헬라어 문장 검색 - Αρριαν́Αναβασί3́18́

(아리아노스, Anabasis, book 3, chapter 18)

Ἐκ δὲ τούτου τὰ μὲν σκευοφόρα καὶ τοὺσ Θεσσαλοὺσ ἱππέασ καὶ τοὺσ ξυμμάχουσ καὶ τοὺσ μισθοφόρουσ τοὺσ ξένουσ καὶ ὅσοι ἄλλοι τοῦ στρατεύματοσ βαρύτερον ὡπλισμένοι ξὺν Παρμενίωνι ἐκπέμπει ὡσ ἐπὶ Πέρσασ ἄγειν κατὰ τὴν ἁμαξιτὸν τὴν ἐσ Πέρσασ φέρουσαν. αὐτὸσ δὲ τούσ τε Μακεδόνασ τοὺσ πεζοὺσ ἀναλαβὼν καὶ τὴν ἵππον τὴν ἑταιρικὴν καὶ τοὺσ προδρόμουσ ἱππέασ καὶ τοὺσ Ἀγριᾶνασ καὶ τοὺσ τοξότασ ᾔει σπουδῇ τὴν διὰ τῶν ὀρῶν.

ὡσ δὲ ἐπὶ τὰσ πύλασ τὰσ Περσίδασ ἀφίκετο, καταλαμβάνει αὐτοῦ Ἀριοβαρζάνην τὸν Περσῶν σατράπην πεζοὺσ μὲν ἐσ τετρακισμυρίουσ ἔχοντα, ἱππέασ δὲ ἐσ ἑπτακοσίουσ, διατετειχικότα τὰσ πύλασ καὶ αὐτοῦ πρὸσ τῷ τείχει ἐστρατοπεδευκότα, ὡσ εἴργειν τῆσ παρόδου Ἀλέξανδρον. Τότε μὲν δὴ αὐτοῦ κατεστρατοπεδεύσατο· τῇ δὲ ὑστεραίᾳ ξυντάξασ τὴν στρατιὰν ἐπῆγε τῷ τείχει.

ὡσ δὲ ἄπορόν τε διὰ δυσχωρίαν ἐφαίνετο αἱρεθῆναι καὶ πολλὰσ πληγὰσ οἱ ἀμφ̓ αὐτὸν ἐλάμβανον ἐξ ὑπερδεξίου τε χωρίου καὶ ἀπὸ μηχανῶν βαλλόμενοι, τότε μὲν ἀποχωρεῖ ἐσ τὸ στρατόπεδον· τῶν δὲ αἰχμαλώτων φρασάντων ἄλλην ὁδὸν περιάξειν αὐτόν, ὡσ εἴσω παρελθεῖν τῶν πυλῶν, ἐπεὶ τραχεῖαν τὴν ὁδὸν καὶ στενὴν ἐπύθετο, Κρατερὸν μὲν αὐτοῦ καταλείπει ἐπὶ στρατοπέδου τήν τε αὐτοῦ τάξιν ἔχοντα καὶ τὴν Μελεάγρου καὶ τῶν τοξοτῶν ὀλίγουσ καὶ τῶν ἱππέων ἐσ πεντακοσίουσ, καὶ προστάττει αὐτῷ, ἐπειδὰν ἐκπεριεληλυθότα αὑτὸν αἴσθηται καὶ προσάγοντα ἤδη τῷ στρατοπέδῳ τῶν Περσῶν αἱ̓σθήσεσθαι δὲ οὐ χαλεπῶσ, σημανεῖν γὰρ αὐτῷ τὰσ σάλπιγγασ̓, τότε δὲ προσβαλεῖν τῷ τείχει·

αὐτὸσ δὲ προὐχώρει νύκτωρ καὶ διελθὼν ὅσον ἑκατὸν σταδίουσ ἀναλαμβάνει τοὺσ ὑπασπιστὰσ καὶ τὴν Περδίκκου τάξιν καὶ τῶν τοξοτῶν τοὺσ κουφοτάτουσ καὶ τοὺσ Ἀγριᾶνασ καὶ τῶν ἑταίρων τὴν ἴλην τὴν βασιλικὴν καὶ τετραρχίαν πρὸσ ταύτῃ μίαν ἱππικήν, καὶ ξὺν τούτοισ ᾔει ἐπικάμψασ ὡσ ἐπὶ τὰσ πύλασ, ἵν̓ οἱ αἰχμάλωτοι ἦγον.

Ἀμύνταν δὲ καὶ Φιλώταν καὶ Κοῖνον τὴν ἄλλην στρατιὰν ὡσ ἐπὶ τὸ πεδίον ἄγειν καὶ τὸν ποταμόν, ὃν ἐχρῆν περᾶσαι ἐόντα ἐπὶ Πέρσασ, γεφυροῦν ἐκέλευσεν·

αὐτὸσ δὲ ᾔει ὁδὸν χαλεπὴν καὶ τραχεῖαν καὶ ταύτην δρόμῳ τὸν πολὺ ἦγε. τὴν μὲν δὴ πρώτην φυλακὴν τῶν βαρβάρων πρὶν φάουσ ἐπιπεσὼν διέφθειρε καὶ τῶν δευτέρων τοὺσ πολλούσ· τῆσ τρίτησ δὲ οἱ πλείουσ διέφυγον, καὶ οὐδὲ οὗτοι ἐσ τὸ στρατόπεδον τὸ Ἀριοβαρζάνου ἔφυγον, ἀλλ̓ αὐτόθεν ὡσ εἶχον ἐσ τὰ ὄρη πεφοβημένοι, ὥστε ἔλαθεν ὑπὸ τὴν ἑώ ἐπιπεσὼν τῷ στρατοπέδῳ τῶν πολεμίων.

καὶ ἅμα μὲν προσέβαλλε τῇ τάφρῳ, ἅμα δὲ αἱ σάλπιγγεσ ἐσήμαινον τοῖσ ἀμφὶ Κρατερόν, καὶ Κρατερὸσ προσῆγε τῷ προτειχίσματι. οἱ πολέμιοι δὲ πάντοθεν ἀμφίβολοι γιγνόμενοι οὐδὲ ἐσ χεῖρασ ἐλθόντεσ ἔφυγον, ἀλλὰ πανταχόθεν γὰρ εἴργοντο, τῇ μὲν Ἀλεξάνδρου ἐπικειμένου, ἄλλῃ δὲ τῶν ἀμφὶ Κρατερὸν παραθεόντων, ὥστε ἠναγκάσθησαν οἱ πολλοὶ αὐτῶν ἐσ τὰ τείχη ἀποστρέψαντεσ φεύγειν·

εἴχετο δὲ καὶ τὰ τείχη πρὸσ τῶν Μακεδόνων ἤδη. Ἀλέξανδροσ γὰρ τοῦτο αὐτὸ ὅπερ ξυνέβη ὑποτοπήσασ Πτολεμαῖον ἀπολελοίπει αὐτοῦ, ἔχοντα τῶν πεζῶν ἐσ τρισχιλίουσ, ὥστε οἱ μὲν πλεῖστοι τῶν βαρβάρων ἐν χερσὶ πρὸσ τῶν Μακεδόνων κατεκόπησαν, οἱ δὲ καὶ ἐν τῇ φυγῇ φοβερᾷ γενομένῃ κατὰ τῶν κρημνῶν ῥίψαντεσ ἀπώλοντο·

αὐτὸσ δὲ ὁ Ἀριοβαρζάνησ ξὺν ὀλίγοισ ἱππεῦσιν ἐσ τὰ ὄρη ἀπέφυγεν. Ἀλέξανδροσ δὲ σπουδῇ αὖθισ ἦγεν ὡσ ἐπὶ τὸν ποταμὸν ταμὸν καὶ καταλαμβάνει ἤδη πεποιημένην ἐπαὐ̓τοῦ γέφυραν καὶ διαβαίνει ξῦν τῇ στρατιᾷ εὐπετῶσ.

ἐντεῦθεν δὲ αὖθισ σπουδῇ ἤλαυνεν ἐσ Πέρσασ, ὥστε ἔφθη ἀφικέσθαι πρὶν τὰ χρήματα διαρπάσασθαι τοὺσ φύλακασ. ἔλαβε δὲ καὶ τὰ ἐν Πασαργάδαισ χρήματα ἐν τοῖσ Κύρου τοῦ πρώτου θησαυροῖσ. σατράπην μὲν δὴ Περσῶν κατέστησε Φρασαόρτην τὸν Ῥεομίθρου παῖδα·

τὰ βασίλεια δὲ τὰ Περσικὰ ἐνέπρησε, Παρμενίωνοσ σώζειν ξυμβουλεύοντοσ, τά τε ἄλλα καὶ ὅτι οὐ καλὸν αὑτοῦ κτήματα ἤδη ἀπολλύναι καὶ ὅτι οὐχ ὡσαύτωσ προσέξουσιν αὐτῷ οἱ κατὰ τὴν Ἀσίαν ἄνθρωποι, ὡσ οὐδὲ αὐτῷ ἐγνωκότι κατέχειν τῆσ Ἀσίασ τὴν ἀρχήν, ἀλλὰ ἐπελθεῖν μόνον νικῶντα. ὁ δὲ τιμωρήσασθαι ἐθέλειν Πέρσασ ἔφασκεν ἀνθ̓ ὧν ἐπὶ τὴν Ἑλλάδα ἐλάσαντεσ τάσ τε Ἀθήνασ κατέσκαψαν καὶ τὰ ἱερὰ ἐνέπρησαν, καὶ ὅσα ἄλλα κακὰ τοὺσ Ἕλληνασ εἰργάσαντο, ὑπὲρ τούτων δίκασ λαβεῖν.

ἀλλ̓ οὐδ̓ ἐμοὶ δοκεῖ σὺν νῷ δρᾶσαι τοῦτό γε Ἀλέξανδροσ οὐδὲ εἶναί τισ αὕτη Περσῶν τῶν πάλαι τιμωρία.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Arrian, Anabasis, book 3, chapter 18

(아리아노스, Anabasis, book 3, chapter 18)

상위

목록

SEARCH

MENU NAVIGATION