헬라어 문장 검색 - Αρριαν́Αναβασί3́01́

(아리아노스, Anabasis, book 3, chapter 1)

Ἀλέξανδροσ δὲ ἐπ̓ Αἰγύπτου, ἵναπερ τὸ πρῶτον ὡρμήθη, ἐστέλλετο, καὶ ἑβδόμῃ ἡμέρᾳ ἀπὸ τῆσ Γάζησ ἐλαύνων ἧκεν εἰσ Πηλούσιον τῆσ Αἰγύπτου. ὁ δὲ ναυτικὸσ στρατὸσ παρέπλει αὐτῷ ἐκ Φοινίκησ ὡσ ἐπ̓ Αἴγυπτον· καὶ καταλαμβάνει τὰσ ναῦσ ἐν Πηλουσίῳ ὁρμούσασ. Μαζάκησ δὲ ὁ Πέρσησ, ὃσ ἦν σατράπησ Αἰγύπτου ἐκ Δαρείου καθεστηκώσ, τήν τε ἐν Ἰσσῷ μάχην ὅπωσ συνέβη πεπυσμένοσ καὶ Δαρεῖον ὅτι αἰσχρᾷ φυγῇ ἔφυγεν, καὶ Φοινίκην τε καὶ Συρίαν καὶ τῆσ Ἀραβίασ τὰσ πολλὰ ὑπὸ Ἀλεξάνδρου ἐχόμενα, αὐτῷ τε οὐκ οὔσησ δυνάμεωσ Περσικῆσ, ἐδέχετο ταῖσ τε πόλεσι φιλίωσ καὶ τῇ χώρᾳ Ἀλέξανδρον.

ὁ δὲ εἰσ μὲν Πηλούσιον φυλακὴν εἰσήγαγε, τοὺσ δὲ ἐπὶ τῶν νεῶν ἀναπλεῖν κατὰ τὸν ποταμὸν κελεύσασ ἔστε ἐπὶ Μέμφιν πόλιν αὐτὸσ ἐφ̓ Ἡλιουπόλεωσ ᾔει, ἐν δεξιᾷ ἔχων τὸν ποταμὸν τὸν Νεῖλον, καὶ ὅσα καθ̓ ὁδὸν χωρία ἐνδιδόντων τῶν ἐνοικούντων κατασχὼν διὰ τῆσ ἐρήμου ἀφίκετο ἐσ Ἡλιούπολιν·

ἐκεῖθεν δὲ διαβὰσ τὸν πόρον ἧκεν ἐσ Μέμφιν·

καὶ θύει ἐκεῖ τοῖσ τε ἄλλοισ θεοῖσ καὶ τῷ Ἄπιδι καὶ ἀγῶνα ἐποίησε γυμνικόν τε καὶ μουσικόν· ἧκον δὲ αὐτῷ οἱ ἀμφὶ ταῦτα τεχνῖται ἐκ τῆσ Ἑλλάδοσ οἱ δοκιμώτατοι. ἐκ δὲ Μέμφιοσ κατέπλει κατὰ τὸν ποταμὸν ὡσ ἐπὶ θάλασσαν τούσ τε ὑπασπιστὰσ ἐπὶ τῶν νεῶν λαβὼν καὶ τοὺσ τοξότασ καὶ τοὺσ Ἀγριᾶνασ καὶ τῶν ἱππέων τὴν βασιλικὴν ἴλην τὴν τῶν ἑταίρων. ἐλθὼν δὲ ἐσ Κάνωβον καὶ κατὰ τὴν λίμνην τὴν Μαρίαν περιπλεύσασ ἀποβαίνει, ὅτου νῦν Ἀλεξάνδρεια πόλισ ᾤκισται, Ἀλεξάνδρου ἐπώνυμοσ.

καὶ ἔδοξεν αὐτῷ ὁ χῶροσ κάλλιστοσ κτίσαι ἐν αὐτῷ πόλιν καὶ γενέσθαι ἂν εὐδαίμονα τὴν πόλιν. πόθοσ οὖν λαμβάνει αὐτὸν τοῦ ἔργου, καὶ αὐτὸσ τὰ σημεῖα τῇ πόλει ἔθηκεν, ἵνα τε ἀγορὰν ἐν αὐτῇ δείμασθαι ἔδει καὶ ἱερὰ ὅσα καὶ θεῶν ὧντινων, τῶν μὲν Ἑλληνικῶν, Ἴσιδοσ δὲ Αἰγυπτίασ, καὶ τὸ τεῖχοσ ᾗ περιβεβλῆσθαι. καὶ ἐπὶ τούτοισ ἐθύετο, καὶ τὰ ἱερὰ καλὰ ἐφαίνετο.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Arrian, Anabasis, book 3, chapter 1

(아리아노스, Anabasis, book 3, chapter 1)

상위

목록

SEARCH

MENU NAVIGATION