헬라어 문장 검색 - Αρριαν́Αναβασί3́27́

(아리아노스, Anabasis, book 3, chapter 27)

Λέγουσι δὲ καὶ Ἀμύνταν τὸν Ἀνδρομένουσ κατὰ τὸν αὐτὸν χρόνον ὑπαχθῆναι ἐσ κρίσιν καὶ Πολέμωνα καὶ Ἄτταλον καὶ Σιμμίαν τοὺσ Ἀμύντου ἀδελφούσ, ὡσ ξυμμετασχόντασ καὶ αὐτοὺσ τῆσ ἐπιβουλῆσ τῆσ κατ̓ Ἀλεξάνδρου κατὰ πίστιν τε καὶ ἑταιρίαν τὴν Φιλώτα. καὶ ἐδόκει πιστοτέρα ἡ ἐπιβουλὴ ἐσ τὸ πλῆθοσ, ὅτι Πολέμων, εἷσ τῶν ἀδελφῶν τῶν Ἀμύντου, ξυλληφθέντοσ Φιλώτα ἔφυγεν ἐσ τοὺσ πολεμίουσ, ἀλλ̓ Ἀμύντασ γε ξὺν τοῖσ ἀδελφοῖσ ὑπομείνασ τὴν δίκην καὶ ἀπολογησάμενοσ ἐν Μακεδόσι καρτερῶσ ἀφίεται τῆσ αἰτίασ·

καὶ εὐθὺσ ὡσ ἀπέφυγεν ἐν τῇ ἐκκλησίᾳ ἠξίωσεν ἐφεθῆναί οἱ ἐλθεῖν παρὰ τὸν ἀδελφὸν καὶ ἐπαναγαγεῖν αὐτὸν παῤ Ἀλέξανδρον· καὶ οἱ Μακεδόνεσ ξυγχωροῦσιν.

ὁ δὲ ἀπελθὼν αὐτῇ τῇ ἡμέρᾳ τὸν Πολέμωνα ἐπανήγαγε· καὶ ταύτῃ πολὺ ἔτι μᾶλλον ἢ πρόσθεν ἔξω αἰτίασ ἐφάνη Ἀμύντασ. ἀλλὰ ὀλίγον γὰρ ὕστερον κώμην τινὰ πολιορκῶν τοξευθεὶσ ἐκ τῆσ πληγῆσ ἐτελεύτησεν, ὥστε οὐδὲν πλέον αὐτῷ γίγνεται τὴν κρίσιν ἀποφυγόντι ὅτι μὴ ἀγαθῷ νομιζομένῳ ἀποθανεῖν. Ἀλέξανδροσ δέ, καταστήσασ ἐπὶ τοὺσ ἑταίρουσ ἱππάρχασ δύο, Ἡφαιστίωνά τε τὸν Ἀμύντοροσ καὶ Κλεῖτον τὸν Δρωπίδου, καὶ δίχα διελὼν τὴν τάξιν τῶν ἑταίρων, ὅτι οὐδὲ φίλτατον ἂν ἠβούλετο ἕνα τοσούτων ἱππέων, ἄλλωσ τε καὶ τῶν κρατίστων τοῦ παντὸσ ἱππικοῦ κατά τε ἀξίωσιν καὶ τὴν ἄλλην ἀρετὴν, ἐξηγεῖσθαι, ἀφικνεῖται ἐσ τούσ πάλαι μὲν Ἀριάσπασ καλουμένουσ, ὕστερον δὲ Εὐεργέτασ ἐπονομασθέντασ, ὅτι Κύρῳ τῷ Καμβύσου ξυνεπελάβοντο τῆσ ἐσ Σκύθασ ἐλάσεωσ.

καὶ τούτουσ Ἀλέξανδροσ ὧν τε ἐσ Κῦρον ὑπῆρξαν οἱ πρόγονοι αὐτῶν τιμήσασ καὶ αὐτοὺσ καταμαθὼν ἄνδρασ οὐ κατὰ τοὺσ ἄλλουσ τοὺσ ταύτῃ βαρβάρουσ πολιτεύοντασ, ἀλλὰ τοῦ δικαίου ἴσα καὶ τοῖσ κρατίστοισ τῶν Ἑλλήνων μεταποιουμένουσ, ἐλευθέρουσ τε ἀφῆκεν καὶ χώραν τῆσ ὁμόρου ὅσην αὐτοὶ σφίσιν ᾔτησαν, οὐ πολλὴν δὲ οὐδ̓ αὐτοὶ ᾔτησαν, προσέθηκεν.

ἐνταῦθα θύσασ τῷ Ἀπόλλωνι Δημήτριον μὲν ἕνα τῶν σωματοφυλάκων ὑποπτεύσασ μετασχεῖν Φιλώτᾳ τῆσ ἐπιβουλῆσ ξυνέλαβε· σωματοφύλακα δὲ ἀντὶ Δημητρίου ἀπέδειξε Πτολεμαῖον τὸν Λάγου.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Arrian, Anabasis, book 3, chapter 27

(아리아노스, Anabasis, book 3, chapter 27)

상위

목록

SEARCH

MENU NAVIGATION