Arrian, Anabasis, book 3, chapter 12 4:

Μενίδᾳ δὲ καὶ τοῖσ ἀμφ̓ αὐτὸν παρήγγελτο, εἰ περιϊππεύοιεν οἱ πολέμιοι τὸ κέρασ σφῶν, ἐσ πλαγίουσ ἐμβάλλειν αὐτοὺσ ἐπικάμψαντασ. τὰ μὲν ἐπὶ τοῦ δεξιοῦ κέρωσ οὕτωσ ἐτέτακτο Ἀλεξάνδρῳ· κατὰ δὲ τὸ εὐώνυμον ἐσ ἐπικαμπὴν οἵ τε Θρᾷκεσ ἐτετάχατο, ὧν ἡγεῖτο Σιτάλκησ, καὶ ἐπὶ τούτοισ οἱ ξύμμαχοι ἱππεῖσ, ὧν ἦρχε Κοίρανοσ, ἐπὶ δὲ οἱ Ὀδρύσαι ἱππεῖσ, ὧν ἡγεῖτο Ἀγάθων ὁ Τυρίμμα.