἐν μυχῷ θαλάσσησ κειμένη τῆσ Ἐρυθρᾶσ. ἤκουσα δὲ καὶ ὡσ οὐχ ἡ Ἐρυθρά, ποταμὸσ δὲ ὃν Σῆρα ὀνομάζουσιν, οὗτόσ ἐστιν ὁ ποιῶν νῆσον αὐτήν, ὥσπερ καὶ Αἰγύπτου τὸ Δέλτα ὑπὸ τοῦ Νείλου καὶ οὐχ ὑπὸ μιᾶσ περιέχεσθαι θαλάσσησ·

τοιαύτην ἑτέραν καὶ τὴν Σηρίαν νῆσον εἶναι. οὗτοι μὲν δὴ τοῦ Αἰθιόπων γένουσ αὐτοί τέ εἰσιν οἱ Σῆρεσ καὶ ὅσοι τὰσ προσεχεῖσ αὐτῇ νέμονται νήσουσ, Ἄβασαν καὶ Σακαίαν· οἱ δὲ αὐτοὺσ οὐκ Αἰθίοπασ, Σκύθασ δὲ ἀναμεμιγμένουσ Ἰνδοῖσ φασὶν εἶναι. ταῦτα μὲν δὴ οὕτω λέγεται·

ἀνδρὶ δὲ ἐσ Ἀχαί̈αν ἰόντι ἐξ Ἤλιδοσ ἑπτὰ καὶ πεντήκοντα στάδιοι καὶ ἑκατὸν ἐπὶ ποταμόν εἰσι Λάρισον, καὶ Ἠλείοισ ὁρ́οι πρὸσ Ἀχαιοὺσ τῆσ χώρασ ὁ ποταμόσ ἐστιν ἐφ’ ἡμῶν ὁ Λάρισοσ· τὰ δὲ ἔτι ἀρχαιότερα ἄκρα σφίσι πρὸσ θαλάσσῃ ὁρ́οσ ἦν ὁ Ἄραξοσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Pausanias, Description of Greece, Ἠλιακῶν Β, chapter 26

(파우사니아스, Description of Greece, Ἠλιακῶν Β, chapter 26)

상위

목록

SEARCH

MENU NAVIGATION