헬라어 문장 검색 - Παυσαν́Δεσξριπ́6́07́

(파우사니아스, Description of Greece, Ἠλιακῶν Β, chapter 7)

ταῦτα μὲν δὴ ἐσ τοσοῦτο εἰρήσθω· μετὰ δὲ τὸν ἀνδριάντα τοῦ Εὐθύμου Πύθαρχόσ τε ἕστηκε Μαντινεὺσ σταδιοδρόμοσ καὶ πύκτησ Ἠλεῖοσ Χαρμίδησ, λαβόντεσ νίκασ ἐπὶ παισί. θεασάμενοσ δὲ καὶ τούτουσ ἐπὶ τῶν Ῥοδίων ἀθλητῶν ἀφίξῃ τὰσ εἰκόνασ, Διαγόραν καὶ τὸ ἐκείνου γένοσ· οἱ δὲ συνεχεῖσ τε ἀλλήλοισ καὶ ἐν κόσμῳ τοιῷδε ἀνέκειντο, Ἀκουσίλαοσ μὲν λαβὼν πυγμῆσ ἐν ἀνδράσι στέφανον, Δωριεὺσ δὲ ὁ νεώτατοσ παγκρατίῳ νικήσασ Ὀλυμπιάσιν ἐφεξῆσ τρισί. πρότερον δὲ ἔτι τοῦ Δωριέωσ ἐκράτησε καὶ Δαμάγητοσ τοὺσ ἐσελθόντασ ἐσ τὸ παγκράτιον. οὗτοι μὲν ἀδελφοί τέ εἰσι καὶ Διαγόρου παῖδεσ, ἐπὶ δὲ αὐτοῖσ κεῖται καὶ ὁ Διαγόρασ, πυγμῆσ ἐν ἀνδράσιν ἀνελόμενοσ νίκην·

τοῦ Διαγόρου δὲ τὴν εἰκόνα Μεγαρεὺσ εἰργάσατο Καλλικλῆσ Θεοκόσμου τοῦ ποιήσαντοσ τὸ ἄγαλμα ἐν Μεγάροισ τοῦ Διόσ. ὃν ἡ μήτηρ ἀνδρὸσ ἐπιθεμένη γυμναστοῦ σχῆμα ἐπὶ τῶν Ὀλυμπίων αὐτὴ τὸν ἀγῶνα ἤγαγεν·

οὗτοσ δὲ ὁ Πεισίροδοσ καὶ ἐν τῇ Ἄλτει παρὰ τῆσ μητρὸσ τὸν πατέρα ἕστηκε.

Διαγόραν δὲ καὶ ὁμοῦ τοῖσ παισὶν Ἀκουσιλάῳ καὶ Δαμαγήτῳ λέγουσιν ἐσ Ὀλυμπίαν ἐλθεῖν· νικήσαντεσ δὲ οἱ νεανίσκοι διὰ τῆσ πανηγύρεωσ τὸν πατέρα ἔφερον βαλλόμενόν τε ὑπὸ τῶν Ἑλλήνων ἄνθεσι καὶ εὐδαίμονα ἐπὶ τοῖσ παισὶ καλούμενον. γένοσ δὲ ὁ Διαγόρασ τὸ ἐξ ἀρχῆσ Μεσσήνιοσ πρὸσ γυναικῶν ἦν καὶ ἀπὸ τῆσ Ἀριστομένουσ ἐγεγόνει θυγατρόσ. Δωριεῖ δὲ τῷ Διαγόρου παρὲξ ἢ Ὀλυμπίασιν Ἰσθμίων μὲν γεγόνασιν ὀκτὼ νῖκαι, Νεμείων δὲ ἀποδέουσαι μιᾶσ ἐσ τὰσ ὀκτώ·

λέγεται δὲ καὶ ὡσ Πύθια ἀνέλοιτο ἀκονιτί. ἀνηγορεύοντο δὲ οὗτόσ τε καὶ ὁ Πεισίροδοσ Θούριοι, διωχθέντεσ ὑπὸ τῶν ἀντιστασιωτῶν ἐκ τῆσ Ῥόδου καὶ ἐσ Ἰταλίαν παρὰ Θουρίουσ ἀπελθόντεσ. χρόνῳ δὲ ὕστερον κατῆλθεν ὁ Δωριεὺσ ἐσ Ῥόδον· καὶ φανερώτατα δὴ ἁπάντων ἀνὴρ εἷσ φρονήσασ οὗτοσ τὰ Λακεδαιμονίων φαίνεται, ὥστε καὶ ἐναυμάχησεν ἐναντία Ἀθηναίων ναυσὶν οἰκείαισ, ἐσ ὃ τριήρων ἁλοὺσ Ἀττικῶν ἀνήχθη ζῶν παρὰ Ἀθηναίουσ. οἱ δὲ Ἀθηναῖοι πρὶν μὲν ἢ Δωριέα παρὰ σφᾶσ ἀναχθῆναι θυμῷ τε ἐσ αὐτὸν καὶ ἀπειλαῖσ ἐχρῶντο·

ὡσ δὲ ἐσ ἐκκλησίαν συνελθόντεσ ἄνδρα οὕτω μέγαν καὶ δόξησ ἐσ τοσοῦτο ἥκοντα ἐθεάσαντο ἐν σχήματι αἰχμαλώτου, μεταπίπτει σφίσιν ἐσ αὐτὸν ἡ γνώμη καὶ ἀπελθεῖν ἀφιᾶσιν οὐδὲ ἔργον οὐδὲν ἄχαρι ἐργάζονται, παρόν σφισι πολλά τε καὶ σὺν τῷ δικαίῳ δρᾶσαι. δὲ ἐσ τοῦ Δωριέωσ τὴν τελευτήν ἐστιν ἐν τῇ συγγραφῇ τῇ Ἀτθίδι Ἀνδροτίωνι εἰρημένα, εἶναι μὲν τηνικαῦτα ἐν Καύνῳ τὸ βασιλέωσ ναυτικὸν καὶ Κόνωνα ἐπ’ αὐτῷ στρατηγόν, Ῥοδίων δὲ τὸν δῆμον πεισθέντα ὑπὸ τοῦ Κόνωνοσ ἀπὸ Λακεδαιμονίων μεταβαλέσθαι σφᾶσ ἐσ τὴν βασιλέωσ καὶ Ἀθηναίων συμμαχίαν, Δωριέα δὲ ἀποδημεῖν μὲν τότε ἐκ Ῥόδου περὶ τὰ ἐντὸσ Πελοποννήσου χωρία, συλληφθέντα δὲ ὑπὸ ἀνδρῶν Λακεδαιμονίων αὐτὸν καὶ ἀναχθέντα ἐσ Σπάρτην ἀδικεῖν τε ὑπὸ Λακεδαιμονίων καταγνωσθῆναι καὶ ἐπιβληθῆναί οἱ θάνατον ζημίαν.

εἰ δὲ τὸν ὄντα εἶπεν Ἀνδροτίων λόγον, ἐθέλειν μοι φαίνεται Λακεδαιμονίουσ ἐσ τὸ ἴσον ἔτι Ἀθηναίοισ καταστῆσαι, ὅτι καὶ Ἀθηναίοισ ἐσ Θράσυλλον καὶ τοὺσ ἐν Ἀργινούσαισ ὁμοῦ τῷ Θρασύλλῳ στρατηγήσαντασ προπετείασ ἐστὶν ἔγκλημα.

Διαγόρασ μὲν δὴ καὶ τὸ ἀπ’ αὐτοῦ γένοσ δόξησ ἐσ τοσοῦτο ἀφίκοντο·

ἐγένοντο δὲ καὶ Ἀλκαινέτῳ τῷ Θεάντου Λεπρεάτῃ καὶ αὐτῷ καὶ τοῖσ παισὶν Ὀλυμπικαὶ νῖκαι.

αὐτὸσ μέν γε πυκτεύων ὁ Ἀλκαίνετοσ ἔν τε ἀνδράσι καὶ πρότερον ἔτι ἐπεκράτησεν ἐν παισίν· Ἑλλάνικον δὲ τὸν Ἀλκαινέτου καὶ Θέαντον ἐπὶ πυγμῇ παίδων ἀναγορευθῆναι τὸν μὲν ἐνάτῃ πρὸσ ταῖσ ὀγδοήκοντα Ὀλυμπιάδι, τὸν δὲ τῇ ἐφεξῆσ ταύτῃ συνέβη τὸν Θέαντον· καί σφισιν ἀνδριάντεσ ἅπασιν ἐν Ὀλυμπίᾳ κεῖνται. ἐπὶ δὲ τοῦ Ἀλκαινέτου τοῖσ υἱοῖσ Γνάθων τε Διπαιεὺσ τῆσ Μαιναλέων χώρασ καὶ Λυκῖνοσ ἕστηκεν Ἠλεῖοσ·

κρατῆσαι δὲ Ὀλυμπίασι πυγμῇ παῖδασ ὑπῆρξε καὶ τούτοισ. Γνάθωνα δὲ καὶ ἐσ τὰ μάλιστα, ὅτε ἐνίκησεν, εἶναι νέον τὸ ἐπίγραμμα τὸ ἐπ’ αὐτῷ φησί· Καλλικλέουσ δὲ τοῦ Μεγαρέωσ ποίημα ὁ ἀνδριάσ ἐστιν.

ἀνὴρ δὲ ἐκ Στυμφήλου Δρομεὺσ ὄνομα, καὶ δὴ καὶ ἔργον τοῦτο ἐπὶ δολίχῳ παρεσχημένοσ, δύο μὲν ἔσχεν ἐν Ὀλυμπίᾳ νίκασ, τοσαύτασ δὲ ἄλλασ Πυθοῖ καὶ Ἰσθμίων τε τρεῖσ καὶ ἐν Νεμέᾳ πέντε.

λέγεται δὲ ὡσ καὶ κρέασ ἐσθίειν ἐπινοήσειε· τέωσ δὲ τοῖσ ἀθληταῖσ σιτία τυρὸν ἐκ τῶν ταλάρων εἶναι. τούτου μὲν δὴ Πυθαγόρασ τὴν εἰκόνα, τὴν δὲ ἐφεξῆσ ταύτῃ, πένταθλον Ἠλεῖον Πυθοκλέα, Πολύκλειτόσ ἐστιν εἰργασμένοσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Pausanias, Description of Greece, Ἠλιακῶν Β, chapter 7

(파우사니아스, Description of Greece, Ἠλιακῶν Β, chapter 7)

상위

목록

SEARCH

MENU NAVIGATION