헬라어 문장 검색 - Αρριαν́Αναβασί3́19́

(아리아노스, Anabasis, book 3, chapter 19)

Ταῦτα δὲ διαπραξάμενοσ προὐχώρει ἐπὶ Μηδίασ· ἐκεῖ γὰρ ἐπυνθάνετο εἶναι Δαρεῖον. γνώμην δὲ πεποίητο Δαρεῖοσ, εἰ μὲν ἐπὶ Σούσων καὶ Βαβυλῶνοσ μένοι Ἀλέξανδροσ, αὐτοῦ προσμένειν καὶ αὐτὸσ ἐν Μήδοισ, εἰ δή τι νεωτερισθείη τῶν ἀμφ̓ Ἀλέξανδρον· εἰ δ̓ ἐλαύνοι ἐπ̓ αὐτόν, αὐτὸσ δὲ ἄνω ἰέναι τὴν ἐπὶ Παρθυαίουσ τε καὶ Ὑρκανίαν ἔστε ἐπὶ Βάκτρα, τήν τε χώραν φθείρων πᾶσαν καὶ ἄπορον ποιῶν Ἀλεξάνδρῳ τὴν πρόσω ὁδόν. τὰσ μὲν δὴ γυναῖκασ καὶ τὴν ἄλλην τὴν ἔτι ἀμφ̓ αὑτὸν κατασκευὴν καὶ τὰσ ἁρμαμάξασ ἐπὶ τὰσ Κασπίασ καλουμένασ πύλασ·

πέμπει, αὐτὸσ δὲ ξὺν τῇ δυνάμει, ἥτισ ἐκ τῶν παρόντων ξυνείλεκτο αὐτῷ, προσέμενεν ἐν Ἐκβατάνοισ. ταῦτα ἀκούων Ἀλέξανδροσ προὐχώρει ἐπὶ Μηδίασ. καὶ Παραιτάκασ μὲν εἰσ τὴν χώραν αὐτῶν ἐμβαλὼν κατεστρέψατο καὶ σατραπεύειν ἔταξεν αὐτῶν Ὀξ[ο]άθρην τὸν Ἀβουλίτου τοῦ [πρότερον] Σούσων σατράπου παῖδα. αὐτὸσ ἀπαντᾶν τε κατα τὴν ὁδόν, ὅτι ἐγνωκὼσ εἰή Δαρεῖοσ ἀπαντᾶν τε αὐτῷ ὡσ ἐσ μάχην καὶ αὖθισ διακινδυνεύειν, Σκύθασ τε γὰρ αὐτῷ ἥκειν καὶ Καδουσίουσ συμμάχουσ, τὰ μὲν ὑποζύγια καὶ τοὺσ τούτων φύλακασ καὶ τὴν ἄλλην κατασκευὴν ἕπεσθαι ἐκέλευσε, τὴν στρατιὰν δὲ τὴν ἄλλην ἀναλαβὼν ἦγεν ἐσταλμένουσ ὡσ ἐσ μάχην. καὶ ἀφικνεῖται δωδεκάτῃ ἡμέρᾳ ἐσ Μηδίαν.

ἔνθα ἔμαθεν οὐκ οὖσαν ἀξιόμαχον δύναμιν Δαρείῳ οὐδὲ Καδουσίουσ ἢ Σκύθασ αὐτῷ συμμάχουσ ἥκοντασ, ἀλλ̓ ὅτι φεύγειν ἐγνωκὼσ εἰή Δαρεῖοσ·

ὁ δὲ ἔτι μᾶλλον ἦγε σπουδῇ. ὡσ δὲ ἀπεῖχεν Ἐκβατάνων ὅσον τριῶν ἡμερῶν ὁδόν, ἐνταῦθα ἀπήντα αὐτῷ Βισθάνησ ὁ Ὤχου παῖσ τοῦ πρὸ Δαρείου βασιλεύσαντοσ Περσῶν· καὶ οὗτοσ ἀπήγγειλεν, ὅτι Δαρεῖοσ ἐσ πέμπτην ἡμέραν εἰή πεφευγὼσ ἔχων τά τε χρήματα τὰ ἐκ Μήδων ἐσ ἑπτακισχίλια τάλαντα καὶ στρατιὰν ἱππέασ μὲν ἐσ τρισχιλίουσ, πεζοὺσ δὲ ἐσ ἑξακισχιλίουσ.

Ἐλθὼν δὲ ἐσ Ἐκβάτανα Ἀλέξανδροσ τοὺσ μὲν Θετταλοὺσ ἱππέασ καὶ τοὺσ ἄλλουσ ξυμμάχουσ ἀποπέμπει ὀπίσω ἐπὶ θάλασσαν, τόν τε μισθὸν ἀποδοὺσ αὐτοῖσ ἐντελῆ τὸν ξυντεταγμένον καὶ δισχίλια παῤ αὑτοῦ τάλαντα ἐπιδούσ· ὅστισ δὲ ἰδίᾳ βούλοιτο ἔτι μισθοφορεῖν παῤ αὐτῷ, ἀπογράφεσθαι ἐκέλευσε·

καὶ ἐγένοντο οἱ ἀπογραψάμενοι οὐκ ὀλίγοι. Ἐπόκιλλον δὲ τὸν Πολυειδοῦσ ἔταξε καταγαγεῖν αὐτοὺσ ὡσ ἐπὶ θάλασσαν, ἱππέασ ἄλλουσ ἔχοντα ἐσ φυλακὴν αὐτῶν· οἱ γὰρ Θεσσαλοὶ τοὺσ ἵππουσ αὐτοῦ ἀπέδοντο. ἐπέστειλε δὲ καὶ Μένητι, ἐπειδὰν ἀφίκωνται ἐπὶ θάλασσαν, ἐπιμεληθῆναι ὅπωσ ἐπὶ τριήρων κομισθήσονται ἐσ Εὔβοιαν. Παρμενίωνα δὲ προσέταξε τὰ χρήματα τὰ ἐκ Περσῶν κομιζόμενα εἰσ τὴν ἄκραν τὴν ἐν Ἐκβατάνοισ καταθέσθαι καὶ Ἁρπάλῳ παραδοῦναι·

Ἅρπαλον γὰρ ἐπὶ τῶν χρημάτων ἀπέλιπε καὶ φυλακὴν τῶν χρημάτων Μακεδόνασ ἐσ ἑξακισχιλίουσ καὶ ἱππέασ καὶ ψιλοὺσ ὀλίγουσ· Κλείτῳ δὲ τῷ τῆσ βασιλικῆσ ἴλησ ἡγεμόνι ἐπέστειλεν, ἐπειδὰν ἐκ Σούσων εἰσ Ἐκβάτανα ἀφίκηται, κατελέλειπτο γὰρ ἐν Σούσοισ ἀρρωστῶν, ἀναλαβόντα τοὺσ Μακεδόνασ τοὺσ ἐπὶ τῶν χρημάτων τότε ὑπολειφθέντασ ἰέναι τὴν ἐπὶ Παρθυαίουσ, ἵνα καὶ αὐτὸσ ἥξειν ἔμελλεν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Arrian, Anabasis, book 3, chapter 19

(아리아노스, Anabasis, book 3, chapter 19)

상위

목록

SEARCH

MENU NAVIGATION