헬라어 문장 검색 - Αρριαν́Αναβασί3́28́

(아리아노스, Anabasis, book 3, chapter 28)

Ταῦτα δὲ διαπραξάμενοσ προῄει ὡσ ἐπὶ Βάκτρα τε καὶ Βῆσσον, Δράγγασ τε καὶ Γαδρωσοὺσ ἐν τῇ παρόδῳ παραστησάμενοσ. παρεστήσατο δὲ καὶ τοὺσ Ἀραχώτασ καὶ σατράπην κατέστησεν ἐπ̓ αὐτοῖσ Μένωνα. ἐπῆλθε δὲ καὶ τῶν Ἰνδῶν τοὺσ προσχώρουσ Ἀραχώταισ. ξύμπαντα δὲ ταῦτα τὰ ἔθνη διὰ χιόνοσ τε πολλῆσ καὶ ξὺν ἀπορίᾳ τῶν ἐπιτηδείων καὶ τῶν στρατιωτῶν ταλαιπωρίᾳ ἐπῆλθε. μαθὼν δὲ τοὺσ Ἀρείουσ αὖθισ ἀφεστάναι, Σατιβαρζάνου ἐσ τὴν χώραν αὐτῶν ἐμβαλόντοσ σὺν ἱππεῦσι δισχιλίοισ, οὕσ παρὰ Βήσσου ἔλαβεν, ἀποστέλλει παῤ αὐτοὺσ Ἀρτάβαζόν τε τὸν Πέρσην καὶ Ἐριγύϊον καὶ Κάρανον τῶν ἑταίρων.

προσέταξε δὲ καὶ Φραταφέρνην τὸν τῶν Παρθυαίων σατράπην ξυνεμβαλεῖν αὐτοῖσ ἐσ τοὺσ Ἀρείουσ. καὶ γίγνεται μάχη τοῖσ ἀμφὶ Ἐριγύϊον καὶ Κάρανον πρὸσ Σατιβαρζάνην καρτερά, οὐδὲ πρόσθεν οἱ βάρβαροι ἐνέκλιναν πρὶν Σατιβαρζάνην ξυμπεσόντα Ἐριγυϊῴ πρὸσ Ἐριγυϊού πληγέντα δόρατι ἐσ τὸ πρόσωπον ἀποθανεῖν.

τότε δὲ ἐγκλίναντεσ οἱ βάρβαροι προτροπάδην ἔφευγον. Ἐν τούτῳ δὲ Ἀλέξανδροσ πρὸσ τὸν Καύκασον τὸ ὄροσ ἦγεν, ἵνα καὶ πόλιν ἔκτισε καὶ ὠνόμασεν Ἀλεξάνδρειαν·

καὶ θύσασ ἐνταῦθα τοῖσ θεοῖσ ὅσοισ νόμοσ αὐτῷ ὑπερέβαλε τὸ ὄροσ τὸν Καύκασον, σατράπην μὲν τῇ χώρᾳ ἐπιτάξασ Προέξην, ἄνδρα Πέρσην, τῶν δὲ ἑταίρων Νειλόξενον τὸν Σατύρου ἐπίσκοπον ξὺν στρατιᾷ ἀπολιπών. Τὸ δὲ ὄροσ ὁ Καύκασοσ ὑψηλὸν μέν ἐστιν ὥσπερ τι ἄλλο τῆσ Ἀσίασ, ὡσ λέγει Ἀριστόβουλοσ, ψιλὸν δὲ τὸ πολὺ, αὐτοῦ τό γε ταύτῃ.

μακρὸν γὰρ ὄροσ παρατέταται ὁ Καύκασοσ, ὥστε καὶ τὸν Ταῦρον τὸ ὄροσ, ὃσ δὴ τὴν Κιλικίαν τε καὶ Παμφυλίαν ἀπείργει, ἀπὸ τοῦ Καυκάσου εἶναι λέγουσι καὶ ἄλλα ὄρη μεγάλα, ἀπὸ τοῦ Καυκάσου διακεκριμένα ἄλλῃ καὶ ἄλλῃ ἐπωνυμίᾳ κατὰ ἤθη τὰ ἑκάστων. ἀλλὰ ἔν γε τούτῳ τῷ Καυκάσῳ οὐδὲν ἄλλο ὅτι μὴ τέρμινθοι πεφύκασι καὶ σίλφιον, ὡσ λέγει Ἀριστόβουλοσ·

ἀλλὰ καὶ ὣσ ἐπῳκεῖτο πολλοῖσ ἀνθρώποισ καὶ πρόβατα πολλὰ καὶ κτήνη ἐνέμοντο, ὅτι καὶ χαίρουσι τῷ σιλφίῳ τὰ πρόβατα, καὶ εἰ ἐκ πολλοῦ πρόβατον σιλφίου αἴσθοιτο, καὶ θεῖ ἐπ̓ αὐτὸ καὶ τό τε ἄνθοσ ἐπινέμεται καὶ τὴν ῥίζαν ἀνορύττον καὶ ταύτην κατεσθίει. ἐπὶ τῷδε ἐν Κυρήνῃ ὡσ μακροτάτω ἀπελαύνουσι τὰσ ποίμνασ τῶν χωρίων, ἵνα αὐτοῖσ τὸ σίλφιον φύεται.

οἱ δὲ καὶ περιφράσσουσι τὸν χῶρον, τοῦ μηδὲ εἰ πελάσειεν αὐτῷ πρόβατα, δυνατὰ γενέσθαι εἴσω παρελθεῖν, ὅτι πολλοῦ ἄξιον Κυρηναίοισ τὸ σίλφιον. Βῆσσοσ δὲ ἔχων ἀμφ̓ αὑτὸν Περσῶν τε τοὺσ μετασχόντασ αὐτῷ τῆσ Δαρείου συλλήψεωσ καὶ αὐτῶν Βακτρίων ἐσ ἑπτακισχιλίουσ καὶ Δάασ τοὺσ ἐπὶ τάδε τοῦ Τανάϊδοσ ποταμοῦ ἐποικοῦντασ ἔφθειρε τὴν ὑπὸ τῷ ὄρει τῷ Καυκάσῳ, ὡσ ἐρημίᾳ τε τῆσ χώρασ τῆσ ἐν μέσῳ αὑτοῦ τε καὶ Ἀλεξάνδρου καὶ ἀπορίᾳ τῶν ἐπιτηδείων ἀπείρξων Ἀλέξανδρον τοῦ μὴ ἐλαύνειν πρόσω.

ἀλλὰ Ἀλέξανδροσ ἤλαυνεν οὐδὲν μεῖον, χαλεπῶσ μὲν διά τε χιόνοσ πολλῆσ καὶ ἐνδείᾳ τῶν ἀναγκαίων, ᾔει δὲ ὅμωσ.

Βῆσσοσ δέ, ἐπεὶ ἐξηγγέλλετο αὐτῷ οὐ πόρρω ἤδη ὤν Ἀλέξανδροσ, διαβὰσ τὸν Ὄξον ποταμὸν τὰ μὲν πλοῖα ἐφ̓ ὧν διέβη κατέκαυσεν, αὐτὸσ δὲ ἐσ Ναύτακα τῆσ Σογδιανῆσ χώρασ ἀπεχώρει. εἵποντο δὲ αὐτῷ οἴ τε ἀμφὶ Σπιταμένην καὶ Ὀξυάρτην, ἔχοντεσ τοὺσ ἐκ τῆσ Σογδιανῆσ ἱππέασ, καὶ Δάαι οἱ ἀπὸ τοῦ Τανάϊδοσ.

οἱ δὲ τῶν Βακτρίων ἱππεῖσ ὡσ φεύγειν ἐγνωκότα ἔμαθον Βῆσσον, ἄλλοσ ἄλλῃ ἐπὶ τὰ σφῶν ἕκαστοι ἀπηλλάγησαν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Arrian, Anabasis, book 3, chapter 28

(아리아노스, Anabasis, book 3, chapter 28)

상위

목록

SEARCH

MENU NAVIGATION