헬라어 문장 검색 - Αρριαν́Αναβασί3́07́

(아리아노스, Anabasis, book 3, chapter 7)

ἐπὶ ἄρχοντοσ Ἀθήνησιν Ἀριστοφάνουσ· καὶ καταλαμβάνει δυοῖν γεφύραιν ἐζευγμένον τὸν πόρον. καὶ γὰρ καὶ Μαζαῖοσ, ὅτῳ ἡ φυλακὴ τοὺ ποταμοῦ ἐκ Δαρείου ἐπετέτραπτο, ἱππέασ μὲν ἔχων περὶ τρισχιλίουσ, πεζοὺσ δὲ καὶ τούτων Ἕλληνασ μισθοφόρουσ δισχιλίουσ, τέωσ μὲν αὐτοῦ ἐπὶ τῷ ποταμῷ ἐφύλασσε, καὶ ἐπὶ τῷδε οὐ ξυνεχὴσ ἡ γέφυρα ἐζευγμένη ἦν ἔστε ἐπὶ τὴν ἀντιπέρασ ὄχθην τοῖσ Μακεδόσι, δειμαίνουσι μὴ ἐπιθοῖντο οἱ ἀμφὶ Μαζαῖον τῇ γεφύρᾳ ἵνα ἐπαύετο· Μαζαῖοσ δὲ ὡσ ἤκουσεν ἤδη προσάγοντα Ἀλέξανδρον, ᾤχετο φεύγων ξὺν τῇ στρατιᾷ πάσῃ.

καὶ εὐθὺσ ὡσ ἔφυγε Μαζαῖοσ ἐπεβλήθησαν αἱ γέφυραι τῇ ὄχθῃ τῇ πέραν καὶ διέβη ἐπ̓ αὐτῶν ξὺν τῇ στρατιᾷ Ἀλέξανδροσ. Ἔνθεν δὲ ἐχώρει ἄνων, ἐν ἀριστερᾷ ἔχων τὸν Εὐφράτην ποταμὸν καὶ τῆσ Ἀρμενίασ τὰ ὄρη, διὰ τῆσ Μεσοποταμίασ καλουμένησ χώρασ.

οὐκ εὐθεῖαν δὲ ἐπὶ Βαβυλῶνοσ ἦγεν ἀπὸ τοῦ Εὐφράτου ὁρμηθείσ, ὅτι τὴν ἑτέραν ἰόντι εὐπορώτερα τὰ ξύμπαντα τῷ στρατῷ ἦν, καὶ χιλὸσ τοῖσ ἵπποισ καὶ τὰ ἐπιτήδεια ἐκ τῆσ χώρασ λαμβάνειν καὶ τὸ καῦμα οὐχ ὡσαύτωσ ἐπιφλέγον. ἁλόντεσ δέ τινεσ κατὰ τὴν ὁδὸν τῶν ἀπὸ τοῦ Δαρείου στρατεύματοσ κατασκοπῆσ ἕνεκα ἀπεσκεδασμένων ἐξήγγειλαν, ὅτι Δαρεῖοσ ἐπὶ τοῦ Τίγρητοσ ποταμοῦ κάθηται ἐγνωκὼσ εἴργειν Ἀλέξανδρον, εἰ διαβαίνοι·

καὶ εἶναι αὐτῷ στρατιὰν πολὺ μείζονα ἢ ξὺν ᾗ ἐν Κιλικίᾳ ἐμάχετο. ταῦτα ἀκούσασ Ἀλέξανδροσ ᾔει σπουδῇ ὡσ ἐπὶ τὸν Τίγρητα.

ὡσ δὲ ἀφίκετο, οὔτε αὐτὸν Δαρεῖον καταλαμβάνει οὔτε τὴν φυλακήν, ἥντινα ἀπολελοίπει Δαρεῖοσ, ἀλλὰ διαβαίνει τὸν πόρον, χαλεπῶσ μὲν δἰ ὀξύτητα τοῦ ῥοῦ, οὐδενὸσ δὲ εἴργοντοσ. Ἐνταῦθα ἀναπαύει τὸν στρατόν· καὶ τῆσ σελήνησ τὸ πολὺ ἐκλιπὲσ ἐγένετο· καὶ Ἀλέξανδροσ ἔθυε τῇ τε σελήνῃ καὶ τῷ ἡλίῳ καὶ τῇ γῇ, ὅτων τὸ ἔργον τοῦτο λόγοσ εἶναι κατέχει.

καὶ ἐδόκει Ἀριστάνδρῳ πρὸσ Μακεδόνων καὶ Ἀλεξάνδρου εἶναι τῆσ σελήνησ τὸ πάθημα καὶ ἐκείνου τοῦ μηνὸσ ἔσεσθαι ἡ μάχη, καὶ ἐκ τῶν ἱερῶν νίκην σημαίνεσθαι Ἀλεξάνδρῳ. ἄρασ δὲ ἀπὸ τοῦ Τίγρητοσ ᾔει διὰ τῆσ Ἀσσυρίασ χώρασ, ἐν ἀριστερᾷ μὲν ἔχων τὰ Γορδυηνῶν ὄρη, ἐν δεξιᾷ δὲ αὐτὸν τὸν Τίγρητα.

τετάρτῃ δὲ ἡμέρᾳ ἀπὸ τῆσ διαβάσεωσ οἱ πρόδρομοι αὐτῷ ἐξαγγέλλουσιν, ὅτι ἱππεῖσ οὗτοι πολέμιοι ἀνὰ τὸ πεδίον φαίνονται, ὅσοι δὲ, οὐκ ἔχειν εἰκάσαι. ξυντάξασ οὖν τὴν στρατιὰν προὐχώρει ὡσ ἐσ μάχην· καὶ ἄλλοι αὖ τῶν προδρόμων προσελάσαντεσ ἀκριβέστερον οὗτοι κατιδόντεσ ἔφασκον δοκεῖν εἶναί σφισιν οὐ πλείουσ ἢ χιλίουσ τοὺσ ἱππέασ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Arrian, Anabasis, book 3, chapter 7

(아리아노스, Anabasis, book 3, chapter 7)

상위

목록

SEARCH

MENU NAVIGATION