헬라어 문장 검색 - Αρριαν́Αναβασί3́22́

(아리아노스, Anabasis, book 3, chapter 22)

Ἀλέξανδροσ δὲ τὸ μὲν σῶμα τοῦ Δαρείου ἐσ Πέρσασ ἀπέπεμψε, θάψαι κελεύσασ ἐν ταῖσ βασιλικαῖσ θήκαισ, καθάπερ καὶ οἱ ἄλλοι οἱ πρὸ Δαρείου βασιλεῖσ· σατράπην δὲ ἀπέδειξε Παρθυαίων καὶ Ὑρκανίων Ἀμμινάπην Παρθυαῖον· ἦν δὲ οὗτοσ τῶν Αἴγυπτον ἐνδόντων Ἀλεξάνδρῳ μετὰ Μαζάκου. Τληπόλεμοσ δὲ Πυθοφάνουσ τῶν ἑταίρων ξυνετάχθη αὐτῷ σκοπεῖν τὰ ἐν Παρθυαίοισ τε καὶ Ὑρκανίοισ. Τοῦτο τὸ τέλοσ Δαρείῳ ἐγένετο ἐπὶ ἄρχοντοσ Ἀθηναίοισ Ἀριστοφῶντοσ μηνὸσ Ἑκατομβαιῶνοσ, ἀνδρὶ τὰ μὲν πολέμια, εἴπερ τινὶ ἄλλῳ, μαλθακῷ τε καὶ οὐ φρενήρει, εἰσ δὲ τἆλλα οὐδὲν ἀνεπιεικὲσ ἔργον ἀποδειξαμένῳ ἢ οὐδὲ ἐγγενόμενον αὐτῷ ἀποδείξασθαι, ὅτι ὁμοῦ μὲν ἐσ τὴν βασιλείαν παρελθεῖν, ὁμοῦ δὲ προσπολεμεῖσθαι πρόσ τε Μακεδόνων καὶ τῶν Ἑλλήνων ξυνέβη.

οὔκουν οὐδὲ ἐθέλοντι ἐξῆν ἔτι ὑβρίζειν ἐσ τοὺσ ὑπηκόουσ ἐν μείζονι κινδύνῳ ἤπερ ἐκεῖνοι καθεστηκότι. ζῶντι μὲν δὴ ξυμφοραὶ αὐτῷ ἄλλαι ἐπ̓ ἄλλαισ ξυνηνέχθησαν, οὐδέ τισ ἀνακωχὴ ἐγένετο ἐπειδὴ πρῶτον ἐσ τὴν ἀρχὴν παρῆλθεν·

ἀλλὰ εὐθὺσ μὲν τὸ τῶν σατραπῶν ἐπὶ Γρανίκῳ πταῖσμα ξυνέβη τὸ ἱππικόν, εὐθὺσ δὲ Ιὠνία τε καὶ Αἰολὶσ εἴχοντο καὶ Φρύγεσ ἀμφότεροι καὶ Λυδία καὶ Κᾶρεσ πλὴν Ἁλικαρνασσέων· ὀλίγον δὲ ὕστερον καὶ Ἁλικαρνασσὸσ ἐξῄρητο, ἐπὶ δὲ ἡ παραλία πᾶσα ἔστε ἐπὶ Κιλικίαν·

ἔνθεν δὲ ἡ αὐτοῦ ἐπ̓ Ἰσσῷ ἧσσα, ἵνα τήν τε μητέρα αἰχμαλωτισθεῖσαν καὶ τὴν γυναῖκα καὶ τοὺσ παῖδασ ἐπεῖδεν· ἐπὶ τῷδε Φοινίκη τε ἀπώλετο καὶ Αἴγυπτοσ πάσα· ἐπὶ δὲ αὐτὸσ ἐν Ἀρβήλοισ ἔφυγέ τε ἐν πρώτοισ αἰσχρῶσ καὶ στρατιὰν πλείστην παντὸσ τοῦ βαρβαρικοῦ γένουσ ἀπώλεσε· φυγάσ τε ἐκ τούτου τῆσ αὑτοῦ ἀρχῆσ πλανώμενοσ καὶ τελευτῶν πρὸσ τῶν ἀμφ̓ αὑτὸν ἐσ τὰ ἔσχατα προδοθείσ, βασιλεύσ τε ἐν τῷ αὐτῷ καὶ δεσμώτησ ξὺν ἀτιμίᾳ ἀγόμενοσ, τέλοσ δὲ πρὸσ τῶν οἰκειοτάτων ἐπιβουλευθεὶσ ἀπώλετο.

ζῶντι μὲν Δαρείῳ τοιαῦτα ξυνηνέχθη, τελευτήσαντι δὲ ταφή τε ἡ βασιλικὴ καὶ τῶν παίδων ὁποία καὶ βασιλεύοντοσ αὐτοῦ τροφή τε παῤ Ἀλεξάνδρου καὶ παίδευσισ, καὶ γαμβρὸσ Ἀλέξανδροσ.

ὁπότε δὲ ἐτελεύτα, ἐγεγόνει ἀμφὶ τὰ πεντήκοντα ἔτη.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Arrian, Anabasis, book 3, chapter 22

(아리아노스, Anabasis, book 3, chapter 22)

상위

목록

SEARCH

MENU NAVIGATION