헬라어 문장 검색 - ΗεροδόΤηεΗιστ́6́104́

(헤로도토스, The Histories, book 6, chapter 100)

Ἐρετριέεσ δὲ πυνθανόμενοι τὴν στρατιὴν τὴν Περσικὴν ἐπὶ σφέασ ἐπιπλέουσαν Ἀθηναίων ἐδεήθησαν σφίσι βοηθοὺσ γενέσθαι. Ἀθηναῖοι δὲ οὐκ ἀπείπαντο τὴν ἐπικουρίην, ἀλλὰ τοὺσ τετρακισχιλίουσ τοὺσ κληρουχέοντασ τῶν ἱπποβοτέων Χαλκιδέων τὴν χώρην, τούτουσ σφι διδοῦσι τιμωρούσ. τῶν δὲ Ἐρετριέων ἦν ἄρα οὐδὲν ὑγιὲσ βούλευμα, οἳ μετεπέμποντο μὲν Ἀθηναίουσ, ἐφρόνεον δὲ διφασίασ ἰδέασ. οἳ μὲν γὰρ αὐτῶν ἐβουλεύοντο ἐκλιπεῖν τὴν πόλιν ἐσ τὰ ἄκρα τῆσ Εὐβοίησ, ἄλλοι δὲ αὐτῶν ἴδια κέρδεα προσδεκόμενοι παρὰ τοῦ Πέρσεω οἴσεσθαι προδοσίην ἐσκευάζοντο.

μαθὼν δὲ τούτων ἑκάτερα ὡσ εἶχε Αἰσχίνησ ὁ Νόθωνοσ, ἐὼν τῶν Ἐρετριέων τὰ πρῶτα, φράξει τοῖσι ἥκουσι Ἀθηναίων πάντα τὰ παρεόντα σφι πρήγματα, προσεδέετό τε ἀπαλλάσσεσθαι σφέασ ἐσ τὴν σφετέρην, ἵνα μὴ προσαπόλωνται.

οἱ δὲ Ἀθηναῖοι ταῦτα Αἰσχίνῃ συμβουλεύσαντι πείθονται.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Herodotus, The Histories, book 6, chapter 100

(헤로도토스, The Histories, book 6, chapter 100)

상위

목록

SEARCH

MENU NAVIGATION