헬라어 문장 검색 - Πλυταρ́Ρομυλυσ́05́

(플루타르코스, chapter 5)

ἑτέραν δὲ τιμῶσι Λαρεντίαν ἐξ αἰτίασ τοιαύτησ. ὁ νεωκόροσ τοῦ Ἡρακλέουσ ἀλύων ὡσ ἐοίκεν ὑπὸ σχολῆσ, προὔθετο πρὸσ τὸν θεὸν διακυβεύειν, ὑπειπὼν ὅτι νικήσασ μὲν αὐτὸσ ἕξει τι παρὰ τοῦ θεοῦ χρηστόν, ἡττηθεὶσ δὲ τῷ θεῷ τράπεζαν ἄφθονον παρέξει καὶ γυναῖκα καλὴν συναναπαυσομένην. ἐπὶ τούτοισ τὰσ μὲν ὑπὲρ τοῦ θεοῦ θείσ, τὰσ δ’ ὑπὲρ αὑτοῦ ψήφουσ, ἀνεφάνη νικώμενοσ.

εὐσυνθετεῖν δὲ βουλόμενοσ καὶ δικαιῶν ἐμμένειν τοῖσ ὁρισθεῖσι, δεῖπνόν τε τῷ θεῷ παρεσκεύασε, καὶ τὴν Λαρεντίαν οὖσαν ὡραίαν, οὔπω δ’ ἐπιφανῆ μισθωσάμενοσ, εἱστίασεν ἐν τῷ ἱερῷ κλίνην ὑποστορέσασ, καὶ μετὰ τὸ δεῖπνον συνεῖρξεν, ὡσ δὴ τοῦ θεοῦ ἕξοντοσ αὐτήν. καὶ μέντοι καὶ τὸν θεὸν ἐντυχεῖν λέγεται τῇ γυναικί, καὶ κελεῦσαι βαδίζειν ἑώθεν ἐπὶ τὴν ἀγορὰν καὶ τὸν ἀπαντήσαντα πρῶτον ἀσπασαμένην ποιεῖσθαι φίλον.

ἀπήντησεν οὖν αὐτῇ τῶν πολιτῶν ἀνὴρ ἡλικίᾳ τε προήκων καὶ συνειλοχὼσ οὐσίαν ἱκανήν, ἄπαισ δὲ καὶ βεβιωκὼσ ἄνευ γυναικόσ, ὄνομα Ταρρούτιοσ. οὗτοσ ἔγνω τὴν Λαρεντίαν καὶ ἠγάπησε, καὶ τελευτῶν ἀπέλιπε κληρονόμον ἐπὶ πολλοῖσ καὶ καλοῖσ κτήμασιν, ὧν ἐκείνη τὰ πλεῖστα τῷ δήμῳ κατὰ διαθήκασ ἔδωκε.

λέγεται δ’ αὐτὴν ἔνδοξον οὖσαν ἤδη καὶ θεοφιλῆ νομιζομένην ἀφανῆ γενέσθαι περὶ τοῦτον τὸν τόπον, ἐν ᾧ καὶ τὴν προτέραν ἐκείνην Λαρεντίαν κεῖσθαι. καλεῖται δὲ νῦν ὁ τόποσ Βήλαβρον, ὅτι τοῦ ποταμοῦ πολλάκισ ὑπερχεομένου διεπεραιοῦντο πορθμείοισ κατὰ τοῦτο τὸ χωρίον εἰσ ἀγοράν·

τὴν δὲ πορθμείαν βηλατούραν καλοῦσιν. ἔνιοι δὲ λέγουσι τὴν εἰσ τὸν ἱππόδρομον φέρουσαν ἐξ ἀγορᾶσ πάροδον ἱστίοισ καταπεταννύναι τοὺσ τὴν θέαν παρέχοντασ, ἐντεῦθεν ἀρχομένουσ· ῥωμαϊστὶ δὲ τὸ ἱστίον βῆλον ὀνομάζουσι. διὰ ταῦτα μὲν ἔχει τιμὰσ ἡ δευτέρα Λαρεντία παρὰ Ῥωμαίοισ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Plutarch, chapter 5

(플루타르코스, chapter 5)

상위

목록

SEARCH

MENU NAVIGATION