헬라어 문장 검색 - Αρριαν́Αναβασί3́21́

(아리아노스, Anabasis, book 3, chapter 21)

Καὶ ἐν τούτῳ ἀφικνεῖται παῤ αὐτὸν ἀπὸ τοῦ Δαρείου στρατοπέδου Βαγιστάνησ Βαβυλώνιοσ ἀνὴρ τῶν γνωρίμων καὶ ξὺν τούτῳ Ἀντίβηλοσ τῶν Μαζαίου παίδων. οὗτοι ἀπήγγειλαν ὅτι Ναβαρζάνησ τε, χιλιάρχησ τῶν ξὺν Δαρείῳ φευγόντων ἱππέων, καὶ Βῆσσοσ ὁ Βακτρίων σατράπησ καὶ Βαρσαέντησ ὁ Ἀραχωτῶν καὶ Δραγγῶν σατράπησ ξυνειληφότεσ εἰε͂ν Δαρεῖον. ταῦτα ἀκούσασ Ἀλέξανδροσ ἔτι μᾶλλον ἦγε σπουδῇ, τοὺσ ἑταίρουσ μόνουσ ἔχων ἀμφ̓ αὑτὸν καὶ τοὺσ προδρόμουσ ἱππέασ καὶ τῶν πεζῶν τοὺσ εὐρωστοτάτουσ τε καὶ κουφοτάτουσ ἐπιλεξάμενοσ, οὐδὲ τοὺσ ἀμφὶ Κοῖνον προσμείνασ ἐκ τῆσ προνομῆσ ἐπανελθεῖν.

τοῖσ δὲ ὑπολειπομένοισ ἐπιστήσασ Κρατερὸν προστάττει ἕπεσθαι μὴ μακρὰσ ὁδοὺσ ἡμερῶν σιτία. ἐλθὼν δὲ τήν τε νύκτα μόνον καὶ δύο ἡμερῶν σιτία.

ἐλθὼν δὲ τήν τε νύκτα ὅλην καὶ τῆσ ἐπιούσησ ἡμέρασ μέχρι μεσημβρίασ ὀλίγον χρόνον ἀναπαύσασ τὸν στρατὸν αὖθισ ᾔει ὅλην νύκτα, καὶ ἅμα ἡμέρᾳ ὑποφαινούσῃ παρῆν εἰσ τὸ στρατόπεδον, ὅθεν ἀφωρμήκει ὀπίσω Βαγιστάνησ. καὶ τοὺσ μὲν πολεμίουσ οὐ κατέλαβε, Δαρείου δὲ πέρι ἐπύθετο αὐτὸν μὲν συνειλημμένον ἄγεσθαι ἐφ̓ ἁρμαμάξησ, Βήσσῳ δὲ ἀντὶ Δαρείου εἶναι τὸ κράτοσ καὶ ἡγεμόνα ὠνομάσθαι Βῆσσον πρόσ τε τῶν Βακτρίων ἱππέων καὶ τῶν ἄλλων ὅσοι βάρβαροι ξυνέφευγον Δαρείῳ, πλὴν Ἀρταβάζου καὶ τῶν Ἀρταβάζου παίδων καὶ τῶν Ἑλλήνων τῶν μισθοφόρων·

τούτουσ δὲ πιστοὺσ εἶναι Δαρείῳ, καὶ εἴργειν μὲν τὰ γιγνόμενα οὐ δυνατοὺσ εἶναι, ἐκτραπέντασ δὲ ἔξω τῆσ λεωφόρου ὁδοῦ ὡσ ἐπὶ τὰ ὄρη ἰέναι κατὰ σφᾶσ, οὐ μετέχοντασ τοῖσ ἀμφὶ Βῆσσον τοῦ ἔργου. γνώμην δὲ πεποιῆσθαι τοὺσ ξυλλαβόντασ Δαρεῖον, εἰ μὲν διώκοντα σφᾶσ Ἀλέξανδρον πυνθάνοιντο, παραδοῦναι Δαρεῖον Ἀλεξάνδρῳ καὶ σφίσι τι ἀγαθὸν εὑρίσκεσθαι· εἰ δὲ τὸ ἔμπαλιν ἐπανεληλυθότα μάθοιεν, τοὺσ δὲ στρατιάν τε ξυλλέγειν ὅσην πλείστην δύναιντο καὶ διασώζειν ἐσ τὸ κοινὸν τὴν ἀρχήν.

Βῆσσον δὲ ἐν τῷ παρόντι ἐξηγεῖσθαι κατ̓ οἰκειότητά τε τὴν Δαρείου καὶ ὅτι ἐν τῇ αὐτοῦ σατραπείᾳ τὸ ἔργον ἐγίγνετο. Ταῦτα ἀκούσαντι Ἀλεξάνδρῳ ἀνὰ κράτοσ διωκτέα ἐφαίνετο.

καὶ ἤδη μὲν ἐξέκαμνον οἵ τε ἄνδρεσ καὶ οἱ ἵπποι ὑπὸ τῇ ταλαιπωρίᾳ τῇ ξυνεχεῖ· ἀλλὰ καὶ ὣσ ἦγε, καὶ διελθὼν ὁδὸν πολλὴν τῆσ τε νυκτὸσ καὶ τῆσ ἐπὶ ταύτῃ ἡμέρασ ἔστε ἐπὶ μεσημβρίαν ἀφικνεῖται ἔσ τινα κώμην, ἵνα τῇ προτεραίᾳ ἐστρατοπεδεύκεσαν οἱ Δαρεῖον ἄγοντεσ. ἐνταῦθα ἀκούσασ ὅτι νυκτὸσ ποιεῖσθαι τὴν πορείαν ἐγνωσμένον εἰή τοῖσ βαρβάροισ, ἤλεγχε τοὺσ προσχώρουσ, εἰ δή τινα εἰδεῖεν ἐπιτομωτέραν ὁδὸν ἐπὶ τοὺσ φεύγοντασ.

οἱ δὲ εἰδέναι μὲν ἔφασαν, ἐρήμην δὲ εἶναι τὴν ὁδὸν δἰ ἀνυδρίαν. ὁ δὲ ταύτην ἄγειν ἐκέλευσε· καὶ γνοὺσ ὅτι οὐχ ἕψονται οἱ πεζοὶ αὐτῷ σπουδῇ ἐλαύνοντι τῶν μὲν ἱππέων ἐσ πεντακοσίουσ κατεβίβασεν ἀπὸ τῶν ἵππων, τοὺσ ἡγεμόνασ δὲ τῶν πεζῶν καὶ τῶν ἄλλων ἐπιλεξάμενοσ τοὺσ κρατιστεύοντασ ἐπιβῆναι τῶν ἵππων ἐκέλευσεν οὕτωσ ὅπωσ οἱ πεζοὶ ὡπλισμένοι ἦσαν. Νικάνορα δὲ τὸν τῶν ὑπασπιστῶν ἡγεμόνα καὶ Ἄτταλον τὸν τῶν Ἀγριάνων κατὰ τὴν ὁδόν, ἥντινα οἱ ἀμφὶ Βῆσσον προὐκεχωρήκεσαν, τοὺσ ὑπολειφθέντασ ἄγειν ἐκέλευσε, καὶ τούτουσ ὡσ κουφότατα ἐσταλμένουσ, τοὺσ δὲ ἄλλουσ πεζοὺσ ἐν τάξει ἕπεσθαι.

αὐτὸσ δὲ ἀμφὶ δείλην ἄγειν ἀρξάμενοσ δρόμῳ ἡγεῖτο·

διελθὼν δὲ τῆσ νυκτὸσ σταδίουσ ἐσ τετρακοσίουσ ὑπὸ τὴν ἑώ ἐπιτυγχάνει τοῖσ βαρβάροισ ἀτάκτωσ ἰοῦσι καὶ ἀνόπλοισ, ὥστε ὀλίγοι μέν τινεσ αὐτῶν ὡσ ἀμυνούμενοι ὡρ́μησαν, οἱ δὲ πολλοὶ εὐθὺσ ὡσ Ἀλέξανδρον αὐτὸν κατεῖδον οὐδὲ ἐσ χεῖρασ ἐλθόντεσ ἔφευγον· καὶ οἱ τραπέντεσ ἐσ ἀλκὴν ὀλίγων πεσόντων καὶ οὗτοι ἔφυγον. Βῆσσοσ δὲ καὶ οἱ ξὺν αὐτῷ τέωσ μὲν ἐφ̓ ἁρμαμάξησ Δαρεῖον μετὰ σφῶν ἐκόμιζον·

ὡσ δὲ ὁμοῦ ἤδη ἦν Ἀλέξανδροσ, Δαρεῖον μὲν Σατιβαρζάνησ καὶ Βαρσαέντησ κατατρώσαντεσ αὐτοῦ ἀπέλιπον, αὐτοὶ δὲ ἔφυγον φὺν ἱππεῦσιν ἑξακοσίοισ. Δαρεῖοσ δὲ ἀποθνήσκει ὀλίγον ὕστερον ἐκ τῶν τραυμάτων πρὶν ὀφθῆναι Ἀλεξάνδρῳ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Arrian, Anabasis, book 3, chapter 21

(아리아노스, Anabasis, book 3, chapter 21)

상위

목록

SEARCH

MENU NAVIGATION