헬라어 문장 검색 - Αρριαν́Αναβασί3́05́

(아리아노스, Anabasis, book 3, chapter 5)

Εἰσ Μέμφιν δὲ αὐτῷ πρεσβεῖαί τε πολλαὶ ἐκ τῆσ Ἑλλάδοσ ἧκον, καὶ οὐκ ἔστιν ὅντινα ἀτυχήσαντα ὧν ἐδεῖτο ἀπέπεμψε, καὶ στρατιὰ παραγίγνεται παρὰ μὲν Ἀντιπάτρου μισθοφόροι Ἕλληνεσ ἐσ τετρακοσίουσ, ὧν ἡγεῖτο Μενοίτασ ὁ Ἡγησάνδρου, ἐκ Θρᾴκησ δὲ ἱππεῖσ ἐσ πεντακοσίουσ, ὧν ἦρχεν Ἀσκληπιόδωροσ ὁ Εὐνίκου. ἐνταῦθα θύει τῷ Διῒ τῷ βασιλεῖ καὶ πομπεύει ξὺν τῇ στρατιᾷ ἐν τοῖσ ὅπλοισ καὶ ἀγῶνα ποιεῖ γυμνικὸν καὶ μουσικόν.

καὶ τὰ κατὰ τὴν Αἴγυπτον ἐνταῦθα ἐκόσμησε· δύο μὲν νομάρχασ Αἰγύπτου κατέστησεν Αἰγυπτίουσ, Δολόασπιν καὶ Πέτισιν, καὶ τούτοισ διένειμε τὴν χώραν τὴν Αἰγυπτίαν· Πετίσιοσ δὲ ἀπειπαμένου τὴν ἀρχὴν Δολόασπισ ἐκδέχεται πᾶσαν. φρουράρχουσ δὲ τῶν ἑταίρων ἐν Μέμφει μὲν Πανταλέοντα κατέστησε τὸν Πυδναῖον, ἐν Πηλουσίῳ δὲ Πολέμωνα τὸν Μεγακλέουσ Πελλαῖον·

τῶν ξένων δὲ ἄρχειν Λυκίδαν Αἰτωλόν, γραμματέα δὲ ἐπὶ τῶν ξένων Εὔγνωστον τὸν Ξενοφάντου τῶν ἑταίρων· ἐπισκόπουσ δὲ αὐτῶν Αἰσχύλον τε καὶ Ἔφιππον τὸν Χαλκιδέωσ. Λιβύησ δὲ τῆσ προσχώρου ἄρχειν δίδωσιν Ἀπολλώνιον Χαρίνου, Ἀραβίασ δὲ τῆσ πρὸσ Ἡρώων πόλει Κλεομένην τὸν ἐκ Ναυκράτιοσ·

καὶ τούτῳ παρηγγέλλετο τοὺσ μὲν νομάρχασ ἐᾶν ἄρχειν τῶν νομῶν τῶν κατὰ σφᾶσ καθάπερ ἐκ παλαιοῦ καθειστήκει, αὐτὸν δὲ ἐκλέγειν παῤ αὐτῶν τοὺσ φόρουσ· οἱ δὲ ἀποφέρειν αὐτῷ ἐτάχθησαν. στρατηγούσ δὲ τῇ στρατιᾷ κατέστησεν, ἥντινα ἐν Αἰγύπτῳ ὑπελείπετο, Πευκέσταν τε τὸν Μακαρτάτου καὶ Βάλακρον τὸν Ἀμύντου, ναύαρχον δὲ ἐπὶ τῶν νεῶν Πολέμωνα τὸν Θηραμένουσ·

σωματοφύλακα δὲ ἀντὶ Ἀρρύβα [τὸν] Λεοννάτον τὸν % Ὀνάσου ἔταξεν· Ἀρρύβασ γὰρ νόσῳ ἀπέθανεν. ἀπέθανε δὲ καὶ Ἀντίοχοσ ὁ ἄρχων τῶν τοξοτῶν, καὶ ἀντὶ τούτου ἄρχειν ἐπέστησε τοῖσ τοξόταισ Ὀμβρίωνα Κρῆτα.

ἐπὶ δὲ τοὺσ ξυμμάχουσ τοὺσ πεζούσ, ὧν Βάλακροσ ἡγεῖτο, ἐπεὶ Βάλακροσ ἐν Αἰγύπτῳ ὑπελείπετο, Κάλανον κατέστησεν ἡγεμόνα. κατανεῖμαι δὲ λέγεται ἐσ πολλοὺσ τὴν ἀρχὴν τῆσ Αἰγύπτου τήν τε φύσιν τῆσ χώρασ θαυμάσασ καὶ τὴν ὀχυρότητα, ὅτι οὐκ ἀσφαλέσ οἱ ἐφαίνετο ἑνὶ ἐπιτρέψαι ἄρχειν Αἰγύπτου πάσησ.

καὶ Ῥωμαῖοί μοι δοκοῦσι παῤ Ἀλεξάνδρου μαθόντεσ ἐν φυλακῇ ἔχειν Αἴγυπτον καὶ μηδένα τῶν ἀπὸ βουλῆσ ἐπὶ τῷδε ἐκπέμπειν ὕπαρχον Αἰγύπτου, ἀλλὰ τῶν εἰσ τοὺσ ἱππέασ σφίσι ξυντελούντων.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Arrian, Anabasis, book 3, chapter 5

(아리아노스, Anabasis, book 3, chapter 5)

상위

목록

SEARCH

MENU NAVIGATION