헬라어 문장 검색 - Αρριαν́Αναβασί3́14́

(아리아노스, Anabasis, book 3, chapter 14)

Ὡσ δὲ Δαρεῖοσ ἐπῆγεν ἤδη τὴν φάλαγγα πᾶσαν, ἐνταῦθα Ἀλέξανδροσ Ἀρέτην μὲν κελεύει ἐμβαλεῖν τοῖσ περιϊππεύουσι τὸ κέρασ σφῶν τὸ δεξιὸν ὡσ ἐσ κύκλωσιν· αὐτὸσ δὲ τὲωσ μὲν ἐπὶ κέρωσ τοὺσ ἀμφ̓ αὑτόν ἦγε, τῶν δὲ ἐκβοηθησάντων ἱππέων τοῖσ κυκλουμένοισ τὸ κέρασ τὸ δεξιὸν παραρρηξάντων τι τῆσ πρώτη φάλαγγοσ τῶν βαρβάρων ἐπιστρέψασ κατὰ τὸ διέχον καὶ ὥσπερ ἔμβολον ποιήσασ τῆσ τε ἵππου τῆσ ἑταιρικῆσ καὶ τῆσ φάλαγγοσ τῆσ ταύτῃ τεταγμένησ ἦγε δρόμῳ τε καὶ ἀλαλαγμῷ ὡσ ἐπὶ αὐτὸν Δαρεῖον.

καὶ χρόνον μέν τινα ὀλίγον ἐν χερσὶν ἡ μάχη ἐγένετο·

ὡσ δὲ οἵ τε ἱππεῖσ οἱ ἀμφὶ Ἀλέξανδρον καὶ αὐτὸσ ἀλέξανδροσ εὐρώστωσ ἐνέκειντο ὠθισμοῖσ τε χρώμενοι καὶ τοῖσ ξυστοῖσ τὰ πρόσωπα τῶν Περσῶν κόπτοντεσ, ἥ τε φάλαγξ ἡ Μακεδονικὴ πυκνὴ καὶ ταῖσ σαρίσσαισ πεφρικυῖα ἐμβεβλήκει ἤδη αὐτοῖσ, καὶ πάντα ὁμοῦ τὰ δεινὰ καὶ πάλαι ἤδη φοβερῷ ὄντι Δαρείῳ ἐφαίνετο, πρῶτοσ αὐτὸσ ἐπιστρέψασ ἔφευγεν· ἐφοβήθησαν δὲ καὶ οἱ περιϊππεύοντεσ τῶν Περσῶν τὸ κέρασ ἐμβαλόντων ἐσ αὐτοὺσ εὐρώστωσ τῶν ἀμφὶ Ἀρέτην. Ταύτῃ μὲν δὴ τῶν Περσῶν φυγὴ καρτερὰ ἦν, καὶ οἱ Μακεδόνεσ ἐφεπόμενοι ἐφόνευον τοὺσ φεύγοντασ.

οἱ δὲ ἀμφὶ Σιμμίαν καὶ ἡ τούτου τάξισ οὐκέτι ξυνεξορμῆσαι Ἀλεξάνδρῳ δυνατοὶ ἐγένοντο ἐσ τὴν δίωξιν, ἀλλ̓ ἐπιστήσαντεσ τὴν φάλαγγα αὐτοῦ ἠγωνίζοντο, ὅτι τὸ εὐώνυμον τῶν Μακεδόνων πονεῖσθαι ἠγγέλλετο. καὶ ταύτῃ παραρραγείσησ αὐτοῖσ τῆσ τάξεωσ κατὰ τὸ διέχον διεκπαίουσι τῶν τε Ἰνδῶν τινεσ καὶ τῆσ Περσικῆσ ἵππου ὡσ ἐπὶ τὰ σκευοφόρα τῶν Μακεδόνων·

καὶ τὸ ἔργον ἐκεῖ καρτερὸν ἐγίγνετο. οἵ τε γὰρ Πέρσαι θρασέωσ προσέκειντο ἀνόπλοισ τοῖσ πολλοῖσ καὶ οὐ προσδοκήσασιν ἐπὶ σφᾶσ διεκπεσεῖσθαί τινασ διακόψαντασ διπλῆν τὴν φάλαγγα, καὶ οἱ αἰχμάλωτοι βάρβαροι ἐμβαλόντων τῶν Περσῶν ξυνεπέθεντο καὶ αὐτοὶ τοῖσ Μακεδόσιν ἐν τῷ ἔργῳ. τῶν δὲ ἐπιτεταγμένων τῇ πρώτῃ φάλαγγι οἱ ἡγεμόνεσ ὀξέωσ μαθόντεσ τὸ γιγνόμενον μεταβαλόντεσ, ᾗπερ παρήγγελτο αὐτοῖσ, τὴν τάξιν ἐπιγίγνονται κατὰ νώτου τοῖσ Πέρσαισ, καὶ πολλοὺσ μὲν αὐτῶν αὐτοῦ ἀμφὶ τοῖσ σκευοφόροισ ξυνεχομένουσ ἀπέκτειναν, οἱ δὲ αὐτῶν ἐγκλίναντεσ ἔφευγον.

οἱ δ̓ ἐπὶ τοῦ δεξιοῦ κέρωσ τῶν Περσῶν οὔπω τῆσ φυγῆσ τῆσ Δαρείου ᾐσθημένοι περιϊππεύσαντεσ τὸ Ἀλεξάνδρου εὐώνυμον κατὰ κέρασ τοῖσ ἀμφὶ τὸν Παρμενίωνα ἐνέβαλλον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Arrian, Anabasis, book 3, chapter 14

(아리아노스, Anabasis, book 3, chapter 14)

상위

목록

SEARCH

MENU NAVIGATION