헬라어 문장 검색 - Αρριαν́Αναβασί3́03́

(아리아노스, Anabasis, book 3, chapter 3)

Ἐπὶ τούτοισ δὲ πόθοσ λαμβάνει αὐτὸν ἐλθεῖν παῤ Ἄμμωνα ἐσ Λιβύην, τὸ μέν τι τῷ θεῷ χρησόμενον, ὅτι ἀτρεκὲσ ἐλέγετο εἶναι τὸ μαντεῖον τοῦ Ἄμμωνοσ καὶ χρήσασθαι αὐτῷ Περσέα καὶ Ἡρακλέα, τὸν μὲν ἐπὶ τὴν Γοργόνα ὅτε πρὸσ Πολυδέκτου ἐστέλλετο, τὸν δὲ ὅτε παῤ Ἀνταῖον ᾔει εἰσ Λιβύην καὶ παρὰ Βούσιριν εἰσ Αἴγυπτον. Ἀλεξάνδρῳ δὲ φιλοτιμία ἦν πρὸσ Περσέα καὶ Ἡρακλέα, ἀπὸ γένουσ τε ὄντι τοῦ ἀμφοῖν καί τι καὶ αὐτὸσ τῆσ γενέσεωσ τῆσ ἑαυτοῦ ἐσ Ἄμμωνα ἀνέφερε, καθάπερ οἱ μῦθοι τὴν Ἡρακλέουσ τε καὶ Περσέωσ ἐσ Δία.

καὶ οὖν παῤ Ἄμμωνα ταύτῃ τῇ γνώμῃ ἐστέλλετο, ὡσ καὶ τὰ αὑτοῦ ἀτρεκέστερον εἰσόμενοσ ἢ φήσων γε ἐγνωκέναι. Μέχρι μὲν δὴ Παραιτονίου παρὰ θάλασσαν ᾔει δἰ ἐρήμου, οὐ μέντοι δἰ ἀνύδρου τῆσ χώρασ, σταδίουσ ἐσ χιλίουσ καὶ ἑξακοσίουσ, ὡσ λέγει Ἀριστόβουλοσ.

ἐντεῦθεν δὲ ἐσ τὴν μεσόγαιαν ἐτράπετο, ἵνα τὸ μαντεῖον ἦν τοῦ Ἄμμωνοσ. ἔστι δὲ ἐρήμη τε ἡ ὁδὸσ καὶ ψάμμοσ ἡ πολλὴ αὐτῆσ καὶ ἄνυδροσ. ὕδωρ δὲ ἐξ οὐρανοῦ πολὺ Ἀλεξάνδρῳ ἐγένετο, καὶ τοῦτο ἐσ τὸ θεῖον ἀνηνέχθη.

ἀνηνέχθη δὲ ἐσ τὸ θεῖον καὶ τόδε· ἄνεμοσ νότοσ ἐπὰν πνεύσῃ ἐν ἐκείνῳ τῷ χώρῳ, τῆσ ψάμμου ἐπιφορεῖ κατὰ τῆσ ὁδοῦ ἐπὶ μέγα, καὶ ἀφανίζεται τῆσ ὁδοῦ τὰ σημεῖα οὐδὲ ἔστιν εἰδέναι ἵνα χρὴ πορεύεσθαι καθάπερ ἐν πελάγει τῇ ψάμμῳ, ὅτι σημεῖα οὐκ ἔστι κατὰ τὴν ὁδὸν οὔτε που ὄροσ οὔτε δένδρον οὔτε γήλοφοι βέβαιοι ἀνεστηκότεσ, οἷσ2τισιν οἱ ὁδῖται τεκμαίροιντο ἂν τὴν πορείαν, καθάπερ οἱ ναῦται τοῖσ ἄστροισ· ἀλλὰ ἐπλανᾶτο γὰρ ἡ στρατιὰ Ἀλεξάνδρῳ καὶ οἱ ἡγεμόνεσ τῆσ ὁδοῦ ἀμφίβολοι ἦσαν. Πτολεμαῖοσ μὲν δὴ ὁ Λάγου λέγει δράκοντασ δύο ἰέναι πρὸ τοῦ στρατεύματοσ φωνὴν ἱέντασ, καὶ τούτοισ ἀλέξανδρον κελεῦσαι ἕπεσθαι τοὺσ ἡγεμόνασ πιστεύσαντασ τῷ θείῳ, τοὺσ δὲ ἡγήσασθαι τὴν ὁδὸν τήν τε ἐσ τὸ μαντεῖον καὶ ὀπίσω αὖθισ·

Ἀριστόβουλοσ δέ, καὶ ὁ πλείων λόγοσ ταύτῃ κατέχει, κόρακασ δύο προπετομένουσ πρὸ τῆσ στρατιᾶσ, τούτουσ γενέσθαι Ἀλεξάνδρῳ τοὺσ ἡγεμόνασ.

καὶ ὅτι μὲν θεῖόν τι ξυνεπέλαβεν αὐτῷ ἔχω ἰσχυρίσασθαι, ὅτι καὶ τὸ εἰκὸσ ταύτῃ ἔχει, τὸ δὲ ἀτρεκὲσ τοῦ λόγου ἀφείλοντο οἱ ἄλλῃ καὶ ἄλλῃ ὑπὲρ αὐτοῦ ἐξηγησάμενοι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Arrian, Anabasis, book 3, chapter 3

(아리아노스, Anabasis, book 3, chapter 3)

상위

목록

SEARCH

MENU NAVIGATION