헬라어 문장 검색 - Διοδορ́Λιβραρψ́5́48́

(디오도로스 시켈로스, Library, book xii, chapter 81)

ἐπ’ ἄρχοντοσ δ’ Ἀθήνησιν Εὐφήμου ἐν Ῥώμῃ κατεστάθησαν ἀντὶ τῶν ὑπάτων χιλίαρχοι Λεύκιοσ Φούριοσ, Λεύκιοσ Κοί̈ντιοσ, Αὖλοσ Σεμπρώνιοσ. ἐπὶ δὲ τούτων Λακεδαιμόνιοι μετὰ τῶν συμμάχων στρατεύσαντεσ εἰσ τὴν Ἀργείαν Ὑσιὰσ χωρίον εἷλον, καὶ τοὺσ ἐνοικοῦντασ ἀποκτείναντεσ τὸ μὲν φρούριον κατέσκαψαν, αὐτοὶ δὲ πυθόμενοι τοὺσ Ἀργείουσ ᾠκοδομηκέναι τὰ μακρὰ τείχη μέχρι τῆσ θαλάττησ, ἐπελθόντεσ τὰ κατεσκευασμένα τείχη κατέσκαψαν, καὶ τὴν εἰσ τὴν οἰκείαν ἐπάνοδον ἐποιήσαντο. Ἀθηναῖοι δ’ ἑλόμενοι στρατηγὸν Ἀλκιβιάδην, καὶ δόντεσ αὐτῷ ναῦσ εἴκοσι, προσέταξαν συγκατασκευάσαι τοῖσ Ἀργείοισ τὰ κατὰ τὴν πολιτείαν·

ἔτι γὰρ ἦσαν ἐν ταραχαῖσ διὰ τὸ πολλοὺσ ὑπολελεῖφθαι τῶν τὴν ἀριστοκρατίαν αἱρουμένων. ὁ δ’ οὖν Ἀλκιβιάδησ καταντήσασ εἰσ τὴν τῶν Ἀργείων πόλιν, καὶ συνεδρεύσασ μετὰ τῶν τὴν δημοκρατίαν προκρινόντων, ἐπέλεξε τῶν Ἀργείων τοὺσ μάλιστα δοκοῦντασ τὰ τῶν Λακεδαιμονίων αἱρεῖσθαι·

μεταστησάμενοσ δὲ τούτουσ ἐκ τῆσ πόλεωσ, καὶ συγκατασκευάσασ βεβαίωσ τὴν δημοκρατίαν, ἀπέπλευσεν εἰσ τὰσ Ἀθήνασ. τούτου δὲ τοῦ ἔτουσ λήγοντοσ Λακεδαιμόνιοι μετὰ πολλῆσ δυνάμεωσ ἐμβαλόντεσ εἰσ τὴν Ἀργείαν, καὶ πολλὴν τῆσ χώρασ δῃώσαντεσ, τοὺσ φυγάδασ τῶν Ἀργείων κατῴκισαν εἰσ Ὀρνεάσ·

ἐπιτειχίσαντεσ δὲ τοῦτο τὸ χωρίον ἐπὶ τῆσ Ἀργείασ, καὶ φρουροὺσ τοὺσ ἱκανοὺσ ἀπολιπόντεσ, προσέταξαν κακοποιεῖν τοὺσ Ἀργείουσ. ἀπελθόντων δὲ τῶν Λακεδαιμονίων ἐκ τῆσ Ἀργείασ, Ἀθηναῖοι μὲν συμμαχίαν ἐξέπεμψαν τοῖσ Ἀργείοισ τριήρεισ τετταράκοντα, ὁπλίτασ δὲ χιλίουσ καὶ διακοσίουσ·

οἱ δ’ Ἀργεῖοι μετὰ τῶν Ἀθηναίων στρατεύσαντεσ ἐπὶ τὰσ Ὀρνεὰσ τήν τε πόλιν κατὰ κράτοσ εἷλον καὶ τῶν φρουρῶν καὶ φυγάδων οὓσ μὲν ἀπέκτειναν, οὓσ δ’ ἐξέβαλον ἐκ τῶν Ὀρνεῶν. ταῦτα μὲν οὖν ἐπράχθη κατὰ τὸ πεντεκαιδέκατον ἔτοσ τοῦ Πελοποννησιακοῦ πολέμου.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Library, book xii, chapter 81

(디오도로스 시켈로스, Library, book xii, chapter 81)

상위

목록

SEARCH

MENU NAVIGATION