헬라어 문장 검색 - Αρριαν́Αναβασί3́02́

(아리아노스, Anabasis, book 3, chapter 2)

Λέγεται δέ τισ καὶ τοιόσδε λόγοσ, οὐκ ἄπιστοσ ἔμοιγε· ἐθέλειν μὲν Ἀλέξανδρον καταλείπειν αὐτὸν τὰ σημεῖα τοῦ τειχισμοῦ τοῖσ τέκτοσιν, οὐκ εἶναι δὲ ὅτῳ τὴν γῆν ἐπιγράψουσιν· τῶν δὴ τεκτόνων τινὰ ἐπιφρασθέντα, ὅσα ἐν τεύχεσιν ἄλφιτα οἱ στρατιῶται ἐκόμιζον ξυναγαγόντα ἐπιβάλλειν τῇ γῇ, ἵναπερ ὁ βασιλεὺσ ὑφηγεῖτο, καὶ τὸν κύκλον οὕτω περιγραφῆναι τοῦ περιτειχισμοῦ, ὅντινα τῇ πόλει ἐποίει. τοῦτο δὲ ἐπιλεξαμένουσ τοὺσ μάντεισ καὶ μάλιστα δὴ Ἀρίστανδρον τὸν Τελμισσέα, ὃσ δὴ πολλὰ μὲν καὶ ἄλλα ἀληθεῦσαι ἐλέγετο Ἀλεξάνδρῳ, φάναι εὐδαίμονα ἔσεσθαι τὴν πόλιν τά τε ἄλλα καὶ τῶν ἐκ γῆσ καρπῶν εἵνεκα.

Ἐν τούτῳ δὲ καὶ Ἡγέλοχοσ κατέπλευσεν εἰσ Αἴγυπτον καὶ ἀπαγγέλλει Ἀλεξάνδρῳ Τενεδίουσ τε ἀποστάντασ Περσῶν σφίσι προσθέσθαι ̔καὶ γὰρ καὶ ἄκοντασ Πέρσαισ προσχωρῆσαἰ καὶ Χίων ὅτι δὴ ὁ δῆμοσ ἐπηγάγετο σφᾶσ βίᾳ τῶν κατεχόντων τὴν πόλιν, οὓσ Αὐτοφραδάτησ τε καὶ Φαρνάβαζοσ ἐγκατέστησαν·

ἁλῶναι δὲ αὐτόθι καὶ Φαρνάβαζον ἐγκαταληφθέντα καὶ Ἀριστόνικον Μηθυμναῖον τὸν τύραννον ἐσπλεύσαντα ἐσ τὸν λιμένα τῆσ Χίου ξὺν ἡμιολίαισ λῃστρικαῖσ πέντε, ὑπὸ σφῶν ἐχόμενον τὸν λιμένα οὐ γνόντα, ἀλλ̓ ἐξαπατηθέντα γὰρ πρὸσ τῶν τὰ κλεῖθρα ἐχόντων τοῦ λιμένοσ, ὅτι τὸ Φαρναβάζου ἄρα ναυτικὸν ὁρμεῖ ἐν αὐτῷ·

καὶ τοὺσ μὲν λῃστὰσ πάντασ αὐτοῦ κατακοπῆναι πρὸσ σφῶν, Ἀριστόνικον δὲ ἦγε παρὰ Ἀλέξανδρον καὶ Ἀπολλωνίδην τὸν Χῖον καὶ Φησῖνον καὶ Μεγαρέα καὶ τοὺσ ἄλλουσ, ὅσοι τῆσ τε ἀποστάσεωσ τῆσ Χίων ξυνεπελάβοντο καὶ ἐν τῷ τότε τὰ πράγματα τῆσ νήσου βίᾳ εἶχον·

καὶ Μιτυλήνην δὲ Χάρητα ἔχοντα ὅτι ἀφείλετο καὶ τὰσ ἄλλασ τὰσ ἐν Λέσβῳ πόλεισ καὶ αὐτὰσ ὁμολογίᾳ προσηγάγετο, Ἀμφοτερὸν δὲ σὺν ἑξήκοντα ναυσὶν ἐπὶ Κῶ ἔπεμψεν·

ἐπικαλεῖσθαι γὰρ σφᾶσ τοὺσ Κῴουσ· καὶ αὐτὸσ καταπλεύσασ ὅτι εὑρ͂ε τὴν Κῶ πρὸσ Ἀμφοτεροῦ ἤδη ἐχομένην. καὶ τοὺσ μὲν ἄλλουσ ὅσοι αἰχμάλωτοι ἦγεν Ἡγέλοχοσ, Φαρνάβαζοσ δὲ ἀπέδρα ἐν Κῷ λαθὼν τοὺσ φύλακασ.

Ἀλέξανδροσ δὲ τοὺσ τυράννουσ μὲν τοὺσ ἐκ τῶν πόλεων ἐσ τὰσ πόλεισ πέμπει χρήσασθαι ὅπωσ ἐθέλοιεν, τοὺσ δὲ ἀμφὶ Ἀπολλωνίδην τοὺσ Χίουσ ἐσ Ἐλεφαντίνην πόλιν Αἰγυπτίαν ξὺν φυλακῇ ἀκριβεῖ ἔπεμψεν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Arrian, Anabasis, book 3, chapter 2

(아리아노스, Anabasis, book 3, chapter 2)

상위

목록

SEARCH

MENU NAVIGATION