헬라어 문장 검색 - Παυσαν́Δεσξριπ́6́04́

(파우사니아스, Description of Greece, Ἠλιακῶν Β, chapter 4)

ἔχεται δὲ τοῦ Λυσάνδρου τῆσ εἰκόνοσ Ἐφέσιόσ τε πύκτησ τοὺσ ἐλθόντασ κρατήσασ τῶν παίδων ‐ ὄνομα δέ οἱ ἦν Ἀθήναιοσ ‐ καὶ Σικυώνιοσ Σώστρατοσ παγκρατιαστὴσ ἀνήρ, ἐπίκλησισ δὲ ἦν Ἀκροχερσίτησ αὐτῷ· παραλαμβανόμενοσ γὰρ ἄκρων τοῦ ἀνταγωνιζομένου τῶν χειρῶν ἔκλα, καὶ οὐ πρότερον ἀνίει πρὶν ἢ αἴσθοιτο ἀπαγορεύσαντοσ. γεγόνασι δὲ αὐτῷ Νεμείων μὲν νῖκαι καὶ Ἰσθμίων ἀναμὶξ δυόδεκα, Ὀλυμπίασι δὲ καὶ Πυθοῖ, τῇ μὲν δύο, τρεῖσ δὲ ἐν Ὀλυμπίᾳ.

ἀναγράφουσιν οἱ Ἠλεῖοι, διότι μὴ αὐτοὶ τὸν ἀγῶνα ἀλλὰ Πισαῖοι καὶ Ἀρκάδεσ ἔθεσαν ἀντ’ αὐτῶν.

παρὰ δὲ τὸν Σώστρατον παλαιστὴσ ἀνὴρ πεποίηται Λεοντίσκοσ, ἐκ Σικελίασ τε ὢν γένοσ καὶ ἀπὸ τῆσ ἐν τῷ πορθμῷ Μεσσήνησ·

στεφανωθῆναι δὲ ὑπό τε Ἀμφικτυόνων καὶ δὶσ ὑπὸ Ἠλείων, εἶναι δὲ αὐτῷ λέγεται τὴν πάλην καθὰ δὴ καὶ τὸ παγκράτιον τῷ Σικυωνίῳ Σωστράτῳ· καὶ γὰρ τὸν Λεοντίσκον καταβαλεῖν μὲν οὐκ ἐπίστασθαι τοὺσ παλαίοντασ, νικᾶν δὲ αὐτὸν κλῶντα τοὺσ δακτύλουσ. τὸν δὲ ἀνδριάντα Πυθαγόρασ ἐποίησεν ὁ Ῥηγῖνοσ, εἴπερ τισ καὶ ἄλλοσ ἀγαθὸσ τὰ ἐσ πλαστικήν.

διδαχθῆναι δὲ παρὰ Κλεάρχῳ φασὶν αὐτόν, Ῥηγίνῳ μὲν καὶ αὐτῷ, μαθητῇ δὲ Εὐχείρου· τὸν δὲ Εὔχειρον εἶναι Κορίνθιον, φοιτῆσαι δὲ ὡσ Συάδραν τε καὶ Χάρταν Σπαρτιάτασ. ὁ δὲ παῖσ ὁ ἀναδούμενοσ ταινίᾳ τὴν κεφαλὴν ἐπεισήχθω μοι καὶ οὗτοσ ἐσ τὸν λόγον Φειδίου τε ἕνεκα καὶ τῆσ ἐσ τὰ ἀγάλματα τοῦ Φειδίου σοφίασ, ἐπεὶ ἄλλωσ γε οὐκ ἴσμεν ὅτου τὴν εἰκόνα ὁ Φειδίασ ἐποίησε.

Σάτυροσ δὲ Ἠλεῖοσ Λυσιάνακτοσ πατρόσ, γένουσ δὲ τοῦ Ιἀμιδῶν, ἐν Νεμέᾳ πεντάκισ ἐνίκησε πυκτεύων καὶ Πυθοῖ τε δὶσ καὶ δὶσ ἐν Ὀλυμπίᾳ· τέχνη δὲ Ἀθηναίου Σιλανίωνοσ ὁ ἀνδριάσ ἐστι. πλάστησ δὲ ἄλλοσ τῶν Ἀττικῶν Πολυκλῆσ, Σταδιέωσ μαθητὴσ Ἀθηναίου, πεποίηκε παῖδα Ἐφέσιον παγκρατιαστήν, Ἀμύνταν Ἑλλανίκου. Χίλωνι δὲ Ἀχαιῷ Πατρεῖ δύο μὲν Ὀλυμπικαὶ νῖκαι πάλησ ἀνδρῶν, μία δὲ ἐγένετο ἐν Δελφοῖσ, τέσσαρεσ δὲ ἐν Ἰσθμῷ καὶ Νεμείων τρεῖσ·

ἐτάφη δὲ ὑπὸ τοῦ κοινοῦ τῶν Ἀχαιῶν, καί οἱ καὶ τοῦ βίου συνέπεσεν <ἐν> πολέμῳ τὴν τελευτὴν γενέσθαι.

μαρτυρεῖ δέ μοι καὶ τὸ ἐπίγραμμα τὸ ἐν Ὀλυμπίᾳ· μουνοπάλησ νικῶ δὶσ Ὀλύμπια Πύθιά τ’ ἄνδρασ,τρὶσ Νεμέᾳ, τετράκισ δ’ Ἰσθμῷ ἐν ἀγχιάλῳ,<Χίλων> Χίλωνοσ Πατρεύσ, ὃν λαὸσ Ἀχαιῶνἐν πολέμῳ φθίμενον θάψ’ ἀρετῆσ ἕνεκεν. τὸ μὲν δὴ ἐπίγραμμα ἐπὶ τοσοῦτο ἐδήλωσεν· εἰ δὲ Λυσίππου τοῦ ποιήσαντοσ τὴν εἰκόνα τεκμαιρόμενον τῇ ἡλικίᾳ συμβαλέσθαι δεῖ με τὸν πόλεμον ἔνθα ὁ Χίλων ἔπεσεν, ἤτοι ἐσ Χαιρώνειαν Ἀχαιοῖσ τοῖσ πᾶσιν ὁμοῦ στρατεύσασθαι <ἢ> ἰδίᾳ κατ’ ἀρετήν τε καὶ τόλμαν Ἀχαιῶν μόνοσ Ἀντιπάτρου μοι καὶ Μακεδόνων ἐναντία ἀγωνίσασθαι περὶ Λάμιαν φαίνεται τὴν ἐν Θεσσαλίᾳ.

ἐφεξῆσ δὲ τοῦ Χίλωνοσ <δύο> ἀνάκεινται·

τῷ μὲν Μολπίων ἐστὶν ὄνομα, στεφανωθῆναι δὲ τὸ ἐπίγραμμά φησιν αὐτὸν ὑπὸ Ἠλείων· τὸν δὲ ἕτερον, ὅτῳ μηδέν ἐστιν ἐπίγραμμα, μνημονεύουσιν ὡσ Ἀριστοτέλησ ἐστὶν ὁ ἐκ τῶν Θρᾳκίων Σταγείρων, καὶ αὐτὸν ἤτοι μαθητὴσ ἢ καὶ στρατιωτικὸσ ἀνέθηκεν ἀνὴρ ἅτε παρὰ Ἀντιπάτρῳ καὶ πρότερον ἰσχύσαντα παρὰ Ἀλεξάνδρῳ. Σωδάμασ δὲ ἐξ Ἀσσοῦ τῆσ ἐν τῇ Τρῳάδι, κειμένησ δὲ ὑπὸ τῇ Ἴδῃ, πρῶτοσ Αἰολέων τῶν ταύτῃ στάδιον Ὀλυμπίασιν ἐνίκησεν ἐν παισίν.

παρὰ δὲ Σωδάμαν Ἀρχίδαμοσ ἕστηκεν ὁ Ἀγησιλάου, Λακεδαιμονίων βασιλεύσ. πρὸ δὲ τοῦ Ἀρχιδάμου τούτου βασιλέωσ εἰκόνα οὐδενὸσ ἔν γε τῇ ὑπερορίᾳ Λακεδαιμονίουσ ἀναθέντασ εὑρ́ισκον· Ἀρχιδάμου δὲ ἄλλων τε καὶ τῆσ τελευτῆσ ἐμοὶ δοκεῖν ἕνεκα ἀνδριάντα ἐσ Ὀλυμπίαν ἀπέστειλαν, ὅτι ἐν βαρβάρῳ τε ἐπέλαβεν αὐτὸν τὸ χρεὼν καὶ βασιλέων μόνοσ τῶν ἐν Σπάρτῃ δῆλόσ ἐστιν ἁμαρτὼν τάφου.

ταῦτα μὲν δὴ καὶ ἐν τοῖσ Σπαρτιατικοῖσ λόγοισ ἐσ πλέον ἡμῖν δεδήλωται·

Εὐάνθει δὲ Κυζικηνῷ γεγόνασι πυγμῆσ νῖκαι, μία μὲν ἐν ἀνδράσιν Ὀλυμπική, Νεμείων δὲ ἐν παισὶ καὶ Ἰσθμίων. πεποίηται δὲ παρὰ τὸν Εὐάνθην ἀνήρ τε ἱπποτρόφοσ καὶ τὸ ἁρ́μα, ἀναβεβηκυῖα δὲ ἐπὶ τὸ ἁρ́μα παῖσ παρθένοσ· ὄνομα μὲν Λάμποσ τῷ ἀνδρί, πατρὶσ δὲ ἦν αὐτῷ νεωτάτη τῶν ἐν Μακεδονίᾳ πόλεων, καλουμένη δὲ ἀπὸ τοῦ οἰκιστοῦ Φιλίππου τοῦ Ἀμύντου. Κυνίσκῳ δὲ τῷ ἐκ Μαντινείασ πύκτῃ παιδὶ ἐποίησε Πολύκλειτοσ τὴν εἰκόνα.

Ἐργοτέλησ δὲ ὁ Φιλάνοροσ δολίχου δύο ἐν Ὀλυμπίᾳ νίκασ, τοσαύτασ δὲ ἄλλασ Πυθοῖ καὶ ἐν Ἰσθμῷ τε καὶ Νεμείων ἀνῃρημένοσ, οὐχ Ἱμεραῖοσ εἶναι τὸ ἐξ ἀρχῆσ, καθάπερ γε τὸ ἐπίγραμμα τὸ ἐπ’ αὐτῷ φησι, Κρὴσ δὲ εἶναι λέγεται Κνώσσιοσ· ἐκπεσὼν δὲ ὑπὸ στασιωτῶν ἐκ Κνωσσοῦ καὶ ἐσ Ἱμέραν ἀφικόμενοσ πολιτείασ τ’ ἔτυχε καὶ πολλὰ εὑρ́ετο ἄλλα ἐσ τιμήν. ἔμελλεν οὖν ὡσ τὸ εἰκὸσ Ἱμεραῖοσ ἐν τοῖσ ἀγῶσιν ἀναγορευθήσεσθαι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Pausanias, Description of Greece, Ἠλιακῶν Β, chapter 4

(파우사니아스, Description of Greece, Ἠλιακῶν Β, chapter 4)

상위

목록

SEARCH

MENU NAVIGATION