헬라어 문장 검색 - Διοδορ́Λιβραρψ́5́28́

(디오도로스 시켈로스, Library, book xii, chapter 43)

ἐπ’ ἄρχοντοσ δ’ Ἀθήνησιν Ἀπολλοδώρου Ῥωμαῖοι κατέστησαν ὑπάτουσ Μάρκον Γεγάνιον καὶ Λούκιον Σέργιον. ἐπὶ δὲ τούτων ὁ τῶν Ἀθηναίων στρατηγὸσ οὐ διέλιπε τὴν μὲν χώραν τῶν Πελοποννησίων λεηλατῶν καὶ καταφθείρων, τὰ δὲ φρούρια πολιορκῶν· προσγενομένων δὲ αὐτῷ πεντήκοντα τριήρων ἐκ τῆσ Κερκύρασ, πολὺ μᾶλλον ἐπόρθει τὴν Πελοποννησίων χώραν, καὶ μάλιστα τῆσ παραθαλαττίου τὴν καλουμένην Ἀκτὴν ἐδῄου καὶ τὰσ ἐπαύλεισ ἐνεπύριζε. μετὰ δὲ ταῦτα πλεύσασ ἐπὶ Μεθώνην τῆσ Λακωνικῆσ, τήν τε χώραν κατέσυρε καὶ τῇ πόλει προσβολὰσ ἐποιεῖτο.

ἔνθα δὴ Βρασίδασ ὁ Σπαρτιάτησ, νέοσ μὲν ὢν τὴν ἡλικίαν, ἀλκῇ δὲ καὶ ἀνδρείᾳ διαφέρων, ὁρῶν τὴν Μεθώνην κινδυνεύουσαν ἐκ βίασ ἁλῶναι, παραλαβών τινασ τῶν Σπαρτιατῶν διὰ μέσου τῶν πολεμίων ἐσκεδασμένων ἐτόλμησε διεκπερᾶσαι, καὶ πολλοὺσ ἀνελὼν παρεισέπεσεν εἰσ τὸ χωρίον. γενομένησ δὲ πολιορκίασ, καὶ τοῦ Βρασίδου λαμπρότατα κινδυνεύσαντοσ, Ἀθηναῖοι μὲν οὐ δυνάμενοι τὸ χωρίον ἑλεῖν ἀπεχώρησαν πρὸσ τὰσ ναῦσ, Βρασίδασ δὲ διασεσωκὼσ τὴν Μεθώνην διὰ τῆσ ἰδίασ ἀρετῆσ καὶ ἀνδρείασ ἀποδοχῆσ ἔτυχε παρὰ τοῖσ Σπαρτιάταισ.

διὰ δὲ τὴν ἀνδραγαθίαν ταύτην φρονηματισθείσ, πολλάκισ ἐν τοῖσ ὕστερον χρόνοισ παραβόλωσ ἀγωνιζόμενοσ μεγάλην δόξαν ἀνδρείασ ἀπηνέγκατο. Ἀθηναῖοι δὲ περιπλεύσαντεσ εἰσ τὴν Ἠλείαν τήν τε χώραν ἐπόρθουν καὶ Φειὰν χωρίον Ἠλείων ἐπολιόρκουν.

ἐκβοηθησάντων δὲ τῶν Ἠλείων, μάχῃ τε ἐνίκησαν καὶ πολλοὺσ ἀποκτείναντεσ τῶν πολεμίων εἷλον τὰσ Φειὰσ κατὰ κράτοσ. μετὰ δὲ ταῦτα τῶν Ἠλείων πανδημεὶ παραταξαμένων ἀπεκρούσθησαν εἰσ τὰσ ναῦσ·

εἶτ’ ἀποπλεύσαντεσ εἰσ τὴν Κεφαλληνίαν, καὶ τοὺσ ταύτην κατοικοῦντασ εἰσ τὴν συμμαχίαν προσαγαγόμενοι, τὸν εἰσ τὰσ Ἀθήνασ πλοῦν ἐποιήσαντο. μετὰ δὲ ταῦτα Ἀθηναῖοι στρατηγὸν προχειρισάμενοι Κλεόπομπον ἐξαπέστειλαν μετὰ νεῶν τριάκοντα, προστάξαντεσ τήν τε Εὔβοιαν παραφυλάττειν καὶ Λοκροῖσ πολεμεῖν.

ὁ δ’ ἐκπλεύσασ τήν τε παραθαλάττιον τῆσ Λοκρίδοσ ἐδῄωσε καὶ πόλιν Θρόνιον ἐξεπολιόρκησε, τοῖσ δ’ ἀντιταξαμένοισ τῶν Λοκρῶν συνάψασ μάχην ἐνίκησε περὶ πόλιν Ἀλόπην. ἔπειτα τὴν προκειμένην τῆσ Λοκρίδοσ νῆσον, ὀνομαζομένην Ἀταλάντην, ἐπιτείχισμα τῆσ Λοκρίδοσ κατεσκεύασε, πολεμῶν πρὸσ τοὺσ ἐγχωρίουσ. Ἀθηναῖοι δ’ ἐγκαλοῦντεσ Αἰγινήταισ ὡσ συνηργηκόσι Λακεδαιμονίοισ ἀνέστησαν αὐτοὺσ ἐκ τῆσ πόλεωσ, ἐκ δὲ τῶν πολιτῶν οἰκήτορασ ἐκπέμψαντεσ κατεκληρούχησαν τήν τε Αἴγιναν καὶ τὴν χώραν.

Λακεδαιμόνιοι δὲ τοῖσ ἐκπεπτωκόσιν Αἰγινήταισ ἔδωκαν οἰκεῖν τὰσ καλουμένασ Θυρέασ διὰ τὸ καὶ τοὺσ Ἀθηναίουσ δεδωκέναι τοῖσ ἐκ Μεσσήνησ ἐκβληθεῖσι κατοικεῖν Ναύπακτον.

Ἀθηναῖοι δὲ Περικλέα μετὰ δυνάμεωσ ἐξέπεμψαν πολεμήσοντα τοῖσ Μεγαρεῦσιν. οὗτοσ δὲ πορθήσασ τὴν χώραν καὶ τὰσ κτήσεισ αὐτῶν λυμηνάμενοσ μετὰ πολλῆσ ὠφελείασ ἐπανῆλθεν εἰσ τὰσ Ἀθήνασ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Library, book xii, chapter 43

(디오도로스 시켈로스, Library, book xii, chapter 43)

상위

목록

SEARCH

MENU NAVIGATION