헬라어 문장 검색 - Παυσαν́Δεσξριπ́6́23́

(파우사니아스, Description of Greece, Ἠλιακῶν Β, chapter 23)

ἐν δὲ Ἤλιδι τὰ ἄξια μνήμησ γυμνάσιόν ἐστιν ἀρχαῖον· καὶ ὅσα ἐσ τοὺσ ἀθλητὰσ πρὶν ἢ ἐσ Ὀλυμπίαν ἀφικνεῖσθαι νομίζουσιν, ἐν τούτῳ σφίσι τῷ γυμνασίῳ δρᾶν καθέστηκε. πλάτανοι μὲν ὑψηλαὶ διὰ τῶν δρόμων πεφύκασιν ἐντὸσ τοίχου· ὁ σύμπασ δὲ οὗτοσ περίβολοσ καλεῖται Ξυστόσ, ὅτι Ἡρακλεῖ τῷ Ἀμφιτρύωνοσ ἐσ ἄσκησιν ἐγίνετο, ὅσαι τῶν ἀκανθῶν ἐφύοντο ἐνταῦθα ἐπὶ ἑκάστῃ ἡμέρᾳ σφᾶσ ἀναξύειν. χωρὶσ μὲν δὴ ἐσ ἅμιλλαν τῶν δρομέων ἐστὶν ἀποκεκριμένοσ δρόμοσ, ὀνομάζεται δὲ ὑπὸ τῶν ἐπιχωρίων ἱερόσ, χωρὶσ δὲ ἔνθα ἐπὶ μελέτῃ δρομεῖσ καὶ οἱ πένταθλοι θέουσιν.

ἔστι δὲ ἐν τῷ γυμνασίῳ καλούμενον Πλέθριον· ἐν δὲ αὐτῷ συμβάλλουσιν οἱ Ἑλλανοδίκαι τοὺσ καθ’ ἡλικίαν ἢ καὶ αὐτῷ διαφέροντασ τῷ ἐπιτηδεύματι· συμβάλλουσι δὲ ἐπὶ πάλῃ. εἰσὶ δὲ καὶ θεῶν ἐν τῷ γυμνασίῳ βωμοί, Ἡρακλέουσ τοῦ Ἰδαίου, Παραστάτου δὲ ἐπίκλησιν, καὶ Ἔρωτοσ καὶ ὃν Ἠλεῖοι καὶ Ἀθηναῖοι κατὰ ταὐτὰ Ἠλείοισ Ἀντέρωτα ὀνομάζουσι, Δήμητρόσ τε καὶ τῆσ παιδόσ.

Ἀχιλλεῖ δὲ οὐ βωμόσ, κενὸν δέ ἐστιν αὐτῷ μνῆμα ἐκ μαντείασ· τῆσ πανηγύρεωσ δὲ ἀρχομένησ ἐν ἡμέρᾳ ῥητῇ περὶ ἀποκλίνοντα ἐσ δυσμὰσ τοῦ ἡλίου τὸν δρόμον αἱ γυναῖκεσ αἱ Ἠλεῖαι ἄλλα τε τοῦ Ἀχιλλέωσ δρῶσιν ἐσ τιμὴν καὶ κόπτεσθαι νομίζουσιν αὐτόν. ἔστι δὲ καὶ ἄλλοσ ἐλάσσων γυμνασίου περίβολοσ, ὃσ ἔχεται μὲν τοῦ μείζονοσ, τετράγωνον δὲ ὀνομάζουσιν ἐπὶ τῷ σχήματι·

καὶ παλαῖστραι τοῖσ ἀθλοῦσιν ἐνταῦθα ποιοῦνται, καὶ συμβάλλουσιν αὐτόθι τοὺσ ἀθλητὰσ οὐ παλαίσοντασ ἔτι, ἐπὶ δὲ ἱμάντων τῶν μαλακωτέρων ταῖσ πληγαῖσ. ἀνάκειται δὲ καὶ τῶν ἀγαλμάτων τὸ ἕτερον, ἃ ἐπὶ ζημίᾳ Σωσάνδρου τε τοῦ Σμυρναίου καὶ Ἠλείου Πολύκτοροσ τῷ Διὶ ἐποιήθη. ἔστι δὲ καὶ τρίτοσ γυμνασίου περίβολοσ, ὄνομα μὲν Μαλθὼ τῆσ μαλακότητοσ τοῦ ἐδάφουσ ἕνεκα, τοῖσ δὲ ἐφήβοισ ἀνεῖται τῆσ πανηγύρεωσ τὸν χρόνον πάντα.

ἔστι δὲ ἐν γωνίᾳ τῆσ Μαλθοῦσ πρόσωπον Ἡρακλέουσ ἄχρι ἐσ τοὺσ ὤμουσ, καὶ ἐν τῶν παλαιστρῶν μιᾷ τύποσ Ἔρωτα ἔχων ἐπειργασμένον καὶ τὸν καλούμενον Ἀντέρωτα· ἔχει δὲ ὁ μὲν φοίνικοσ ὁ Ἔρωσ κλάδον, ὁ δὲ ἀφελέσθαι πειρᾶται τὸν φοίνικα ὁ Ἀντέρωσ. τῆσ ἐσόδου δὲ ἑκατέρωθεν τῆσ ἐσ τὴν Μαλθὼ παιδὸσ ἕστηκεν εἰκὼν πύκτου·

καὶ αὐτὸν ἔφασκεν ὁ νομοφύλαξ Ἠλείων γένοσ μὲν Ἀλεξανδρέα εἶναι τῆσ ὑπὲρ Φάρου τῆσ νήσου, Σαραπίωνα δὲ ὄνομα, ἀφικόμενον δὲ ἐσ Ἦλιν σπανίζουσι σίτου σφίσι τροφὰσ δοῦναι. τούτῳ μὲν αὐτόθι ἀντὶ τούτου γεγόνασιν αἱ τιμαί· χρόνοσ δὲ στεφάνου τε τοῦ ἐν Ὀλυμπίᾳ καὶ εὐεργεσίασ αὐτῷ τῆσ ἐσ Ἠλείουσ Ὀλυμπιὰσ ἑβδόμη πρὸσ ταῖσ δέκα τε καὶ διακοσίαισ. ἐν τούτῳ τῷ γυμνασίῳ καὶ βουλευτήριόν ἐστιν Ἠλείοισ, καὶ ἐπιδείξεισ ἐνταῦθα λόγων τε αὐτοσχεδίων καὶ συγγραμμάτων ποιοῦνται παντοίων·

καλεῖται δὲ Λαλίχμιον τοῦ ἀναθέντοσ ἐπώνυμον. περὶ δὲ αὐτὸ ἀσπίδεσ ἀνάκεινται, θέασ ἕνεκα καὶ οὐκ ἐσ ἔργον πολέμου πεποιημέναι.

ἐκ δὲ τοῦ γυμνασίου πρὸσ τὰ λουτρὰ ἐρχομένῳ δι’ ἀγυιᾶσ τε ἡ ὁδὸσ Σιωπῆσ καὶ παρὰ τὸ ἱερὸν τῆσ Φιλομείρακόσ ἐστιν Ἀρτέμιδοσ.

τῇ μὲν δὴ θεῷ γέγονεν ἡ ἐπίκλησισ ἅτε τοῦ γυμνασίου γείτονι· τῇ ἀγυιᾷ δὲ Σιωπῇ ὄνομα ἐπὶ λόγῳ τοιῷδε τεθῆναι λέγουσιν. ἄνδρεσ τοῦ Ὀξύλου στρατεύματοσ ἐπὶ κατασκοπῇ τῶν ἐν Ἤλιδι ἀποπεμφθέντεσ καὶ ἀλλήλοισ διακελευσάμενοι κατὰ τὴν ὁδόν, ἐπειδὰν πλησίον γίνωνται τοῦ τείχουσ, φθέγγεσθαι μὲν μηδὲν ἔτι αὐτοί, ἐπακροᾶσθαι δὲ εἴ τι παρὰ τῶν ἐντὸσ πυθέσθαι δυνήσονται, οὗτοι λανθάνουσι παρελθόντεσ ἐσ τὴν πόλιν κατὰ τὴν ἀγυιὰν ταύτην καὶ ἐπακούσαντεσ ὁπόσα ἐβούλοντο ἐπανίασιν αὖθισ ἐσ τοὺσ Αἰτωλούσ· καὶ ἡ ἀγυιὰ τὸ ὄνομα εἴληφεν ἀπὸ τῶν κατασκόπων τῆσ σιωπῆσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Pausanias, Description of Greece, Ἠλιακῶν Β, chapter 23

(파우사니아스, Description of Greece, Ἠλιακῶν Β, chapter 23)

상위

목록

SEARCH

MENU NAVIGATION