헬라어 문장 검색 - Αρριαν́Αναβασί3́26́

(아리아노스, Anabasis, book 3, chapter 26)

Ἐνταῦθα καὶ τὴν Φιλώτα ἐπιβουλὴν τοῦ Παρμενίωνοσ ἔμαθεν Ἀλέξανδροσ, καὶ λέγει Πτολεμαῖοσ καὶ Ἀριστόβουλοσ, ὅτι προσηγγελμένη μὲν ἦν ἤδη οἱ καὶ πρότερον ἐν Αἰγύπτῳ, οὐ μέντοι πιστὴ γε ἐφάνη τῆσ τε φιλίασ τῆσ πάλαι ἕνεκα καὶ τῆσ ἐξ αὐτοῦ ἐσ Παρμενίωνά τε τὸν πατέρα τὸν Φιλώτα τιμῆσ καὶ ἐσ αὐτὸν Φιλώταν πίστεωσ. Πτολεμαῖοσ δὲ ὁ Λάγου λέγει εἰσαχθῆναι εἰσ Μακεδόνασ Φιλώταν καὶ κατηγορῆσαι μὲν αὐτοῦ ἰσχυρῶσ Ἀλέξανδρον, ἀπολογήσασθαι δὲ αὐτὸν Φιλώταν·

καὶ τοὺσ ἐπιμηνυτὰσ τοῦ ἔργου παρελθόντασ ἐξελέγξαι Φιλώταν τε καὶ τοὺσ ἀρφ̓ αὐτὸν ἄλλοισ τε ἐλέγχοισ οὐκ ἀφανέσι καὶ μάλιστα δὴ ὅτι αὐτὸσ Φιλώτασ πεπύσθαι μὲν ἐπιβουλήν τινα Ἀλεξάνδρῳ παρασκευαζομένην συνέφη, ἐξηλέγχετο δὲ κατασιωπήσασ ταύτην πρὸσ Ἀλέξανδρον, καίτοι δὶσ ἐπὶ τὴν σκηνὴν ὁσημέραι τὴν Ἀλεξάνδρου φοιτῶν. καὶ Φιλώταν μὲν κατακοντισθῆναι πρὸσ τῶν Μακεδόνων καὶ ὅσοι ἄλλοι μετέσχον αὐτῷ τῆσ ἐπιβουλῆσ·

ἐπὶ Παρμενίωνα δὲ σταλῆναι Πολυδάμαντα, ἕνα τῶν ἑταίρων, γράμματα φέροντα παῤ Ἀλεξάνδρου πρὸσ τοὺσ στρατηγοὺσ τοὺσ ἐν Μηδίᾳ, Κλέανδρόν τε καὶ Σιτάλκην καὶ Μεν[ν]ίδαν· οὗτοι γὰρ ἐπὶ τῆσ στρατιᾶσ, ἧσ Παρμενίων ἦρχε, τεταγμένοι ἦσαν· καὶ πρὸσ τούτων ἀποθανεῖν Παρμενίωνα, τυχὸν μὲν ὅτι οὐ πιστὸν ἐδόκει εἶναι Ἀλέξανδροσ Φιλώτα ἐπιβουλεύοντοσ μὴ ξυμμετασχεῖν Παρμενίωνα τῷ παιδὶ τοῦ βουλεύματοσ, τυχὸν δὲ ὅτι, εἰ καὶ μὴ ξυμμετέσχε, σφαλερὸσ ἤδη ἦν περιὼν Παρμενίων τοῦ παιδὸσ αὐτοῦ ἀνῃρημένου, ἐν τοσαύτῃ ὢν ἀξιώσει παρὰ τε αὐτῷ Ἀλεξάνδρῳ καὶ ἐσ τὸ ἄλλο στράτευμα, μὴ ὅτι τὸ Μακεδονικὸν, ἀλλὰ καὶ τῶν ἄλλων ξένων, ὧν πολλάκισ καὶ ἐν μέρει καὶ παρὰ τὸ μέροσ κατὰ πρόσταξιν τὴν Ἀλεξάνδρου ξὺν χάριτι ἐξηγεῖτο.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Arrian, Anabasis, book 3, chapter 26

(아리아노스, Anabasis, book 3, chapter 26)

상위

목록

SEARCH

MENU NAVIGATION