헬라어 문장 검색 - Αρριαν́Αναβασί3́16́

(아리아노스, Anabasis, book 3, chapter 16)

Δαρεῖοσ μὲν δὴ εὐθὺσ ἐκ τῆσ μάχησ παρὰ τὰ ὄρη τὰ Ἀρμενίων ἤλαυνεν ἐπὶ Μηδίασ, καὶ ξὺν αὐτῷ οἵ τε Βάκτριοι ἱππεῖσ, ὡσ τότε ἐν τῇ μάχῃ ξυνετάχθησαν, ἔφευγον καὶ Περσῶν οἵ τε συγγενεῖσ οἱ βασιλέωσ καὶ τῶν μηλοφόρων καλουμένων οὐ πολλοί. προσεγένοντο δὲ αὐτῷ κατὰ τὴν φυγὴν καὶ τῶν μισθοφόρων ξένων ἐσ δισχιλίουσ, οὓσ Πάτρων τε ὁ Φωκεὺσ καὶ Γλαῦκοσ ὁ Αἰτωλὸσ ἦγον.

ταύτῃ δὲ αὐτῷ ἡ φυγὴ ἐπὶ Μηδίασ ἐγίγνετο, ὅτι ἐδόκει τὴν ἐπὶ Σούσων τε καὶ Βαβυλῶνοσ ἥξειν Ἀλέξανδρον ἐκ τῆσ μάχησ, ὅτι οἰκουμένη τε ἐκείνη πᾶσα ἦν καὶ ὁδὸσ τοῖσ σκευοφόροισ οὐ χαλεπὴ, καὶ ἅμα τοῦ πολέμου τὸ ἆθλον ἡ Βαβυλὼν καὶ τὰ Σοῦσα ἐφαίνετο· ἡ δὲ ἐπὶ Μηδίασ μεγάλῳ στρατεύματι οὐκ εὔποροσ. Καὶ οὐκ ἐψεύσθη Δαρεῖοσ. Ἀλέξανδροσ γὰρ ἐξ Ἀρβήλων ὁρμηθεὶσ τὴν ἐπὶ Βαβυλῶνοσ εὐθὺσ προὐχώρει.

ἤδη τε οὐ πόρρω Βαβυλῶνοσ ἦν καὶ δύναμιν ξυντεταγμένην ὡσ ἐσ μάχην ἦγε, καὶ οἱ Βαβυλώνιοι πανδημεὶ ἀπήντων αὐτῷ ξὺν ἱερεῦσί τε σφῶν καὶ ἄρχουσι, δῶρά τε ὡσ ἕκαστοι φέροντεσ καὶ τὴν πόλιν ἐνδιδόντεσ καὶ τὴν ἄκραν καὶ τὰ χρήματα. Ἀλέξανδροσ δὲ παρελθὼν εἰσ τὴν Βαβυλῶνα τὰ ἱερὰ, ἃ Ξέρξησ καθεῖλεν, ἀνοικοδομεῖν προσέταξε Βαβυλωνίοισ, τά τε ἄλλα καὶ τοῦ Βήλου τὸ ἱερόν, ὃν μάλιστα θεῶν τιμῶσι Βαβυλώνιοι.

σατράπην δὲ κατέστησε Βαβυλῶνοσ Μαζαῖον, Ἀπολλόδωρον δὲ τὸν Ἀμφιπολίτην στρατηγὸν τῶν μετὰ Μαζαίου ὑπολειπομένων στρατιωτῶν, καὶ Ἀσκληπιόδωρον τὸν Φίλωνοσ τοὺσ φόρουσ ἐκλέγειν. κατέπεμψε δὲ καὶ ἐσ Ἀρμενίαν Μιθρήνην σατράπην, ὃσ τὴν ἐν Σάρδεσιν ἀκρόπολιν Ἀλεξάνδρῳ ἐνέδωκεν.

ἔνθα δὴ καὶ τοῖσ Χαλδαίοισ ἐνέτυχεν, καὶ ὅσα ἐδόκει Χαλδαίοισ ἀμφὶ τὰ ἱερὰ τὰ Βαβυλῶνι ἔπραξε, τά τε ἄλλα καὶ τῷ Βήλῳ καθ̓ ἃ ἐκεῖνοι ἐξηγοῦντο ἔθυσεν. Αὐτὸσ δὲ ἐπὶ Σούσων ἐστέλλετο· καὶ ἐντυγχάνει αὐτῷ κατὰ τὴν ὁδὸν ὅ τε παῖσ τοῦ Σουσίων σατράπου καὶ παρὰ Φιλοξένου ἐπιστολεύσ.

Φιλόξενον γὰρ εὐθὺσ ἐκ τῆσ μάχησ ἐπὶ Σούσων ἐστάλκει Ἀλέξανδροσ. τῇ δὲ ἐπιστολῇ τῇ παρὰ Φιλοξένου ἐνεγέγραπτο, ὅτι τήν τε πόλιν οἱ Σούσιοι παραδεδώκασιν καὶ τὰ χρήματα πάντα σῶά ἐστιν Ἀλεξάνδρῳ. ἀφίκετο δὲ ἐσ Σοῦσα Ἀλέξανδροσ ἐκ Βαβυλῶνοσ ἐν ἡμέραισ εἴκοσι·

καὶ παρελθὼν ἐσ τὴν πόλιν τά τε χρήματα παρέλαβεν ὄντα ἀργυρίου τάλαντα ἐσ πεντακισμύρια καὶ τὴν ἄλλην κατασκευὴν τὴν βασιλικήν. πολλὰ δὲ καὶ ἄλλα κατελήφθη αὐτοῦ, ὅσα Ξέρξησ ἀπὸ τῆσ Ἑλλάδοσ ἄγων ἦλθε, τά τε ἄλλα καὶ Ἁρμοδίου καὶ Ἀριστογείτονοσ χαλκαῖ εἰκόνεσ. καὶ ταύτασ Ἀθηναίοισ ὀπίσω πέμπει Ἀλέξανδροσ, καὶ νῦν κεῖνται Ἀθήνησιν ἐν Κεραμεικῷ αἱ εἰκόνεσ, ᾗ ἄνιμεν ἐσ πόλιν, καταντικρὺ μάλιστα τοῦ Μητρῴου, οὐ μακρὰν τῶν Εὐδανέμων τοῦ βωμοῦ·

ὅστισ δὲ μεμύηται ταῖν θεαῖν ἐν Ἐλευσῖνι, οἶδε τοῦ Εὐδανέμου τὸν βωμὸν ἐπὶ τοῦ δαπέδου ὄντα. Ἐνταῦθα θύσασ τῷ πατρίῳ νόμῳ Ἀλέξανδροσ καὶ λαμπάδα ποιήσασ καὶ ἀγῶνα γυμνικόν, καταλιπὼν σατράπην μὲν τῆσ Σουσιανῆσ Ἀβουλίτην ἄνδρα Πέρσην, φρούραρχον δὲ ἐν τῇ ἄκρᾳ τῶν Σούσων Μάζαρον τῶν ἑταίρων καὶ στρατηγὸν Ἀρχέλαον τὸν Θεοδώρου, προὐχώρει ὡσ ἐπὶ Πέρσασ·

ἐπὶ θάλασσαν δὲ κατέπεμψεν ὕπαρχον Συρίασ καὶ Φοινίκησ καὶ Κιλικίασ Μένητα. καὶ τούτῳ ἔδωκεν ἀργυρίου τάλαντα ἐσ τρισχίλια φέρειν ἐπὶ θάλασσαν, καὶ ἀπ̓ αὐτῶν ἀποστεῖλαι παῤ Ἀντίπατρον ὅσων ἂν δέηται Ἀντίπατροσ ἐσ τὸν πρὸσ Λακεδαιμονίουσ πόλεμον.

ἐνταῦθα καὶ Ἀμύντασ ὁ Ἀνδρομένουσ ξὺν τῇ δυνάμει ἀφίκετο, ἣν ἐκ Μακεδονίασ ἦγε. καὶ τούτων τοὺσ μὲν ἱππέασ ἐσ τὴν ἵππον τὴν ἑταιρικὴν κατέταξεν Ἀλέξανδροσ, τοὺσ πεζοὺσ δὲ προσέθηκεν ταῖσ τάξεσι ταῖσ ἄλλαισ, κατὰ ἔθνη ἑκάστουσ ξυντάξασ.

κατέστησε δὲ καὶ λάχουσ δύο ἐν ἑκάστῃ ἴλῃ, οὐ πρόσθεν ὄντασ λόχουσ ἱππικούσ, καὶ λοχαγοὺσ ἐπέστησε τοὺσ κατ̓ ἀρετὴν προκριθέντασ ἐκ τῶν ἑταίρων.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Arrian, Anabasis, book 3, chapter 16

(아리아노스, Anabasis, book 3, chapter 16)

상위

목록

SEARCH

MENU NAVIGATION